نانگا پربت سر کرنے کی مہم کے دوران ہلاک کوہ پیما کی تلاش شروع کردی گئی ، جائے حادثہ اونچائی پر ہونے کی وجہ سے ریسکیو آپریشن میں شدید مشکلات کا سامنا ہے۔

تفصیلات کے مطابق قاتل پہاڑ اور دنیا کی نویں بلندی ترین چوٹی نانگا پربت سر کرنے کا خواب نے غیر ملکی خاتون کوہ پیماء کا جان لے گیا۔

گزشتہ روز مہم جوئی کے دوران کیمپ ون اور ٹو کے درمیان اونچائی سے گر کر جاں بحق ہونے والی خاتون کوہ پیماء کولاوشاوا کلارا (Kolouchava Klara) کی تلاش کے لئے ہیلی کاپٹر کے ذریعے ریسکیو آپریشن آغاز کردیا گیا ہے۔

ریسکیو آپریشن میں پاک فوج کے دو ہیلی کاپٹر حصہ لے رہے ہیں، جائے حادثہ اونچائی پر ہونے کی وجہ سے ریسکیو آپریشن میں شدید مشکلات کا سامنا ہے۔

ایڈیشنل ڈپٹی کمشنر دیامر نظام الدین کے مطابق پہلے مرحلے میں غیر ملکی خاتون کوہ پیماء جہاں گری ہے، اس کی لوکیشن ٹریس کیا جائے گا، لوکیشن ٹریس کرنے کے بعد ریکوری کا کام شروع کیا جائے گا۔

سینتالیس سال غیرملکی خاتون کی لاش آج ہیلی کاپٹر سے چلاس اسپتال منتقل کی جائے گی، خاتون ٹریکنگ کیلئے بونر بیس کیمپ آئی سات رکنی ٹیم کاحصہ تھی۔

چیک ری پبلک کی کولاوشاوا کلارا کی موت گزشتہ روز آکسیجن سلنڈر پھٹنے سے ہوئی تھی، جس کی اطلاع ساتھی کوہ پیما نے بیس کیمپ کو دی تھی۔

لاہور : 9 اور 10 محرم کو پنجاب بھر میں طوفانی بارشوں کی پیش گوئی کردی گئی اور انتظامیہ موسمی شدت کو مدنظر رکھتے ہوئے حفاظتی تدابیر اختیار کرنے کی ہدایت کی ہے۔

تفصیلات کے مطابق پی ڈی ایم اے نے 9 اور 10 محرم کو پنجاب بھر میں طوفانی بارشوں کے امکانات ظاہر کردیے۔

ترجمان نے بتایا کہ پنجاب کے مختلف اضلاع میں 5 جولائی سے شدید بارشیں متوقع ہے ، محرم جلوسوں کی انتظامیہ موسمی شدت کو مدنظر رکھتے ہوئے حفاظتی تدابیر اختیار کرے۔

ڈی جی پی ڈی ایم اے عرفان علی کاٹھیا نے کہا کہ بجلی کے کھمبوں اور تاروں سے فاصلہ اختیار کیا جائے اور خستہ حال چھتوں کے اوپر محافل کے انعقاد سے گریز کیا جائے۔

عرفان علی کاٹھیا کا کہنا تھا کہ دریاؤں اور ندی نالوں کی کراسنگ سے ممکنہ حد تک گریز کیا جائے اور ندی نالوں کے کنارے بستیوں کے مکین خاص طور پر احتیاطی تدابیر اختیار کریں۔

ڈی جی پی ڈی ایم اے نے ڈیرہ غازی خان کے پہاڑی علاقوں میں طغیانی کا خدشہ بھی ظاہر کیا۔

دوسری جانب این ڈی ایم اے نے 7 جولائی سےدریاؤں اور ندی نالوں میں پانی کے بہاؤ میں نمایاں اضافے کا امکان ظاہر کیا ہے۔

دریائے سندھ، جہلم، چناب، راوی، ستلج اورکابل اورملحقہ ندی نالوں میں پانی کی آمدمیں اضافہ متوقع ہے ، جبکہ مشرقی بلوچستان اور ڈی جی خان ڈویژن کے پہاڑی ندی نالوں میں اچانک طغیانی کاخدشہ ہے۔

این ڈی ایم اے کا کہنا ہے کہ 7 جولائی سے شمالی اور وسطی پنجاب کے بڑے شہروں میں اربن فلڈنگ کا امکان ہے۔