لاہور: وزیراعلیٰ پنجاب نے مہمند ایجنسی میں سرحد پار سے دہشت گرد حملے شدید مذمت کرتے ہوئے کہا کہ شہید اہلکاروں نے وطن پر اپنی قیمتی جانیں نچھاور کی ہیں۔
تفصیلات کے مطابق وزیراعلیٰ پنجاب شہبازشریف نے سرحد پار سے دہشت گرد حملے میں 3 سیکورٹی اہلکاروں کی شہادت پر اظہار افسوس اور لواحقین سے تعزیت کی۔
شہبازشریف نے کہا کہ شہید اہلکاروں نے وطن پر اپنی قیمتی جانیں نچھاور کی ہیں، قیمتی جانوں کے نذرانے دینے والے شہداقوم کے ہیرو ہیں۔
وزیراعلیٰ پنجاب نے سرحد پار سے دہشت گرد حملے کی مذمت کرتے ہوئے کہا کہ پاکستانی قوم کو شہداکی عظیم قربانیوں پر فخر ہے۔
خیال رہے کہ گزشتہ روز پاک افغان بارڈر پرسرحد پار سے دہشت گردوں نے ایف سی اہل کاروں پر حملہ کیا تھا، جس میں لانس نائیک سمیت تین اہل کار شہید ہوگئے تھے جبکہ جوابی کارروائی میں 5 دہشت گرد ہلاک اور متعدد زخمی ہوئے تھے۔
یاد رہے کہ 13 نومبرکوپاک افغان بارڈر پر پاکستانی چیک پوسٹوں پر دہشت گردوں نے حملہ کیا تھا جس کے نتیجے میں کیپٹن جنیدحفیظ اورسپاہی رحم شہید اور 4 زخمی جبکہ 10 دہشت گرد ہلاک ہوگئے تھے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
گھر کے گارڈن میں اگ آنے والی خودرو جھاڑیاں اور پودے بعض اوقات پودوں کو نقصان پہنچانے کا سبب بن سکتے ہیں، تاہم اگر آپ اس پریشانی کا شکار ہیں تو یہ ننھا سا روبوٹک ویکیوم آپ کے لیے خاصا کارآمد ثابت ہوسکتا ہے۔
کچھ عرصہ قبل گھریلو استعمال کے لیے بنائے جانے والے ننھے روبوٹک ویکیوم رومبا کے تخلیق کاروں نے اس روبوٹ کو مزید جدید شکل دیتے ہوئے اسے گارڈن روبوٹ کی شکل دے دی ہے۔
یہ روبوٹ اپنے اوپر نصب شمسی توانائی کے ننھے پینل کی مدد سے کام کرتا ہے۔
اس کے اندر موجود سینسرز گارڈن میں خودرو پودوں کی شناخت کرتے ہیں۔ اس کے بعد یہ روبوٹ خود کار طریقے سے چلتا ہوا ان پودوں کے اوپر سے گزرتا ہے اور اس دوران انہیں جڑ سے اکھاڑ پھینکتا ہے۔
یہ ننھا روبوٹ دیکھ بھال کے حوالے سے بھی نہایت آسان ہے تاہم اس کی قیمت 300 ڈالرز یعنی 31 ہزار پاکستانی روپے ہے۔
اور ہاں، اگر آپ اس کو استعمال کرنے کا اراداہ رکھتے ہیں تو اپنے لان کے گرد باڑھ لگانا نہ بھولیں، ورنہ یہ روبوٹ ٹہلتا ہوا پڑوسیوں کے گارڈن میں بھی جا سکتا ہے اور ان کے ضروری و غیر ضروری پودوں کو بھی اکھاڑ سکتا ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
بھکر: صوبہ پنجاب کے علاقے شاہ عالم میں مہرایکسپریس کا انجن گنے کی ٹرالی سے ٹکرا کر پٹڑی سے اترگیا جس کے نتیجے میں 2 افراد زخمی ہوگئے۔
تفصیلات کے مطابق پنجاب کے نواحی علاقے شاہ عالم کے قریب روالپنڈی سے ملتان جانے والی مہرایکسپریس کا انجن گنے کی ٹرالی سے ٹکرا گئی۔
حادثے میں مہرایکسپریس کا انجن پٹڑی سے اتر گیا جس کے نتیجے میں ٹرین ڈرائیوراوراسسٹنٹ ڈرائیورزخمی ہوگئے۔
ریلوے حکام کے مطابق ایمرجنسی بریک لگانے سے ٹرین بڑے حادثے سے بچ گئی تاہم ٹرین کا انجن پٹڑی سے اتر گیا جس سے ٹریک کو نقصان پہنچا۔
حادثے کے بعد کندیاں، کوٹ ادو سیکشن کے درمیان ٹرینوں کی آمدورفت معطل ہوگئی اس کے علاوہ روالپنڈی، ملتان اور کراچی ٹریک پرٹرینوں کی آمدورفت معطل ہوگئی۔
ریلوے حکام کے مطابق حادثے کے بعد دیگر ٹرینوں کو قریبی ریلوے اسٹیشنز پرروک دیا گیا جبکہ ٹریک کی مرمت کا کام جاری ہے جسے مکمل ہونے میں 8 سے 10 گھنٹے لگ سکتے ہیں۔
یاد رہے کہ گزشتہ ہفتے شیخوپورہ کے علاقے کالاشاہ کاکو کے قریب مسافرٹرین کی تین بوگیاں پٹڑی سے اترگئی تھیں، تاہم کسی قسم کا کوئی جانی نقصان نہیں ہوا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
واشنگٹن : امریکہ میں پاکستانی سفیر اعزاز چوہدری کا کہنا ہے کہ دہشت گردی کے خلاف پاکستان نے جو کام کیا دنیا کے سامنے ہے۔
تفصیلات کے مطابق امریکہ میں پاکستانی سفیر اعزاز چوہدری نے نائب امریکی صدر مائیک پنس کے پاکستان سے متعلق بیان پر ردعمل دیتے ہوئے کہا کہ پاکستان نے خطے میں امن کے لیے ہمیشہ مثبت کردارادا کیا۔
اعزازچوہدری نے اے آروائی نیوز سے گفتگو کرتے ہوئے کہا کہ دہشت گردی کے خلاف پاکستان نے جو کام کیا دنیا کے سامنے ہے، دہشت گرد پاکستان سے بھاگ رہے ہیں۔
پاکستانی سفیر نے کہا کہ افغانستان کی بد امنی کا نقصان پاکستان کوہورہا ہے، افغانستان کی سلامتی پربہت کام ہونا باقی ہے۔
اعزاز چوہدری نے کہا کہ امریکہ کے ساتھ پاکستان کے بہتر تعلقات ہونا ضروری ہیں، دہشت گردی کو شکست دینے کے لیے امریکہ پاکستان کا ساتھ دے۔
خیال رہے کہ گزشتہ روز امریکی نائب صدرمائیک پنس کا کہنا تھا کہ امریکہ کی شراکت داری سے پاکستان کو بہت کچھ حاصل ہوگا جبکہ دہشت گردوں کو پناہ دینے سے پاکستان کو بہت کچھ کھونا پڑے گا۔
یاد رہے کہ گزشتہ روز نائب امریکی صدر کے بیان پر ڈی جی آئی ایس پی آرمیجرجنرل آصف غفور کا کہنا تھا کہ پاکستان نے بہت کرلیا، اب افغان جنگ امریکی اور اتحادی فوج کو لڑنی ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
غزہ : اسرائیلی فوج نے غزہ میں نہتے فلسطینیوں پرفائرنگ کردی جس کے نتیجے میں 2 فلسطینی شہید جبکہ 30 افراد زخمی ہوگئے۔
تفصیلات کے مطابق غزہ میں فلسطینی عوام امریکہ کی جانب سے مقبوضہ بیت المقدس کو اسرائیل کا دارالحکومت تسلیم کرنے کے خلاف احتجاج کررہے تھے کہ اسرائیلی فوج نے فائرنگ کر دی۔
اسرائیلی فوج کی فائرنگ سے احتجاج کرنے والے 2 مظاہرین شہید جبکہ 30 افراد زخمی ہو گئے۔
اسرائیلی فوج کی فائرنگ سے شہید ہونے والے دونوں افراد کی نماز جنازہ میں ہزاروں افراد شریک ہوئے۔ اس موقع پر اسرائیلی جارحیت اور ٹرمپ کےخلاف زبردست نعرے بازی بھی کی گئی۔
خیال رہے کہ دو روز قبل اسرائیلی فوجنے غزہ میں نہتے فلسطینیوں پرفائرنگ کردی تھی جس کے نتیجے میں بچوں سمیت 80 افراد زخمی ہوگئے تھے۔
یاد رہے کہ گزشتہ ہفتےامریکہ کی جانب سے یروشلم کو اسرائیل کا دارالحکومت تسلیم کرنے کے خلاف احتجاجی مظاہرین پراسرائیلی فورسز کی فائرنگ سے 4 فلسطینی جاں بحق جبکہ 160 افراد زخمی ہوگئے تھے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
یاد رہے کہ رواں برس 15 ستمبر کو شمالی کوریا نے بین البراعظمی بیلسٹک میزائل کا کامیاب تجربہ کیا تھا اور کہا تھا کہ امریکہ اب اس کے میزائل کی رینج میں ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
تمغہ امتیاز اور پرائیڈ آف پرفارمنس کی حامل پاکستان کی معروف گلو کارہ ملکہ ترنم نور جہاں کی آج 17ویں برسی منائی جارہی ہے۔
تفصیلات کےمطابق برصغیر کی نامورگلوکارہ ملکہ ترنم نور جہاں کو ہم سے بچھڑے 17برس بیت گئے ہیں مگر وہ اپنے صدا بہار گانوں کی بدولت آج بھی ہم میں موجود ہیں۔
ملکہ ترنم نور جہاں 21 ستمبر 1926 کو قصور میں پیدا ہوئیں،ان کا اصل نام اللہ وسائی جبکہ نور جہاں ان کا فلمی نام تھا۔
انہوں نے اپنے فنی کیرئیر کا آغاز 1935 میں پنجابی زبان میں بننے والی پہلی اولین فلم ’شیلا عرف پنڈ دی کڑی‘سے بطور چائلڈ سٹار بے بی نور جہاں کے نام سے کیا۔
بے بی نورجہاں نے بطور چائلڈ اسٹارمتعدد فلمیں کیں جن میں ’گل بکاﺅلی‘، ’سسی پنوں‘، ’ہیرسیال‘شامل ہیں‘۔
موسیقار غلام حیدر نے1941میں انہیں اپنی فلم ’خزانچی‘ میں پلے بیک سنگر کے طور پر متعارف کروایا اور اسی برس بمبئی میں بننے والی فلم ’خاندان‘ ان کی زندگی کا ایک اور اہم سنگ میل ثابت ہوئی۔
اسی فلم کی تیاری کے دوران ہدایت کار شوکت حسین رضوی سےان کی شادی ہوگئی،جبکہ قیام پاکستان کے بعد وہ اپنے شوہر شوکت حسین رضوی کے ہمراہ ممبئی سے کراچی منتقل ہوگئیں۔
انہوں نےبطوراداکارہ بھی متعدد فلمیں کیں جن میں گلنار،چن وے، دوپٹہ، پاٹے خان، لخت جگر، انتظار،نیند، کوئل، چھومنتر، انار کلی اور مرزا غالب کے نام شامل ہیں۔
میڈم نورجہاں نے 1965ءکی جنگ میں اے وطن کے سجیلے جوانوں، رنگ لائے گا شہیدوں کا لہو، میریا ڈھول سپاہیا تینوں رب دیاں راکھاں، میرا ماہی چھیل چھبیلا کرنیل نی جرنیل نی، اے پتر ہٹاں تے نہیں وکدے گاکرپاک فوج کے جوش وجذبے میں بے پناہ اضافہ کیا۔
انہیں شاندار پرفارمنس کے باعث صدارتی ایوارڈ تمغہ امتیاز اور بعد میں پرائیڈ آف پرفارمنس سے بھی نوازا گیا۔
میڈم نور جہاں نےتقریباََ10 ہزار سے زائد غزلیں و گیت گائے جن میں سے بیشتر اب بھی لوگوں کے ذہنوں میں زندہ ہیں۔
ملکہ ترنم نور جہاں 23 دسمبر 2000 کو 74 برس کی عمر میں انتقال کر گئیں۔اگرچے ایسا لگتا ہے کہ وہ ہم میں نہیں لیکن ان کے گائے ہوئے گیت آج بھی عوام میں بےپناہ مقبول ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
لاہور : وزیر قانون پنجاب رانا ثناء اللہ نے کہا ہے کہ ہمیں بلاول بھٹو کی طرح کسی کو لاکر پگڑی پہنانے کی ضرورت نہیں، قانون میں ترمیم کرکے نوازشریف دوبارہ آسکتے ہیں، طاہرالقادری اپنے بیٹوں کیلئے ٹکٹ کے خواہشمند ہیں،حمزہ شہباز اور مریم نواز ن لیگ کا مستقبل ہیں۔
ان خیالات کااظہار انہوں نے اے آر وائی نیوز کے پروگرام سوال یہ ہے میں گفتگو کرتے ہوئے کیا، انہوں نے کہا کہ آئندہ الیکشن میں ہمارا نعرہ سویلین بالادستی اور نظام عدل کی بحالی ہوگا۔ عوام سےمینڈیٹ شعوری طور پرحاصل کریں گے۔
آئندہ انتخابات میں ایک طرف نوازشریف اور دوسری طرف تمام سیاسی جماعتیں ہوں گی، دیگر سیاسی جماعتوں کو نظرنہیں آرہا کہ اب کیا کریں۔
انہوں نے کہا کہ عدالتی نظام عام شہری کوانصاف نہیں دےپاتا، الیکشن میں ووٹ کا تقدس، سول بالادستی ، نظام عدل کی بحالی پر ووٹ لیں گے۔
نواز شریف کے بعد شہبازشریف پارٹی کو لیڈ کرسکتےہیں، مستقبل میں حمزہ شہبازاورمریم نواز ہی ن لیگ کو لیڈ کریں گے۔
ایک سوال کے جواب میں راناثنااللہ کا کہنا تھا کہ28جولائی کا فیصلہ نوازشریف نہیں بلکہ پاکستان کےخلاف تھا، سپریم کورٹ کے فیصلےکی وجہ سے نوازشریف کو عہدے سے ہٹنا پڑا، اگرنوازشریف اہل ٹھہرتےہیں تو اگلےوزیراعظم نوازشریف ہی ہوں گے۔
نوازشریف کا یہی فیصلہ تھا کہ شہبازشریف ہی وزیراعظم بنیں، آئندہ الیکشن میں کامیابی حاصل کرتےہیں توشہبازشریف وزیراعظم ہوں گے،وزیراعلیٰ پنجاب سے متعلق ابھی فیصلہ نہیں ہوا، نوازشریف کووزیراعظم بنانےمیں شہبازشریف کاکلیدی کردارتھا۔
میں نے کئی بار کہا ہے کہ حمزہ شہباز کو پنجاب میں کوئی بڑی ذمہ داردی جائے، حمزہ شہبازنے پنجاب میں بہت کام کیا ہے، نوازشریف پرپارٹی کے تمام کارکنوں کا اعتماد ہے، پوری جماعت نوازشریف کے28جولائی کے بیانیے کے ساتھ ہے۔
راناثنااللہ کا کہنا تھا کہ کچھ لوگوں کی سیاست ڈیڈلائن پر چل رہی ہے، بےچین پرندوں کو پارٹی میں لینا سیاسی مجبوری ہے، جب پارٹی بحران کا شکار ہوتی ہے تو یہ پرندے اڑنا شروع کردیتے ہیں،اس بارصرف 12،13فصلی بٹیروں پرہی اثرہوا ہے، مستعفیٰ ہونے والے فصلی پرندے استعفیٰ دے کر پچھتارہے ہیں۔
ان کا کہنا تھا کہ مخالفین کیلئے گزشتہ ہفتہ بہت بھاری گزراہے، طاہرالقادری قادری صاحب نوازشریف کامقابلہ نہیں کرپارہے، باقر نجفی رپورٹ سے طاہرالقادری جو چاہتے تھے وہ نہیں ہوسکا، رپورٹ میں کسی کو بھی ذمہ دار نہیں ٹھہرایا گیا۔
پی اے ٹی نے جےآئی ٹی اور تفتیش کا بائیکاٹ کیا، عدالت میں جو مقدمہ چل رہا ہے وہی اصول ہے اور وہی قانون ہے، طاہرالقادری اپنا پاور شو کرکے دکھائیں، وہ اپنے دو بیٹوں کو اسمبلی میں لانا چاہتے ہیں، لاہور سے طاہرالقادری کو بیٹوں کیلئے ٹکٹ چاہئیں۔
راناثناءاللہ نے مزید کہا کہ فیض آباد دھرنے کو طاقت سے ختم نہیں کرنا چاہتے تھے، فیض آباد آپریشن سے ہماری حکومت کو کوئی نقصان نہیں پہنچا۔
مخالفین کو مجھ سےخاص محبت ہے اس لیے میرا استعفیٰ مانگتے رہتے ہیں، میرا استعفیٰ میری قیادت کے پاس ہے وہ جب چاہیں لے سکتے ہیں۔
فیض آباد دھرنے کی وجہ سے زاہد حامد کو استعفیٰ دینا پڑا، حالانکہ اصولی طور پر انہیں استعفیٰ نہیں دینا چاہئےتھا، سینیٹ کا الیکشن 2مارچ کو ہونا ہی ہے۔
لاہور : پاکستان عوامی تحریک کے سربراہ ڈاکٹر طاہرالقادری نے کہا ہے کہ سانحہ ماڈل ٹاؤن میں ملوث حکمرانوں کے استعفے ناگزیر ہیں، آج نہیں تو کل قاتلوں کو عہدوں سے ہٹنا ہوگا۔
ان خیالات کا اظہار انہوں نے لاہور میں پاکستان عوامی تحریک کی سینٹرل کور کمیٹی کےاجلاس سے خطاب کرتے ہوئے کیا۔
انہوں نے کہا کہ سانحہ ماڈل ٹاؤن کے قاتل اپنے عہدوں پر زیادہ دیر نہیں رہ سکتے، ڈاکٹر طاہر القادری نے اجلاس سے خطاب میں مزید کہا کہ حکومتی دباؤ پر سانحہ ماڈل ٹاؤن رپورٹ کی نقول نہیں دی جارہی۔
ختم نبوت کے قوانین پر حملہ آور اشرافیہ اب عدلیہ پرحملہ آورہیں، شریف خاندان کی عدلیہ مخالف مہم کا بار اور بینچ دونوں کو نوٹس لینا چاہیے، لوگ سچ اگلنے کےلئے بے تاب ہیں۔
انہوں نے واضح طور پر کہا کہ حکمرانو! جلد استعفے دے دو ورنہ آج نہیں تو کل تمہیں عہدوں سے ہٹنا ہی ہے۔
جدہ: پاکستانی خاتون تیراک نے قائد اعظم کو یومِ ولادت کے موقع پر انہیں انوکھے انداز میں خراج تحسین پیش کرتے ہوئے سمندر کی گہرائی میں پاکستان کا جھنڈا لہرا دیا۔
تفصیلات کے مطابق جدہ میں پاکستانی خاتون تیراک عظمیٰ طاہر نے یوم ولادت کی مناسبت سے قائد اعظم محمد علی جناح کو شاندار انداز میں خراج تحسین پیش کرتے ہوئے دنیا کو حیران کردیا۔
جدہ میں مقیم پاکستانی خاتون عظمیٰ طاہر اپنے دو ساتھیوں سمیت سمندر (بحیرہ احمر) کی 50 فٹ گہرائی میں اتریں اور انہوں نے پاکستان کا پرچم لہرایا۔
خاتون تیراک ایک گھنٹے تک سبز ہلالی پرچم کو ہاتھوں میں تھامے گہرے سمندر میں رہیں اور انہوں نے پاکستان زندہ باد کا نعرہ بھی لگایا۔
ویڈیو دیکھیں
واضح رہے کہ 25 دسمبر کو قائد اعظم کا 141 واں یوم پیدائش ملک بھر میں ملی جوش و جذبے کے ساتھ منایا جائے گا، اس ضمن میں سرکاری سطح پر پاکستان میں تعطیل ہو گی اور مختلف تقاریب کا اہتمام بھی کیا جائے گا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
