جمعہ, جون 27, 2025
لائیو سٹریم
اے آر وائی نیوز انگریزی
رمضان کیلنڈر 2025
گولڈ ریٹس
کرنسی ریٹ
ایندھن قیمتیں
ہوم بلاگ صفحہ 22626

بھارتی شہری سربجیت سنگھ کے قتل کے 2 ملزمان بری

کی طرف
ویب ڈیسک
-
0

لاہور: بھارتی شہری سربجیت سنگھ کے قتل کے 2 ملزمان بری کر دیے گئے، عدالت نے ملزمان کو عدم ثبوت کی بنا پر بری کیا۔

تفصیلات کے مطابق سیشن کورٹ لاہور میں سربجیت سنگھ قتل کیس کی ویڈیو ٹرائل کے ذریعے سماعت ہوئی، عدالت نے عدم شواہد کی بنیاد پر دو ملزمان کو بری کر دیا۔

[bs-quote quote=”ملزمان عامر عرف تانبا اور مدثر منیر پر سربجیت سنگھ کے قتل کا الزام تھا۔” style=”style-7″ align=”left” color=”#dd3333″][/bs-quote]

تفتیشی افسر کا کہنا تھا کہ ملزمان پر کوٹ لکھپت جیل میں بھارتی شہری کو قتل کرنے کا الزام ہے، ڈاکٹر نے زخمی کا بیان لینے سے منع کیا، اس لیے بیان ریکارڈ نہیں کر سکا۔

انویسٹی گیشن آفیسر کے مطابق ملزمان عامر عرف تانبا اور مدثر منیر نے سربجیت سنگھ کو قتل کیا، سربجیت سنگھ کو کوٹ لکھپت جیل میں 2013 میں قتل کیا گیا تھا۔ سربجیت سنگھ، عامر تانبا اور مدثر منیر تینوں کوٹ لکھپت جیل میں قیدی تھے۔

واضح رہے کہ بھارتی خفیہ ایجنسی را کے افسر سربجیت سنگھ عرف منجیت سنگھ کو سپریم کورٹ آف پاکستان نے لاہور اور فیصل آباد میں 1990 میں ہونے والے بم دھماکوں میں 14 افراد کے جاں بحق ہونے کے جرم میں عمر قید کی سزا سنائی تھی۔

یہ بھی پڑھیں:  پاکستان میں گرفتار ہونے والے 9 بھارتی جاسوس

سربجیت سنگھ لاہور کی جیل میں قید تھا جہاں 26 اپریل 2013 کو جیل میں چند قیدیوں نے اس پر حملہ کر دیا جس کے نتیجے میں وہ شدید زخمی ہوا اور چھ دن اسپتال میں زیرِ علاج رہ کر دم توڑ گیا۔

لندن: جعلی کینسر کے نام پر لاکھوں پاؤنڈ ہتھیانے والی بھارتی خاتون کو 4 برس قید

کی طرف
ویب ڈیسک
-
0
fake cancer

لندن : کینسر کی جھوٹی کہانی سنا کر ڈھائی لاکھ پاؤنڈ کی رقم ہتھیانے والی بھارتی نژاد برطانوی خاتون کو عدالت نے 4 برس قید کی سزا سنا دی۔

تفصیلات کے مطابق برطانیہ کے علاقے لاگبرو کی رہائشی 36 سالہ جسمین مستری کو برطانیہ کی کراؤن کورٹ نے جمعے کے روز دھوکا دہی کا الزام ثابت ہونے پر سزا سنائی۔

برطانوی پولیس کا کہنا ہے کہ جسمین مستری نے اپنے خاوند کو سنہ 2013 میں مختلف سم کارڈ سے ڈاکٹر بن کے جعلی واٹس ایپ پیغامات بھیجے جس میں کینسر کی جھوٹی خبر دی گئی تھی۔

مقامی میڈیا کا کہنا ہے کہ سنہ 2014 میں جسمین نے اپنے شوہر سے کہا کہ اگر دماغ کے کینسر کا علاج نہیں کروایا تو چھ ماہ سے زیادہ زندہ نہیں رہ پاؤں گیئں۔

جسمین نے ڈاکٹر کے نام سے مزید کچھ جعلی ایس ایم ایس اپنے موبائل فون پر ارسال کیے جس میں کہا گیا تھا کہ جسمین تمھارا علاج امریکا میں ہوسکتا ہے جس پر 5 لاکھ پاؤنڈ خرچ آئے گا۔

برطانوی میڈیا کا کہنا ہے کہ مذکورہ خاتون کے شوہر نے اہلیہ کے علاج کی خاطر اپنے اہل خانہ اور دوستوں سے چندے کی درخواست کی، تاہم مذکورہ خاتون کے ایک عزیز نے تحقیق کی تو معاملہ سامنے آیا اور پولیس نے جسمین کو گرفتار کرلیا۔

برطانوی میڈیا کا کہنا ہے کہ جسمین مستری نے عدالت میں اقرار جرم کیا اس نے کینسر کی جعلی کہانی سناکر 2 لاکھ 50 ہزار پاؤنڈ کی رقم حاصل کی ہے جس کے بعد عدالت نے مستری کو 4 برس قید کی سزا سنائی ہے۔

نئے سال کی آمد ، پی آئی اے کا مسافروں کے لئے کرایوں میں کمی کا اعلان

کی طرف
محمد صلاح الدین
-
0

کراچی : پی آئی اے نے نئے سال کی آمد پر مسافروں کے لئے کرایوں میں کمی کا اعلان کر دیا، مسافر 14 سے 28 دسمبر تک ان رعائتی کرایوں سے فائدہ اٹھا سکیں گے۔

تفصیلات کے مطابق نئے سال کی آمد پر پی آئی اے نے پاکستان سے چین، یورپ اور افغانستان سفر کرنے والوں کے لئے کرایوں میں کمی کا اعلان کیا ہے، یہ سہولت پاکستان سے پیرس ، میلان ، اوسلو ، کوپن ہیگن اور بارسلونا جانے والی پروازوں پر ہوگی۔

پی آئی اے کے یہ رعایتی کرایے 28 دسمبر تک موثر رہیں گے، یورپ کے لیے مسافر 14 سے 28 دسمبر تک ان رعائتی کرایوں سے فائدہ اٹھا سکیں گے۔

سماجی رابطے کی ویب سائٹ ٹویٹر پر پی آئی اے نے نئی رعائتی کرایوں سے متعلق آگاہ کیا، بیجنگ کے دوطرفہ کرایوں میں 8 ہزار روپےکی کمی اور مفت سامان کی رعایت 40 کلو گرام تک بڑھا دی ہے جبکہ کابل کے لیےکرایوں میں 2 ہزار روپے کی کمی کا اعلان کیا گیا ہے۔

ترجمان کے مطابق پیرس،میلان،اوسلو،کوپن ہیگن اوربارسلوناکےکرایوں میں5سے6ہزارکی کمی کی گئی ہے، پاکستان سے پیرس ،میلان کا یکطرفہ کرایہ 33 ہزار 600 جبکہ دو طرفہ کرایہ 48 ہزار روپے ہوگا ۔

اوسلو، کوپن ہیگن کا یکطرفہ کرایہ 38 ہزار پانچ سو روپے جبکہ ریٹرن کرایہ 55 ہزار روپے ہوگا جبکہ بار سلونا کا یکطرفہ کرایہ 37 ہزار ایک سو جبکہ ریٹرن 52 ہزار روپے کردیا گیا ہے۔

ایئر لائن حکام کے مطابق پی آئی اے کے رعایتی کرائے فوری طور پر نافذ العمل ہوں گے لیکن رعایتی کرایوں میں ٹیکسز شامل نہیں ہیں۔

ہاکی ٹیم کے 8 بہترین کھلاڑیوں کو سندھ رینجرز میں ملازمت مل گئی

کی طرف
ویب ڈیسک
-
0

کراچی: ڈی جی رینجرز سندھ نے کراچی کے 8 جوانوں کی قسمت بدل دی، ہاکی ٹیم کے 8 بہترین کھلاڑیوں کو سندھ رینجرز میں ملازمت مل گئی۔

تفصیلات کے مطابق ڈی جی رینجرز کے حکم پر کراچی سے تعلق رکھنے والے ہاکی ٹیم کے آٹھ اچھے کھلاڑیوں کو سندھ رینجرز میں ملازمت دے دی گئی۔

[bs-quote quote=”ڈی جی رینجرز سندھ میجر جنرل محمد سعید کے انتہائی مشکور ہیں۔” style=”style-7″ align=”left” color=”#dd3333″ author_name=”حیدر حسین” author_job=”کراچی ہاکی ایسوسی ایشن”][/bs-quote]

تاریخ میں پہلی مرتبہ ہاکی ٹیم کے کھلاڑی سندھ رینجرز کے لیے منتخب کیے گئے ہیں۔

سیکریٹری جنرل کراچی ہاکی ایسوسی ایشن حیدر حسین کا مؤقف بھی سامنے آ گیا، کہا ہمارا قومی کھیل ہاکی ہے، جب ملازمت ہی نہیں ہوگی تو کھیلے گا کون۔

حیدر حسین نے میڈیا سے گفتگو کرتے ہوئے کہا کہ ڈی جی رینجرز سندھ نے 25 سال بعد روایت توڑ کر احسن قدم اٹھایا، پاکستان ہاکی فیڈریشن کو ان سے سبق سیکھنا چاہیے۔

کراچی ہاکی ایسوسی ایشن کے عہدے دار کا کہنا تھا کہ 25 سال بعد ہاکی ٹیم کے کسی کھلاڑی کو ملازمت دی گئی ہے، سلیکٹ ہونے والے تمام جوانوں کا تعلق کراچی کے مختلف علاقوں سے ہے۔

یہ بھی پڑھیں:   ہاکی ورلڈ‌ کپ: ناقص کارکردگی کے بعد ہیڈ کوچ توقیر ڈار مستعفی

سیکریٹری جنرل حیدر حسین نے کہا ’ڈی جی رینجرز سندھ میجر جنرل محمد سعید کے انتہائی مشکور ہیں، رینجرز میں ملازمت کے بعد دیگر کھلاڑیوں میں بھی جوش و جذبہ پیدا ہوا ہے۔‘

حیدر حسین نے مزید بتایا کہ ڈی جی رینجرز کی خصوصی ہدایت پر 3 رکنی سلیکشن کمیٹی بنائی گئی تھی جس کے ارکان میں اولمپئن سمیع اللہ، اولمپئن حنیف خان اور حیدر حسین شامل تھے۔

واضح رہے کہ ہاکی ورلڈ‌ کپ سے پاکستان ٹیم باہر ہو چکی ہے، پاکستان ٹیم کوئی ایک میچ بھی نہیں جیت سکی، پری کوارٹر فائنل میں‌ گرین شرٹ کو بیلجیم کے ہاتھوں عبرت ناک شکست ہوئی۔

قبضہ کیس ، سپریم کورٹ کا افضل کھوکھراورسیف الملوک کانام ای سی ایل میں ڈالنےکاحکم

کی طرف
عابد خان
-
0

لاہور : سپریم کورٹ نے قبضہ کیس میں ن لیگی ایم این اے افضل کھوکھر اور ایم پی اے سیف الملوک کھوکھر کا نام ای سی ایل میں ڈالنے کا حکم دے دیا اور دونوں بھائیوں کے اثاثوں کی تفصیلات بھی طلب کر لیں۔

تفصیلات کے مطابق سپریم کورٹ لاہور رجسٹری میں چیف جسٹس ثاقب نثار کی سربراہی میں دو رکنی بنچ نے لاہورمیں قبضوں سے متعلق از خود نوٹس کی سماعت کی۔

عدالت نے لیگی ایم این اے افضل کھوکھر اور ایم پی اے سیف الملوک کھوکھر کو فوری طلب کرتے ہوئے ایف آئی اے کو حکم دیا کہ لیگی ارکان کی جائیداد کا ریکارڈ پیش کیا جائے۔

چیف جسٹس نے قرار دیا کہ ان کو بلائیں، اگر نہیں آتے تو ایس ایس پی کو کہیں کہ انہیں پیش کریں، ٹان شپ میں بہت سی شکایات مل رہی ہیں، ہم نے وہاں پر کیمپ بھی لگوایا تھا، لوگوں کو ڈرایا جا رہا ہے۔

چیف جسٹس نے کہا کون ہے افضل کھوکھر تو ایڈیشنل ایڈووکیٹ جنرل نے بتایا کہ وہ لیگی ایم این اے ہیں۔

[bs-quote quote=”کسی بیوہ، یتیم اور اوورسیز کی جائیداد پر قبضہ قابل برداشت نہیں” style=”style-6″ align=”left” author_name=”چیف جسٹس "][/bs-quote]

عدالت کی جانب سے فوری طلب کئے جانے پر ن لیگی ایم این اے افضل کھوکھر اور ایم پی اے سیف الملوک کھوکھر پیش ہوئے، افضل کھوکھر نے عدالت کو آگاہ کیا کہ ان کی تمام جائیداد قانونی ہے، اس کے نقشے موجود ہیں۔

جس پر چیف جسٹس نے قرار دیا کہ انہیں ان نقشوں کا پتہ ہے، منسوخ بھی کر سکتے ہیں، آپ جھوٹ بول کر اپنی ایم این اے شپ کو خطرے میں ڈال رہے ہیں۔

چیف جسٹس نے کھوکھربرادران کے قبضے میں جائیدادیں دودن میں واگزار کرانے کا حکم دیتے ہوئے کہا کسی بیوہ، یتیم اور اوورسیز کی جائیداد پر قبضہ قابل برداشت نہیں۔

جسٹس ثاقب نثار نے ایس پی کینٹ کو ہدایت کی کہ وہ ٹاؤن شپ میں کھلی کچہری لگا کر لوگوں سے قبضوں کے خلاف درخواستیں لیں، عدالت نے افضل کھوکھر  اور  سیف الملوک کے نام ای سی ایل میَں ڈالنے کا حکم دیتے ہوئے دونوں بھائیوں کے اثاثوں کی تفصیلات بھی طلب کر لیں۔

چیف جسٹس کا احد چیمہ سےتنخواہ سےزائدوصول کی گئی رقم واپس لینےکاحکم

کی طرف
عابد خان
-
0

لاہور : ایل ڈی اے سٹی کیس میں سپریم کورٹ نے احد چیمہ سےتنخواہ سے زائدوصول کی گئی رقم واپس لینےکاحکم دےدیا اور کہا احد چیمہ رقم ادانہ کریں تو جائیدادضبط کرلی جائے، چیف جسٹس نے ریماکس دئیے ملک و قوم کا لوٹا گیا پیسہ کسی کے پیٹ میں نہیں رہنے دیں گے، میری بات لکھ کررکھ لیں یہ سارےلوگ چھوٹ جائیں گے، انتہائی شاطر طریقے سے منصوبہ بندی پر کام کیاگیا ہے۔

تفصیلات کے مطابق سپریم کورٹ لاہوررجسٹری چیف جسٹس ثاقب نثار کی سربراہی میں ایل ڈی اےسٹی کیس کی سماعت ہوئی ، چیف جسٹس کاایل ڈی اے کے سابق ڈائریکٹر احد چیمہ سےتنخواہ سےزائدوصول کی گئی رقم واپس لینےکاحکم دے دیا۔

عدالت نے حکم دیا کہ احد چیمہ رقم ادا نہ کریں توجائیداد ضبط کرلی جائے اور ڈی جی ایل ڈی اے سٹی سے متعلق سفارشات پیش کریں۔

[bs-quote quote=”میری بات لکھ کررکھ لیں یہ سارےلوگ چھوٹ جائیں گے، انتہائی شاطر طریقے سے منصوبہ بندی پر کام کیاگیا ہے” style=”style-6″ align=”left” author_name=”چیف جسٹس کے ریمارکس "][/bs-quote]

دوران سماعت چیف جسٹس نےریمارکس دئیے میری بات لکھ کررکھ لی جائے ، یہ سارے لوگ چھوٹ جائیں گے، انتہائی شاطر طریقے سے منصوبہ بندی پر انہوں نے کام کیا ہے، ملک و قوم کا لوٹا گیا پیسہ کسی کے پیٹ میں نہیں رہنے دیں گے۔

چیف جسٹس نے احد چیمہ سے استفسار کیا بھکی پاور پلانٹ میں کتنی تنخواہ وصول کرتےرہے؟ احد چیمہ نے جواب دیا بھکی پاور پلانٹ میں چودہ لاکھ روپے تنخواہ مقررکی گئی تھی۔

جس پر چیف جسٹس نے کہا ایسےکونسےسرخاب کے پر لگ گئےتھے جو چودہ لاکھ تنخواہ دی گئی، کس کو فائدے دیئے جو آپ کونوازا گیا؟ اتنے ہی منظور نظر تھے تو وہ اپنی جیب سے آپ کونوازتا، قومی خزانے سے نہیں، احد چیمہ کا کہنا تھا عدالتیں آزادہیں، عدالتوں کےسامنے پیش ہوں گا۔

چیف جسٹس کا کہنا تھابربادی کاذمہ دار کون ہے؟ پہلےاورنج لائن کا بیڑہ غرق کیا، اب ایل ڈی اے سٹی، پیراگون سےکیاتعلق تھاجو ایل ڈی اےسٹی کامعاہدہ کیا، ایل ڈی اے سٹی کا سارا کیس ہی بدنیتی کا کیس ہے۔

یاد رہے رواں سال فروری میں قومی احتساب بیورو نے آشیانہ ہاؤسنگ اسکیم میں بدعنوانی میں سابق ڈی جی ایل ڈی اے احد چیمہ کو گرفتار کیا تھا۔

خیال رہے احد چیمہ پنجاب حکومت کے طاقتور افسر شمار کیے جاتے ہیں، یہ اس وقت ڈی جی ایل ڈی اے تھے جب آشیانہ ہاؤسنگ اسکیم میں بڑے پیمانے پر اربوں روپے کی کرپشن کی گئی، جس کی نیب تحقیقات کر رہا ہے۔

کراچی: بچوں کے اغوا میں ملوث ملزم گرفتار، بچہ بازیاب

کی طرف
ویب ڈیسک
-
0
بچوں کا اغوا

کراچی: شہر قائد میں پولیس نے اہم کارروائی کرتے ہوئے بچوں کےاغوامیں ملوث ملزم گرفتارکرلیا، کارروائی کے دوران ایک بچہ بھی بازیاب کرایا گیا ہے۔

تفصیلات کے مطابق ایس ایس پی ملیر عرفان بہادر نے میڈیا سے گفتگو کرتےہوئے بتایا کہ پولیس نے اطلاع پرکامیاب چھاپہ مار کارروائی کرتے ہوئے نا صرف ملزم کو حراست میں لیا ہے، بلکہ اس کی قید سے ایک سات سالہ بچہ بھی آزاد کرایا گیا ہے۔

ان کا کہنا تھا کہ گرفتار کیے گئے ملزم کا نام مراد ہے اور اس نے دورانِ تفتیش سنسنی خیز انکشافات کیے ہیں، ملزم اغوا شدہ بچوں کومحض10یا15ہزارکےعوض آگے فروخت کردیا کرتا تھا۔

دورانِ تفتیش ملزم نے بتایا کہ وہ بچوں کو اغوا کرکے آگے سہیل اور کامران نامی دو دیگر ملزمان کے حوالے کیا کرتا تھا ، ملزم نے اپنے بیان میں اس لرزہ خیز حقیقت سے بھی پردہ اٹھایا کہ یہ دونوں ملزمان ان بچوں کے ساتھ بدفعلی کرتےتھے۔

پولیس نے کارروائی کے دوران ملزم کے قبضے سے غیر قانونی پستول بھی برآمد کی ہے اور مقدمہ درج کرکے تفتیش کا آغاز کردیا ہے۔ دریں اثنا ء مقدمے میں ملوث سہیل اور کامران کی گرفتاری کے لیے بھی چھاپے مارے جارہے ہیں۔

یاد رہے کہ پاکستان میں آئے دن بچوں کے اغوا کے واقعات پیش آتے رہتے ہیں، رواں برس قصور کی زینب نام کی سات سالہ بچی اغوا کی گئی اور اس کی لاش کچرے کے ڈھیر پرپائی گئی۔ معاملہ سوشل میڈیا پر شہرت پا گیا اور ملک کے طول و عرض سے غم وغصے کا اظہار کیا گیا جس کے بعد قانون حرکت میں آیا اور ملزم کو گرفتار کرکے پاکستان کی تاریخ کا تیز ترین ٹرائل کرکے ملزم کو سزائے موت سنائی گئی او رتختہ دار کے حوالے کیا گیا۔

یاد رہے کہ چند ماہ قبل ایڈیشنل آئی جی کراچی امیر شیخ نے کہا تھا کہ رواں سال کراچی میں بچوں کے اغوا کے صرف آٹھ واقعات درج ہوئے جن میں تمام بچے بازیاب کرائے گئے تھے۔

ہم پر ففتھ جنریشن وار مسلط کی گئی ہے جو ذہنوں پر اثر کرتی ہے: شہریار آفریدی

کی طرف
ویب ڈیسک
-
0

پشاور: وزیرِ مملکت برائے داخلہ شہریار آفریدی نے ایک تقریب سے خطاب کرتے ہوئے کہا ہے کہ ہم پر ففتھ جنریشن وار مسلط کی گئی ہے جو زیادہ ذہنوں پر اثر کرتی ہے۔

تفصیلات کے مطابق شہریار آفریدی نے کہا کہ ہم پر مسلط کردہ جنگ ہائبرڈ (مخلوط) نوعیت کی ہے، یہ ففتھ جنریشن وار ہے جو ذہن پر زیادہ اثر انداز ہوتی ہے۔

[bs-quote quote=”دشمنوں کو پیغام دیتے ہیں کہ مستقبل پاکستان کا ہے۔” style=”style-7″ align=”left” color=”#dd3333″ author_name=”شہریار آفریدی” author_job=”وزیرِ مملکت برائے داخلہ”][/bs-quote]

وزیرِ مملکت کا کہنا تھا کہ ہمیں تقسیم کرنے کی بھرپور کوشش کی جا رہی ہے، ملک کے لیے خیبر پختونخوا نے جو قربانیاں دیں ان کی کوئی مثال نہیں۔

شہریار آفریدی نے کہا کہ وقت کے ساتھ لوگوں میں برداشت بھی ختم ہو رہی ہے، مدرسے پر اخراجات پر ہم سے ہاؤس آف کامن میں سوال کیا گیا، فتنہ اس چیز کو کہتے ہیں جو سچ کو جھوٹ اور جھوٹ کو سچ ظاہر کرے۔

وزیرِ مملکت نے یوتھ کو عزت دو کے نئے بیانیے کی طرف اشارہ کرتے ہوئے کہا کہ یوتھ پر سرمایہ کاری کرنی ہے تو انھیں عزت دینا ہوگی۔

انھوں نے مزید کہا کہ وزیرِ اعظم کا بنیادی مقصد پاکستانیوں کو عزت دلوانا ہے، پاکستان کے پاس نا قابلِ تسخیر فوج اور غیرت مند قوم ہے، آواز آتی ہے تو وہ سب کچھ قربان کر دیتے ہیں۔

یہ بھی پڑھیں:  ناراض‌ بھائی ہتھیار ڈال دیں‌ تو خود گلے لگاؤں گا، شہریار آفریدی

شہریار آفریدی کا کہنا تھا کہ ہم کسی کے ہاتھ نہیں کھیلنا چاہیے، عراق، شام، لیبیا اور فلسطین کی مثالیں ہمارے سامنے ہیں، مدینے کی ریاست رنگ و نسل اور نسب کی نفی کا نام تھا۔

وزیرِ مملکت برائے داخلہ نے کہا کہ انسانیت کی نفی اور کرپشن کی سوچ سے ہمیں مقابلہ کرنا چاہیے، پاکستان میں کوئی قانون سے با لاتر نہیں، دشمنوں کو پیغام دیتے ہیں کہ مستقبل پاکستان کا ہے۔

شہریار آفریدی نے کہا ’ خوش ہوں کہ ایسے علاقے اور ایسی قوم سے تعلق ہے جس کو اللہ نے سب دیا، جس کی روایات مثالی ہیں، ایسے خطے سے تعلق ہے جو مہمان نوازی کے حوالے سے مشہور ہے، اپنے لیے اعزاز سمجھتا ہوں کہ پشاور یونی ورسٹی میں پڑھا ہوں۔‘

وزیر تعلیم پنجاب مراد راس کارانا مشہود کےخلاف قانونی کارروائی کا اعلان

کی طرف
ویب ڈیسک
-
0

لاہور : وزیر تعلیم پنجاب مراد راس نے سابق وزیر تعلیم رانا مشہود کیخلاف قانونی کارروائی کرنے کا اعلان کرتے ہوئے کہا رانا مشہود نے محکمہ تعلیم کا دیوالیہ نکال دیا، پرائیویٹ اسکول مافیا سے رشوت لینے کا الزام بھی لگا دیا۔

تفصیلات کے مطابق وزیر تعلیم پنجاب مراد راس نے لاہور میں میڈیا سے گفتگو کرتے ہوئے اعلان کیا کہ سابق وزیر تعلیم رانا مشہود کے خلاف قانونی کارروائی کی جائے گی، انہوں نے محکمہ تعلیم کا دیوالیہ نکال دیا ہے۔

[bs-quote quote=” رانا مشہود پرائیویٹ اسکول مافیا سے رشوت بھی لیتا رہا” style=”style-6″ align=”left” author_name=”صوبائی وزیر تعلیم "][/bs-quote]

مراد راس کا کہنا تھا کہ وہ قانون نافذ کرنے والے اداروں کے ساتھ رابطے میں ہیں، رانا مشہود پرائیویٹ اسکول مافیا سے رشوت بھی لیتا رہا۔ انہوں نے جب دیکھا کہ سب پکڑے جا رہے ہیں تو بیرون ملک بھاگ گیا اور محکمے کی کروڑوں روپے کی گاڑیاں بھی گھر لے گیا۔

وزیر تعلیم پنجاب نے کہا کہ رانا مشہود نے آج تک پرائیویٹ سکول مافیا کیخلاف کارروائی نہیں کی، اضافی لی گئی فیسیں واپس نہ کرنے والے پرائیویٹ سکولوں کی رجسٹریشن منسوخ کر رہے ہیں۔

گذشتہ روز بھی صوبائی وزیرتعلیم مرادراس نے پنجاب میں نجی اسکولوں کواکتیس دسمبرتک اضافی فیس واپس کرنےکی ہدایت کرتے ہوئے کہا تھا کہ نجی اسکولوں نے اکتیس دسمبرتک اضافی فیس واپس اور فیسوں میں 20فیصدکمی نہ کی تو رجسٹریشن منسوخ کردیں گے۔

چند ماہ قبل صوبائی وزیرتعلیم کا کہنا تھا کہ کہ گزشتہ حکومت ترقیاتی بجٹ میں صرف 5 ارب روپے چھوڑ کرگئی، پنجاب میں لیپ ٹاپ اسکیم کوبند کردیا ہے، دانش اسکولز کو بند نہیں کیا جا رہا یہ خبرغلط ہے، ایک طرف 18 ہزاراوردوسری طرف 1400 فی بچہ خرچہ آ رہا ہے، اسکول پرائیویٹ مافیا کودینے کے حق میں نہیں۔

بلے کودودھ کی رکھوالی دینے پر مثبت پیغام نہیں گیا، وزیر ریلوے شیخ رشید

کی طرف
ویب ڈیسک
-
0

لاہور : وزیر ریلوے شیخ رشید نے شہبازشریف کوپبلک اکاؤنٹس کمیٹی کاچیئرمین بنانے پرتنقید کرتے ہوئے کہا بلے کودودھ کی رکھوالی دینےپرمثبت پیغام نہیں گیا،شہباز شریف دیانتدارہیں توپھرن لیگ میں کوئی بےایمان نہیں ہے، خواجہ سعد رفیق بڑے باپ کا چھوٹا بیٹا ہے۔

تفصیلات کے مطابق ریلوے ہیڈ کوارٹرز لاہور میں پریس کانفرنس کرتے ہوئے وزیر ریلوے شیخ رشید نے کہا خواہش ہے اس سال ایک وی وی آئی پی ٹرین چلا دیں، غریبوں کےلیے 3 ٹرینیں چلا رہے ہیں، لاہور کےکرائے میں لوگوں کوکراچی لےجا رہے ہیں۔

وزیر ریلوے کا کہنا تھا کہ اپنے پٹرول پمپ بنا کر ایک ارب بچانے کی کوشش کریں گے، رحمان بابا ایکسپریس 23 دسمبر کو پشاور سے کراچی کیلئے روانہ ہو گی، دس پندرہ دن میں ٹریکر کی سہولت دستیاب ہوگی، ٹریکر آنے کے بعد لوگ ٹرین کو ٹریک کر سکیں گے۔

[bs-quote quote=” خواجہ سعد رفیق بڑے باپ کا چھوٹا بیٹا ہے، وہ پیسوں کی خاطر ٹیں ٹیں کر رہا ہے” style=”style-6″ align=”left” author_name=”شیخ رشید "][/bs-quote]

شیخ رشید نے کہا بغیر ٹکٹ سفرکرنےوالوں کا محاسبہ کریں گے، کنٹرول ہیڈروم کو جدید بنانے کی کوشش کریں گے ، فوگ میں ایمرجنسی سے نمٹنے کے لیے لوگ موجودہوں گے،  بہت سارے ہوٹلوں نے ٹرین چلانے کےلیے رابطہ کیا ہے، ٹرین میں کھانے اور صفائی کا خیال رکھنے کا کہا ہے، ریلوے ٹریک کی صورتحال بہت خراب ہے، ہمارے پاس جو لوگ کنٹریکٹ پر ہیں ان کو ترجیح دیں گے۔

وفاقی وزیر کا شہبازشریف کوپبلک اکاؤنٹس کمیٹی کاچیئرمین بنانے پرتنقید کرتے ہوئے کہنا تھا کہ بلے کی دودھ کی رکھوالی دینے سے اچھا پیغام نہیں گیا،  عوام بے ایمانوں کا احتساب چاہتے ہیں، شہباز شریف اگر دیانتدار ہیں تون لیگ میں کوئی بے ایمان نہیں۔

انھوں نے مزید کہا میرے 3 سال تک کسی نے پروڈکشن آرڈر نہیں کیا، 7 سال کلاشنکوف کیس میں قید میں رہا، کی ماں کی لاش گھر پڑی تھی تو گرفتار کر لیا گیا، یہاں چوروں ڈاکوؤں کو ایسے پیش کررہے ہیں جیسے ان سے ناانصافی ہوئی۔

سعد رفیق کے حوالے سے شیخ رشید کا کہنا تھا کہ خواجہ سعد رفیق بڑے باپ کا چھوٹا بیٹا ہے، وہ پیسوں کی خاطر ٹیں ٹیں کر رہا ہے۔

[bs-quote quote=”مریم اور کلثوم نواز کے بارے کبھی کوئی بات نہیں کی لیکن بلاول تو اپنا جانی ہے” style=”style-6″ align=”left” author_name=”شیخ رشید "][/bs-quote]

وزیر ریلوے نے کہا سپریم کورٹ کے ڈبل نیشنلٹی کے فیصلے پر تبصرہ نہیں کروں گا، بیس فریٹ ٹرینیں چلانے پر صحافیوں کو کھانا کھلاؤں گا، وزیر اطلاعات بھی میرا بھائی ہے اور وہ بہترین کام کر رہا ہے۔

ان کا مزید کہنا تھا کہ سندھ کی قیادت کے ملازمین کے نام پر چار چار گھر نکل رہے ہیں، ان کے جلسے جلوسوں پر کچھ نہیں ہو گا، مریم اور کلثوم نواز کے بارے کبھی کوئی بات نہیں کی لیکن بلاول تو اپنا جانی ہے۔

1...22,62522,62622,627...30,786صفحہ%موجودہ صفحہ%کا%کل صفحات

سوشل میڈیا

اے آر وائی ڈیجیٹل نیٹ ورک

انٹرایکٹو

کارپوریٹ

کاپی رائٹ © 2025