فخر زمان نے پاکستان سپر لیگ کی پچز کے حوالے سے گفتگو کرتے ہوئے کہا ہے کہ ڈومیسٹک میں بھی گرین پچز ہونی چاہئیں تاکہ فائدہ ہو۔
تفصیلات کے مطابق لاہور قلندرز کے جارح مزاج اوپنر فخرزمان نے میڈیا سے گفتگو کرتے ہوئے کہا کہ جیسی پچز بن رہی ہیں ہمیں اس کا فائدہ ہوگا، میں سمجھتا ہوں کہ پچز میں بالرز کےلیے بھی کچھ ہونا چاہیے، مشکل پیش آنے کے باوجود 170 سے زائد رنز بن رہے ہیں۔
قومی کرکٹ ٹیم کے بیٹر نے اپنی فرنچائز کے حوالے سے اظہار خیال کرتے ہوئے کہا کہ ہم نے 3 میچز جیتے 3 ہارے ہیں، جس سمت میں جا رہے ہیں اس سے مطمئن ہیں۔
فخرزمان کا کہنا تھا کہ ہم سب ملکر کھیل رہے ہیں اور حریف ٹیموں کو ٹف ٹائم دے رہے ہیں، رشاد حسین باصلاحیت اسپنر ہے اس کا مستقبل روشن ہے۔
انھوں نے کہا کہ ایک جگہ پر میچز ہونے سے کنڈیشنز سے ہم آہنگ ہونے کام وقع ملتا ہے، یہ موسم پی ایس ایل کیلئے اچھا ہے لوگوں نے گرمی کا شوشہ زیادہ چھوڑا ہے۔
فخرزمان نے کہا کہ عامر اچھے بالر ہیں وہ ہر کنڈیشنز میں بولنگ کرنا جانتے ہیں، ایک پلئیر کی وجہ سے ٹیم نہیں بنتی ساری ٹیم کو مل کر کھیلنا پڑتا ہے۔
)
