اسلام آباد: وزارت مذہبی امور نے آن لائن پلیٹ فارم سے گستاخانہ اور پورنوگرافی مواد ہٹانے کیلیے پاکستان ٹیلی کمیونیکیشن اتھارٹی (پی ٹی اے) کو خط لکھ دیا۔
وزارت مذہبی امور کی جانب سے پی ٹی اے کو لکھے گئے خط میں مؤقف اختیار کیا گیا کہ گستاخانہ اور پورنوگرافی مواد کی بدستور آن لائن پلیٹ فارم پر موجودگی تشویش ناک ہے، سپریم کورٹ نے پی ٹی اے کو ایسے مواد ہٹانے کیلیے پہلے سے احکامات جاری کر رکھے ہیں۔
خط میں کہا گیا کہ پی ٹی اے تمام ذرائع استعمال کر کے غیر اخلاقی مواد فوری ہٹانے کیلیے اقدامات کرے، پورنوگرافی مواد کی آن لائن دستیابی معاشرے میں اخلاقی اقدار کو نقصان پہنچا رہی ہے۔
اس میں مزید کہا گیا کہ پی ٹی اے پورنوگرافی، گستاخانہ و دیگر غیر اخلاقی مواد بلاک کرنے کیلیے فوری کارروائی کرے۔
کراچی: سونے کی فی تولہ قیمت میں 7 ہزار روپے کی بڑی کمی کے بعد اس کی نئی قیمت 2 لاکھ 70 ہزار 500 روہے ہوگئی۔
دس گرام سونے کی قیمت 6 ہزار روپے کی کمی کے بعد 2 لاکھ 31 ہزار 911 روپے ہوگئی جبکہ عالمی مارکیٹ میں سونا 77 ڈالرز کی بڑی کمی سے 2593 فی اونس کی سطح تک آگیا۔
دوسری جانب، چاندی کی فی تولہ قیمت 50 روپے کی کمی سے 3250 روپے ہوگئی۔
سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے۔ جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں، پاکستان میں گذشتہ برس سونے کی قیمت کے تعین کے طریقہ کار میں تبدیلی کر دی گئی تھی جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
سونے کا ریٹ جاننے کی لوگوں میں بہت دلچسپی رہتی ہے۔ اس کی کئی وجوہات ہیں:
سرمایہ کاری: سونا ایک قدیم اور قابل اعتماد سرمایہ کاری کا ذریعہ سمجھا جاتا ہے۔ جب لوگ اپنی بچت کو محفوظ کرنا چاہتے ہیں یا مستقبل کے لیے سرمایہ کاری کرنا چاہتے ہیں تو وہ سونے کے ریٹ پر نظر رکھتے ہیں۔
مہنگائی کا پیمائش: سونے کی قیمت کو اکثر مہنگائی کا ایک اچھا پیمائش سمجھا جاتا ہے۔ جب مہنگائی بڑھتی ہے تو اکثر سونے کی قیمت بھی بڑھتی ہے۔ اس لیے لوگ اسے مہنگائی کے بارے میں جاننے کا ایک طریقہ سمجھتے ہیں۔
اقتصادی حالات: سونے کی قیمت کو عالمی اقتصادی حالات کا ایک اہم اشارہ سمجھا جاتا ہے۔ جب اقتصادی حالات غیر یقینی ہوتے ہیں تو لوگ اکثر سونا خریدتے ہیں جس سے اس کی قیمت میں اضافہ ہو جاتا ہے۔
جواہرات: سونے کو جواہرات بنانے کے لیے استعمال کیا جاتا ہے۔ جو لوگ جواہرات خریدنا یا بیچنا چاہتے ہیں وہ سونے کی قیمت جاننا چاہتے ہیں تاکہ وہ اچھی قیمت پر خریداری یا فروخت کر سکیں۔
سونا جمع کرنا:کچھ لوگ سونا جمع کرتے ہیں اور اسے ایک قیمتی اثاثہ سمجھتے ہیں۔ اس لیے وہ اس کی قیمت پر نظر رکھتے ہیں۔
اسلام آباد : قومی اسمبلی کمیٹی برائے داخلہ کے اجلاس میں 27 لاکھ پاکستانیوں کا نادرا سے ریکارڈ چوری ہونے کا انکشاف سامنے آیا۔
تفصیلات کے مطابق راجہ خرم نواز کی زیرصدارت قومی اسمبلی کمیٹی برائے داخلہ کا اجلاس ہوا، جس میں چیئرمین نادرا نے کمیٹی کو بریفنگ دیتے ہوئے اعتراف کیا کہ ستائیس لاکھ پاکستانیوں کا نادرا سے ریکارڈ چوری کیا گیا، نادرا میں کئی تعیناتیاں بغیر اشتہار کی گئیں، بہت سے افسران نے اپنی ڈگریاں بعد میں مکمل کی ہیں۔
انھوں نے بتایا کہ ہمارا بجٹ 57 بلین ہے 87 فیصد تنخواہوں میں جاتا ہے، 240کے قریب ہمارے پاس نادرا وینز موجود ہیں، آپ کو جب بھی نادرا وینز چاہئیں ہیڈکوارٹرز رابطہ کریں، 90وینز ہم مزید خریدنے جا رہے ہیں، جس میں 75وینز پر سیٹلائٹ کنیکٹویٹی کی سہولت موجود ہوگی۔
رکن قومی اسمبلی آغا رفیع اللہ نے کہا ستائیس لاکھ لوگوں کا ڈیٹا چوری ہونے کا مسئلہ نہیں تھا، اصل میں کچھ اہم لوگوں کا ڈیٹا لیک ہونے پر تکلیف ہوئی تھی، ڈیٹا لیک کرنے والے آج بھی نادرا میں بیٹھے ہیں اور ان کا اہم حصہ ہیں، ان کیخلاف کارروائی تو دور کی بات وہ مزید اچھی پوسٹ پر تعینات ہیں۔
اسپیشل سیکرٹری داخلہ کی جانب سے نادرا کا ایجنڈا جلدی ختم کرانے پر آغا رفیع اللہ غصے میں آگئے اور کہا آپ کیوں مامے بن رہے ہیں، آپ کون ہوتے ہیں ہدایت دینے والے۔
ان کا کہنا تھا کہ مانتا ہوں آپ کی وزیرداخلہ کے سامنے نہیں چلتی۔۔ وزیرداخلہ تو اجلاس میں آتے ہی نہیں ہیں، کب سے کہہ رہا ہوں بہاریوں کے مسائل حل کئے جائیں، جب تک بہاریوں کا معاملہ حل نہیں ہوتا کوئی حکومتی بل پاس نہیں ہوگا۔
اجلاس میں تھری اور سولہ ایم پی او قوانین میں ترمیمی بل پر بحث کی گئی، وزارت داخلہ کی جانب سے بل میں ترمیم کی مخالفت کی گئی، جس کے بعد کمیٹی نے وزارت داخلہ کو چاروں صوبوں سے قانون پر رائے لے کر رپورٹ پیش کرنے کی ہدایت کردی
کراچی : سرکاری مکانات خالی کرانے کے لیے ریٹائرڈ ملازمین کی پینشن روکنے کے حوالے سے بڑی خبر آگئی۔
تفصیلات کے مطابق کراچی میں وفاقی کالونیوں میں ریٹائرڈ ملازمین سے سرکاری مکانات خالی کرانے کے لیے پینشن روکنے کے معاملے کو ایم کیوایم پاکستان نے سینیٹ اور قومی اسمبلی میں اٹھانے کا فیصلہ کرلیا۔
ذرائع نے بتایا کہ سرکاری مکانات خالی اور پینشن بند کرنے کے معاملے پر ایم کیوایم پاکستان کا وفد وفاقی وزیر ہاوسنگ سے آئندہ چند روز میں ملاقات کرے گا اور ملاقات میں وفاقی وزیر ہاوسنگ کے سامنے اسٹیٹ آفس کراچی اور وفاقی کالونیوں کے مسائل رکھے جائیں گے۔
ایم۔کیو ایم کا کہنا تھا کہ ان مسائل کو وزیر ہاوسنگ سے ملاقات میں حل کرانے کے لیے مشترکہ حکمت عملی کرنے کی کوشش کی جائے گی، ریٹائرڈ ملازمین کی پینشن بند کرنے کی کوشش کو معاشی قتل سمجھتے ہیں۔
اسٹیٹ آفس کے قائم مقام ڈپٹی ڈائریکٹر کراچی ریٹائرڈ ملازمین کو تنگ کرنے کا سلسلہ بند کریں، یہ ملازمین کراچی کی وفاقی کالونیوں میں عرصہ دراز سے آباد ہیں، ہماری پارٹی ملازمین سے سرکاری مکانات خالی کرنے کے معاملے کو ہر فورم پر اٹھائے گی۔ایم کیو ایم
ایم کیوایم پاکستان کی کوشش ہے کہ ملازمین سے مکانات خالی نہ ہوں اور ان کی پیشن بند نہ ہو اورمساِئل کو فوری حل کرایا جائے۔
ایم کیوایم پاکستان کسی ریٹائرڈ ملازم یا اس کے اہلخانہ کو بے دخل نہیں ہونے دے گی۔
لاہور: اقوام متحدہ کے ادارہ برائے اطفال یونیسیف نے اسموگ کو پنجاب کے ایک کروڑ دس لاکھ بچوں کیلئے سنگین خطرہ قراردے دیا۔
تفصیلات کے مطابق اقوام متحدہ کے ادارہ برائے اطفال یونیسیف نے اپنے بیان میں کہا ہے کہ لاہور اور کئی دیگر اضلاع میں گزشتہ ہفتے فضائی آلودگی نے ریکارڈ توڑ دیے، جو ڈبلیو ایچ او کے فضائی معیار کے رہنما اصولوں سے سو گنا زیادہ تھی۔
پاکستان میں یونیسیف کے نمائندے عبداللہ فاضل کا کہنا تھا کہ یہ اسموگ اتنی شدید ہےکہ خلا سے بھی نظرآتی ہے۔
عبداللہ فاضل نے کہا کہ میں چھوٹے بچوں کی فلاح و بہبود کے بارے میں انتہائی فکرمند ہوں، جو آلودہ ، زہریلی ہوا میں سانس لینے پر مجبور ہیں۔
اقوام متحدہ کے ادارہ برائے اطفال کا کہنا تھا کہ اسموگ سے پنجاب میں تقریباً ایک کروڑ ساٹھ لاکھ بچوں کی تعلیم متاثر ہوئی ہے۔ بچوں کی صحت اور تعلیم کے حق کی حفاظت کی جانی چاہیے۔
یونیسیف نے حکومت پاکستان سے مطالبہ کیا کہ وہ ہر بچے کیلئے ان حقوق کو پورا کرے اور اسموگ میں کمی کیلئے ہنگامی اقدامات کرے کیونکہ اس سے بچے اور حاملہ خواتین پر تباہ کن اثرات مرتب ہوں گے۔
اسلام آباد : چیئرمین نادرا نے قومی اسمبلی کمیٹی برائے داخلہ کمیٹی کے اجلاس میں شناختی کارڈ بنوانے والوں کو فیسوں کے حوالے سے اہم خبر سنادی۔
تفصیلات کے مطابق راجہ خرم نواز کی زیرصدارت قومی اسمبلی کمیٹی برائے داخلہ کا اجلاس ہوا، جس میں چیئرمین نادرا نے کمیٹی کو بریفنگ دیتے ہوئے کہا کہ ہم نادرا کے دفاتر کو نہیں بڑھا سکتے، نادرا کے دفاتر بڑھانے سے شناختی کارڈ کی فیس بڑھانا ہو گی۔
چیئرمین نادرا کا کہنا تھا کہ 61 تحصیلیں ایسی ہیں جن میں نادرا کے دفاتر نہیں ہیں، یہ ایسی تحصلیں ہیں جہاں حکومت نے اعلان توکردیالیکن حلقہ بندی نہیں کی ، نادرا کا اپنا فنڈ ہے،فیس تبدیل نہیں کی، ہم نے کارڈزکورینیو نہیں کیا۔
اجلاس کے دوران زرتاج گل نے سوال کیا نگران حکومتوں نے تعیناتیاں کیسے کیں؟ جن افسران کو نادرا سے نکالا گیا ،کیا سیکیورٹی وجوہات تھیں؟ افسران کے کون سی ڈگریوں کے ایشوز تھے؟ 53بلین آپ کا ریکارڈ ریونیو تھا ، ہمارے ایریاز میں نادرا وینز بھیجی جائیں اور 53بلین ریونیو میں سے اخراجات کیا ہیں ہمیں بتایا جائے۔
جس پر نادرا کے چیئرمین نے بتایا کہ وفاقی حکومت کا چیئرمین ،بورڈکی تعیناتی کے سواعمل دخل نہیں ، نادرا کی تمام تعیناتیاں نادرا حکام کی جانب سے کی جاتی ہیں۔
کراچی : کراچی ایئرپورٹ کے قریب پولیس نے مشتبہ شخص کو حراست میں لے لیا، ایئرپورٹ اسٹار گیٹ کے قریب کار سوار نے فرار ہونے کی کوشش کی تھی۔
تفصیلات کے مطابق کراچی ایئرپورٹ کے داخلی راستے پر شہری نے ناکے پررکنے کے بجائے گاڑی بھگادی، ایئرپورٹ اسٹار گیٹ کے قریب کار سوار نے فرار ہونے کی کوشش تاہم پولیس اور رینجرز نے کار کا پیچھا کرکے مشتبہ شہری کو پکڑلیا۔
کار سے پستول برآمد کرکے مشتبہ شخص تھانے منتقل کردیا گیا ہے، ایس ایس پی ملیر نے بتایا کہ ایئرپورٹ اور اطراف میں سخت سیکیورٹی انتظامات ہیں، پہلے ناکے پر کار کو روکنے کا اشارہ کیا تو وہ نہ رکا، اسٹار گیٹ کے بعد ایئرپورٹ سگنل پر بھی سیکیورٹی تعینات ہے۔
ایس ایس پی ملیر کا کہنا تھا کہ مشتبہ شخص سے پستول کا لائسنس طلب کیا ہے اور مزید تحقیقات جاری ہے۔
پاکستان وائٹ بال کرکٹ ٹیم کے کپتان محمد رضوان نے عزم ظاہر کیا ہے کہ ٹی 20 میں آسٹریلیا کو واش آؤٹ کر کے پاکستان ٹیم نئی تاریخ بنائے گی۔
اے آر وائی نیوز کے مطابق پاکستان کرکٹ ٹیم کے کپتان محمد رضوان نے ڈریسنگ روم میں کھلاڑیوں سے ولولہ انگیز خطاب کرتے ہوئے کہا ہے کہ ٹیم سے کوئی اُمید نہیں کر رہا تھا کہ آسٹریلیا کو آسٹریلیا میں ہرائیں گے، لیکن کھلاڑیوں نے کر دکھایا۔
کپتان نے اپنے کھلاڑیوں کا جوش بڑھاتے ہوئے عزم کا اظہار کیا کہ اب آسٹریلیا کو ٹی 20 سیریز میں واش آؤٹ کر کے پاکستان کرکٹ ٹیم نئی تاریخ بنائے گی۔
انہوں نے کہا کہ پاکستان ٹیم ایک ہے اور متحد ہوکر کھیلی تو لوگوں کی نظروں میں ناممکن فتح حاصل ہوئی۔ مجھے پوری امید ہے کہ دنیا کی ٹیموں نے ہم سے سیکھا ہو گا۔
محمد رضوان کا کہنا ہے کہ ہمارے مقاصد اور ہدف بڑے ہیں۔ ہم نے چیمپئنز ٹرافی، ورلڈ کپ اور اولمپکس جیسے ٹائٹل جیتنے ہیں، اب کسی بھی ملک جائیں گے تو نئی تاریخ رقم کریں گے۔
کپتان نے ساتھ ہی کھلاڑیوں کو ہلکے پھلکے انداز میں یہ تنبیہہ بھی کی کہ وہ ون ڈے سیریز جیتنے کی خوشیاں ضرور منائیں لیکن پاکستانی ستارے کا خیال رکھیں، خوشی میں کوئی ایسا کام نہ ہو جائے کہ ہمارا ستارا اثر انداز ہو۔
ان کا کہنا تھا کہ یہ جیت کسی ایک شخص کی نہیں بلکہ پوری ٹیم اور منیجمنٹ کی جیت ہے۔ میں سب سے فیڈ بیک لیتا رہا جب کہ منیجمنٹ اور کھلاڑیوں سے مشورے کرتا رہتا ہوں۔
پشاور : پشاور پولیس لائنز میں خودکش دھماکے کا مرکزی سہولت کار کے تہلکہ خیز انکشافات سامنے آئے ، جس میں اس نے بتایا کہ کیسے خودکش بمبار کی مدد کی۔
تفصیلات کے مطابق پشاور پولیس لائنز خودکش دھماکے کے سہولت کار محمد ولی کا اعترافی بیان سامنے آگیا، سہولت کار نے بتایا کہ میرا نام محمد ولی ولد باز میر خان ہے ،میں دلہ زاک روڈ پشاور کا رہائشی ہوں، پولیس میں 2019 کو بھرتی ہوا تھا
محمد ولی کا کہنا تھا کہ 2021 میں جماعت الاحرار کے جنیدنامی شخص سے فیس بک پر رابطہ ہوا ، جماعت الاحرار کے جنید نے میری ذہن سازی کی، جس کے بعد 2021 میں ہی ایک ہفتہ چھٹی لے کر افغانستان جلال آباد گیاتھا، وہاں میری جنید سے ملاقات ہوئی اور جماعت الاحرار میں شمولیت اختیار کی۔
پولیس کانسٹیبل نے بتایا کہ میں نے ملا یوسف کے ہاتھ پر بیعت کی اورانہوں نے مجھے 20 ہزار روپے دیئے، واپسی پر افغان فورسز نےچوکی پر گرفتار کیا اور بعد میں جنید کے کہنے پر رہا کیاگیا۔
دھماکے کے سہولت کار نے مزید بتایا کہ 2023 میں میری ڈیوٹی پولیس لائن میں تھی، جنید نے بتایا ہم نے کمانڈر خالد خراسانی کی شہادت کا بدلہ لینا ہے ، جس کے بعد جنوری 2023 میں پولیس لائنزکی تصویریں اور نقشہ جنید کیساتھ ٹیلی گرام پر شیئر کیا۔
محمد ولی نے کہا کہ 20 جنوری کو ایک شخص کو میں نے جنید کے کہنے پر چرسیاں مسجد خیبر سے لیکر آیا اور پولیس لائنزکی ریکی کرائی، اسی دن صبح چرسیاں مسجد باڑہ موٹرسائیکل پر گیا وہی بندہ جیکٹ ،وردی کیساتھ موجود تھا، اس شخص کو میں نے پولیس وردی اور خود کش جیکٹ پہنائی اور موٹر سائیکل پر بیٹھا کر جی ٹی روڈ پرچھوڑا۔
پولیس کانسٹیبل کا کہنا تھا کہ میں خود گھر آگیا اور اس شخص نے جا کر ٹارگٹ پر خودکش کیا، جس کے بعد میں نے جنید کوٹیلی گرام کر کے میسج کیا کہ کام ہو گیا ہے، اس حملے کی سہولت کاری کیلئے مجھے 2 لاکھ روپے حوالہ ہنڈی سے ملے۔
اعترانی بیان میں ملزم نے کہا کہ واقعے کے بعد اپنی پوسٹنگ پولیس لائن سے بی آر ٹی میں کرا لی، پشاور پولیس لائنز حملے کے سوا میں نے اور بہت سی کارروائیاں کی ہیں۔
محمد ولی نے بتایا کہ جنوری 2022 میں چرچ کے پادری کو رنگ روڈ جمیل چوک پرٹارگٹ کیا تھا، جنید کے کہنے پر پشاور میں 11 ستمبر،5 دسمبر2023 ، 10 مارچ 2024 کو آئی ڈیز حملوں کیلئے پہنچائی، اس کے علاوہ دسمبر 2023 میں گیلانی مارکیٹ دلازاک روڈ پشاور میں دستی بم حملہ کیا۔
اس کے علاوہ فروری 2024 میں جماعت الاحرار کے لاہور میں ساتھی سیف اللہ کو پستول دیا، مارچ 2024 لاہور میں فیضان بٹ نامی لڑکے کو پستول دیا جس نے 2 اہلکاروں کوشہیدکیا، اپریل ،مئی 2022 میں موٹروے چوک پر3دستی بم فراہم کئے جبکہ شبقدر میں 3 دستی بم ، پخا غلام میں 20 ڈیٹونیٹرز ،2 پستول چمکنی میں فراہم کئے۔
دھماکے کے سہولت کار کا کہنا تھا کہ 23اگست 2024 کو جنید نے مجھے جمیل چوک میں بیگ لینے بھیجاجس میں 2خودکش جیکٹ تھیں، ان سب کے لئے مجھے 40 سے 50ہزار روپے ماہانہ جماعت الاحرارکی طرف سے ملتے تھے۔
