اسلام آباد: صوبائی تنظیموں کے بعد پی ٹی آئی اے کے مرکزی تنظیمی ڈھانچے کا بھی اعلان کردیا گیا جس کی منظوری چیئرمین پی ٹی آئی عمران خان نے دے دی۔

تفصیلات کے مطابق پی ٹی آئی کے مرکزی تنظیمی ڈھانچے کا اعلان کردیا گیا ہے جس کے مطابق عامر محمود کیانی پاکستان تحریک انصاف کے مرکزی سیکریٹری جنرل مقرر کردئیے گئے۔

مرکزی سیکریٹری اطلاعات کی ذمہ داریاں احمد جواد کو سونپ دی گئی ہیں، ارشد داد سینئر نائب صدر کے فرائض سر انجام دیں گے۔

رپورٹ کے مطابق عمر سرفراز چیمہ اور زاہد حسین کاظمی کو نائب صدر مقرر کیا گیا ہے، ڈاکٹر ابو الحسن انصاری مرکزی سیکریٹری جنرل تعینات ہوئے ہیں۔

مزید پڑھیں: عمران خان نے پی ٹی آئی کے تنظیمی ڈھانچے میں تنظیم نو کی منظوری دے دی

صوبائی ڈپٹی سیکریٹری جنرل عمر فاروق مائر، نیک محمد خان اور خادم حسین وردک کو مقرر کیا گیا ہے، چوہدری اقبال آزاد کشمیر، حشمت اللہ گلگت بلتستان میں ڈپٹی سیکریٹری جرنل تعینات کیے گئے ہیں۔

جوائنٹ سیکریٹریز نیلوفر بختیار، اعجاز رفیع بٹ اور کرنل امان اللہ کو مقرر کیا گیا ہے، ہمایوں جوگیزئی، شریف جوگیزئی اور خواجہ فاروق کو بھی جوائنٹ سیکریٹریز مقرر کیا گیا ہے۔

تحریک انصاف کے چیف آرگنائزر سیف اللہ نیازی نے تقرری کا باضابطہ نوٹیفکیشن جاری کردیا ہے۔

واضح رہے کہ 31 دسمبر 2018 میں چیئرمین تحریک انصاف عمران خان نے تنظیمی ڈھانچے میں بنیادی تبدیلی کا فیصلہ کرتے ہوئے پارٹی میں تنظیم نو کی منظوری دی تھی۔

اسلام آباد: چیئرمین ایف بی آر شبر زیدی نے کہا ہے کہ اشیاء کے بجائے آمدن پر ٹیکسز جمع کرکے دکھائیں گے، امیروں سے ٹیکس لینے پر سب متفق ہیں۔

تفصیلات کے مطابق چیئرمین ایف بی آر شبر زیدی نے سیمینار سے خطاب کرتے ہوئے کہا کہ شناختی کارڈ اس سے مانگا ہے جو 50 ہزار سے زائد کی شاپنگ کرتا ہے، پاکستان میں فقیر کے پاس بھی شناختی کارڈ ہے، وزیراعظم بھی شناختی کارڈ کی شرط پر عمل چاہتے ہیں۔

شبر زیدی کے مطابق پاکستان کو حوالہ ہنڈی نے نقصان پہنچایا ہے، افغان ٹرانزٹ پر مناسب چیک اینڈ بیلنس نہ ہونے سے نقصان ہوا، بجٹ میں ٹیکس کا پورا نظام بدل رہے ہیں، ایک دن میں مختلف شعبوں کے 15 وفود سے مل رہا ہوں، ٹیکس فری کے عادی شناختی کارڈ کی شرط پر اعتراض کررہے ہیں۔

مزید پڑھیں: ہروہ شخص جو500 گز کے گھر کا مالک ہے، ریٹرن فائل کرنا ہوگا، شبر زیدی

انہوں نے کہا کہ معیشت کو دستاویزی بنانے پر کوئی سمجھوتہ نہیں کریں گے، ہر کوئی شناختی کارڈ کو این ٹی این قرار دینے کے حق میں ہے، شناختی کارڈ کی چھوٹی سی شرط عائد کی پورا پاکستان مخالف ہوگیا، یہ مائنڈ سیٹ عام دمی کا نہیں ہے ٹیکس فری ماحول میں رہنے والوں کا ہے۔

چیئرمین ایف بی آر نے کہا کہ پاکستان میں کچھ بڑی کمپنیاں ہر سال 25 فیصد منافع کماتی ہیں، پاکستان میں صنعتوں کو ختم کرکے تجارت کو فروغ دیا گیا، پاکستان جوتے بھی درآمد کرتا ہے کیونکہ صنعت بند ہے، المیا ہے کہ اصل آمدنی پر ٹیکس نہیں لگایا گیا۔

انہوں نے کہا کہ شناختی کارڈ کی شرط کے خلاف ہڑتال اور مزاحمت کی جارہی ہے، امیر کہتے ہیں ہم زکوٰۃ دیتے ہیں، یہ کافی نہیں، ویلتھ ٹیکس دینا ہوگا، پاکستانیوں کو اب ٹیکس کا کلچر اپنانا ہوگا۔

میانوالی: وفاقی وزیر ریلوے شیخ رشید احمد نے کہا ہے کہ کرپٹ عناصر کو ایک ماہ کے لیے میانوالی جیج بھیج دیں یہ سارا پیسہ واپس کردیں گے۔

تفصیلات کے مطاسبق وزیر ریلوے شیخ رشید نے میانوالی ایکسپریس کی افتتاحی تقریب سے خطاب کرتے ہوئے کہا کہ چوروں کو جیلوں میں فائیو اسٹار ہوٹل جیسی سہولتیں مل رہی ہیں، ان کو ایک ماہ کے لے میانوالی جیل بھیج دیں لوٹا پیسہ بھی واپس کردیں گے۔

وزیر ریلوے شیخ رشید نے کہا کہ میں نے 7 سال بغیر کوئی جرم کیے جیل میں گزارے تھے۔

انہوں نے کہا کہ عوام کا وزیراعظم عام طیارے میں امریکا کے دورے پر جارہا ہے، وزیراعظم عمران خان آئی ایم ایف کے قرضے ری شیڈول کرالیں گے۔

شیخ رشید نے کہا کہ 2800 ریلوے پھاٹک میں سے 1500 پر ملازمین تعینات نہیں ہیں، ماڑی ایکسپریس 90 سے بند تھی اب دوبارہ چلائی جارہی ہے۔

مزید پڑھیں: جوزیادہ چیخ رہاہےاس کی اگلی باری ہے، شیخ رشید

وزیر ریلوے نے کہا کہ ہم نے اپنے وسائل میں رہتے ہوئے 36 ٹرینیں چلائی ہیں، 10 ماہ میں ریلوے پر سفر کرنے والے مسافروں کی تعداد میں 70 لاکھ اضافہ ہوا ہے۔

واضح رہے کہ گزشتہ روز وزیر ریلوے شیخ رشید کا کہنا تھا کہ جو زیادہ چیخ رہا ہے اس کی اگلی باری ہے، شاہد خاقان کی گرفتاری کے بعد ایل این جی کیس میں ابھی بہت سی گرفتاریاں ہوں گی۔

ان کا کہنا تھا کہ میرے پاس جتنی دستاویزات ہیں عدالت میں جمع کراچکا ہوں، 90 دن میں بڑے بڑے کیسز کے فیصلے ہوجائیں گے، شاہد خاقان کی گرفتاری میرے لیے کوئی نئی خبر نہیں تھی۔