راولپنڈی: آرمی چیف جنرل راحیل شریف نے مزید 10 دہشت گردوں کی سزائے موت کی توثیق کردی۔
آئی ایس پی آر کے مطابق آرمی چیف نے دہشت گردی، معصوم شہریوں اور مسلح افواج کے اہلکاروں کے قتل میں ملوث 10خطرناک دہشت گردوں کی سزائے موت کی توثیق کردی۔
مجرم دہشتگرد حملوں، معصوم شہریوں ، فوجی افسران کیپٹن جنید خان، کیپٹن نجم ریاض راجہ،نائیک شاہد رسول اور ایس ایس جی کے لانس نائیک شکیل کو شہید کرنے میں ملوث تھے جبکہ دہشتگرد تعلیمی اداروں سمیت قومی املاک کوتباہ کرنے، پاک فوج کےجوانوں کوشہید اورذخمی کرنے میں بھی ملوث تھے۔
دہشتگردوں سے خطرناک اسلحہ اورگولہ بارود بھی برآمد کیا گیا تھا، سزا پانے والے دہشت گردوں میں کالعدم تنظیموں کے ارکان بھی شامل ہیں۔
سزاپانے والوں میں حنیفہ، تیراہ گل، خائستہ محمد، علی ریحان ، نثار علی ، خیل جان، پاؤ جان ، محمدولی ،فضل علی اور محمد علی شامل ہیں، مجرموں پر دہشتگرد کارروائیوں میں ملوث ہونے الزام ثابت ہوا۔
یاد رہے گزشتہ ماہ بھی چیف آف آرمی سٹاف جنرل راحیل شریف نے شہریوں،خواتین پولیو ورکرز اور این جی او ورکرز سمیت ملٹری، سیکیورٹی اور سول اہلکاروں کے قتل میں ملوث 10 دہشت گردوں کی سزائے موت کی توثیق کی تھی۔
اسلام آباد : مشیر خارجہ سرتاج عزیز نے کہا ہے کہ بھارت پاکستان میں ہونے والی دہشتگردی میں بھارت ملوث ہے، بھارت مقبوضہ کشمیر کے عوام کو ان کا حق دینے کو تیار نہیں۔
اسلام آباد میں جنوبی ایشیاء میں امن اور تعاون کے موضوع پر سیمینار سے خطاب میں سرتاج عزیز کا کہنا تھا کہ بھارت پاکستان میں ہونےوالی دہشتگردی میں بھارت ملوث ہے، بھارت کی جانب سے ایل اوسی پر مسلسل جنگ بندی معاہدے کی جارہی ہے، سرحد پر بھاری ہتھیاروں کا استعمال کیا جارہا ہے ۔
سرتاج عزیز نے کہا کہ بھارت کی جانب سے طاقت کا استعمال تعلقات میں بگاڑ کا سبب ہے، سارک کانفرنس کے انعقاد میں رکاوٹ بن کر بھارت نے خطے میں امن و تعاون کی کوششوں کو نقصان پہنچایا ہے، باہمی اختلافات خطے کی ترقی اور استحکام کی راہ میں رکاوٹ ہیں، ایک دہائی سے عالمی امن متاثر ہوا ہے۔
پاکستان نے دہشت گردی کے خلاف جنگ میں 70 ہزار سے زائد قربانیاں دی ہیں
انہوں نے کہا کہ جنوبی ایشیاء دنیا کے بہترین وسائل سے مالا مال اور اہم جغرافیائی محل وقوع کا حامل ہے، علاقائی تعاون کے بغیر ترقی اور خوشحالی ممکن نہیں، پاکستان اسٹریٹجک عدم توازن سے غافل نہیں رہ سکتا ۔ پاکستان نے دہشت گردی کے خلاف جنگ میں 70 ہزار سے زائد قربانیاں دی ہیں، بھارت سیز فائر کی خلاف ورزیوں سمیت پاکستان میں دہشت گردی کو ہوا دینے میں ملوث رہا ہے، بھارت سی پیک پر اثرانداز ہورہا ہے۔
انہوں نے کہا کہ کشمیر پاکستان اور بھارت کے مابین پرامن تعلقات میں سب سے بڑی مسئلہ ہے، بھارت کشمیر کے مسئلے پر پاکستان سے مزاکرات سے گریزاں اور کشمیریوں خو حق جودارادیت دینے کی بجائے ریاستی جبر کررہا ہے، بھارت اسلحہ کی دوڑ کو ہوا دے رہا ہے۔
انہوں نے کہا کہ بھارت کی نیوکلئیر سپلائر گروپ میں شمولیت سے خطے میں طاقت کا توازن متاثر ہوگا۔
سرتاج عزیز نے کہا کہ بھارتی اقدامات دنیا کی ایک ارب سے زائد آبادی کے مستقبل کیلئے شدید خطرہ ہیں، پاکستان نے ہمیشہ خطے میں توازن رکھنے کی کاوشوں کی حمایت کی ہے۔
انکا کہنا تھا کہ 8 جولائی کے بعد سے بھارت مقبوضہ کشمیر میں بربریت میں مصروف ہے، ہمارے بھارت سے جب بھی مذاکرات ہوں گے ہم بھارت سے تمام تنازعات بالخصوص مسئلہ کشمیر کے حل کی بات کریں گے، ہم این ایس جی میں اپنی درخواست پر بالا امتیاز اور کرائٹریا کے مطابق غور کی بات کرتے ہیں وگرنہ خطے میں طاقت کا توازن بری طرح متاثر ہو سکتا ہے بدقسمتی سے بین الاقوامی برادری اس خطے کو درپیش چینلجز کو اس طرح نہیں سمجھ رہی جیسے سنجیدہ وہ ہیں۔
بھارت مقبوضہ کشمیرکے حالات کو دہشت گردی سے جوڑنے کی سازش کررہا ہے
مشیرخارجہ کا کہنا تھا بھارت مقبوضہ کشمیرکے حالات کو دہشت گردی سے جوڑنے کی سازش کررہا ہے، بھارت مقبوضہ وادی میں انسانی حقوق کی خلاف ورزیاں کررہا ہے، عالمی برادری انسانی حقوق کی پامالی ختم کرانے کے لئے بھارت پردباؤ ڈالے، تنازعات کو حل کئے بغیرخطےمیں امن وتعاون ممکن نہیں
اس وقت کو کئی ایک اہم چیلنجز درپیش ہیں، خطے میں تعاون کے خواہاں ہیں، خطے میں آبادی میں مسلسل اضافہ وسائل کی کمی کا باعث بن رہا ہے۔ سرتاج عزیز نے کہا کہ جنوبی ایشیائی ریاستوں کے باہمی تنازعات خطے پر برے اثرات مرتب کر رہے ہیں۔
سرتاج عزیز پاکستان نے افغانستان میں قیام امن کیلئے کوششیں کیں، سارک کانفرنس کا انعقاد ایک ملک کے غیرذمہ دارانہ رویہ کے باعث نہ ہوسکا۔
آپ کو یاد ہوگا کچھ عرصہ قبل چین کے ایک شاپنگ مال میں رکھے گئے ایک بھالو کی تصاویر منظر عام پر آئی تھی جو نہایت ہی اداس معلوم ہوتا تھا۔
اس بھالو کی پیدائش مصنوعی طریقہ سے عمل میں لائی گئی تھی اور اس کے ساتھ کوئی دوسرا بھالو موجود نہیں تھا، اسی لیے یہ ہر وقت تنہا اور اداس پھرتا تھا۔
حال ہی میں ایک اور ایسی بلی کی تصاویر انٹرنیٹ پر گردش کر رہی ہیں جو نہایت اداس نظر آتی ہے اور اسے دنیا کی اداس ترین بلی کا نام دیا گیا ہے۔
یہ بلی ہمیشہ سے ہی ایسی نہیں تھی۔ اس کو گود لینے والی خاتون کا کہنا ہے کہ یہ بلی انہیں اتفاقاً سڑک پر ملی۔ اس وقت شاید یہ کسی بڑے جانور کا شکار ہوئی تھی اور بہت بری حالت میں تھی۔
انہوں نے بتایا کہ اس بلی کے پنجے زخمی تھے اور پورے جسم پر گہرے زخم تھے۔ اس کا ایک کان بھی ادھڑا ہوا تھا جس کی وجہ سے اس کی شکل ہی بدل چکی تھی۔ خاتون کے مطابق اس کے کان کے غیر متوازن ہوجانے کے باعث ہی اس کے چہرے کے تاثرات ایسے ہوگئے اور اب یہ ایسی بلی نظر آتی ہے جو مستقل اداس رہتی ہو۔
خاتون نے اس بلی کے زخموں کا علاج کیا اور اس کے بعد یہ اسے اپنے گھر لے آئیں۔ ان کا کہنا ہے کہ گھر میں داخل ہوتے ہی بلی نے ایسی سکون کی سانس لی جیسے کسی پناہ گاہ میں آگئی ہو اور اس کے بعد وہ مطمئن ہو کر سوگئی۔
اس کی مالکہ کا کہنا ہے کہ اب یہ بلی جس کا نام انہوں نے بین بین رکھا ہے، ان کے ساتھ مختلف کھیلوں اور دلچسپیوں میں حصہ لیتی ہے۔
لندن : شیخ رشید احمد کا کہناہےکہ قطری شہزادے نے نواز شریف کاکیرئیر ختم کر دیا۔انہوں نے کہا کہ طاہر القادری اور عمران خان جب ضرورت پڑی تو پھر ایک ہوں گے۔
تفصیلات کےمطابق لندن میں پریس کانفرنس کےدوران شیخ رشید احمد کاکہنا تھا کہ پاناما لیکس میں نوازشریف اور ان کا خاندان ملوث ہے۔
عوامی مسلم لیگ کے سربراہ کا کہناتھاکہ پوری قوم پاناما لیکس کیس کا فیصلہ چاہتی ہے،سپریم کورٹ سےجو بھی فیصلہ آیا قبول کریں گے۔
انہوں نے کہا کہ خوشی ہےکہ آرمی چیف اپنی مدت پوری کر کے واپس جا رہے ہیں،وہ زبردست جرنیل ہیں، پاکستان کے اداروں کو کسی کے آنے جانے سے کوئی فرق نہیں پڑتا۔
شیخ رشید نے کہا کہ ماڈل ٹاؤن کے14 قتل نوازشریف کےگلےکاپھندا بنیں گےطاہر القادری اور پی ٹی آئی جب ضرورت پڑی تو پھر ایک ہونگے۔
واضح رہے کہ اس سے قبل تحریک انصاف کے چیئرمین عمران خان نے ہیتھرو ایئرپورٹ پر میڈیا سے گفتگو میں کہا کہ آرمی چیف جنرل راحیل شریف نے بہترین دور گزارا ان کی خدمات یاد رکھی جائیں گی۔
کراچی : وزیراعظم نواز شریف نے پاکستان کی سب سے بڑی دفاعی نمائش آئیڈیاز 2016 کا افتتاح کردیا، وزیراعظم کا کہنا ہے کہ آئیڈیاز 2016 دفاعی صنعت کی نمایاں کامیابیوں کا ثبوت ہے۔
تفصیلات کے مطابق وزیر اعظم نواز شریف اور آرمی چیف جنرل راحیل شریف کراچی ایکسپو سینٹر پہنچ گئے، وزیراعظم نواز شریف سمیت تینوں مسلح افواج نے دفاعی نمائش آئیڈیاز 2016 کا باقاعدہ افتتاح کردیا۔
افتتاحی تقریب کے آغاز میں قومی ترانہ بجایا گیا، افتتاحی تقریب میں تینوں مسلح افواج کے سربراہان، وزیراعلیٰ سندھ مراد علی شاہ، وفاقی وزیر برائے دفاعی پیداوار رانا تنویر حسین، وزیر دفاع خواجہ آصف بھی شریک ہیں۔
آئیڈیاز 2016دفاعی صنعت کی نمایاں کامیابیوں کا ثبوت ہے، وزیراعظم نواز شریف
وزیر اعظم نواز شریف نے دفاعی نمائش آئیڈیاز 2016 سے خطاب میں کہا کہ تقریب میں شرکت کرکے خوشی محسوس ہورہی ہے ، مدعو کرنے پر منتظمین کا شکرگزار ہوں، آئیڈیاز 2016دفاعی صنعت کی نمایاں کامیابیوں کا ثبوت ہے۔
انھوں نے کہا کہ دفاعی نمائش کے کامیاب انعقاد پرتمام متعلقہ اداروں اور افراد کو مبارکباد دیتا ہوں، نمائش میں غیرملکی وفود کی بڑی تعداد میں شرکت حوصلہ افزا ہے، پاکستان کی دفاعی صنعت ترقی کےمراحل تیزی سےطےکررہی ہے، پاکستان میں منافع بخش سرمایہ کاری کے وسیع مواقع موجود ہیں۔
وزیراعظم نے کہا کہ اسٹیٹ بینک نے 16 سال میں پہلی مرتبہ کم شرح سود کا اعلان کیا، ہمارا جی ڈی پی آئندہ سال 5 فیصد سے زائد رہنے کا امکان ہے، عالمی ادارے موڈیز نے پاکستانی کی معیشت میں بہتر قرار دی صنعتی اداروں کیلئے گزشتہ 12 ماہ سے لوڈ شیڈنگ نہیں کی جارہی۔
موجودہ حکومت میں دفاعی صنعت کو فروغ ملا ، رانا تنویر
اس سے قبل دفاعی پیداوار رانا تنویر کا کہنا تھا کہ موجودہ حکومت میں دفاعی صنعت کو فروغ ملا ، وزیراعظم کی سرپرستی اور تعاون پر شکریہ ادا کرتا ہوں۔
آئیڈیاز خطے کی بڑی نمائشوں میں شامل ہیں، میجر جنرل آغا مسعود
میجر جنرل آغا مسعود نے افتتاحی تقریب سے خطاب میں کہا کہ آئیڈیاز خطے کی بڑی نمائشوں میں شامل ہیں ، نمائش میں 418 مندوبین شرکت کررہے ہیں، نمائش میں ملکی اور غیر ملکی کو خو ش آمدید کہتے ہیں، نمائش میں 9 نئے ممالک حصہ لے رہے ہیں۔
میجر جنرل آغا مسعود نے کہا کہ کراچی کی عوام کا شکریہ ادا کرنا چاہتا ہوں اور ساتھ ساتھ سندھ پولیس اور ریجرز کا بھی شکریہ ادا کرتا ہوں
آغا مسعود نے کہا کہ وزیر اعظم کی تقریب میں شرکت پر خیر مقدم کرتا ہوں، پاک ، وزارت دفاع اور وزیر اعلیٰ سندھ کا شکریہ ادا کرتا ہوں۔
انکا مزید کہنا تھا کہ نمائش میں سی پیک کی اہمیت کو اجاگر کیا جائے گا اور اس کیلئے خصوصی اسٹال لگائے گئے ہیں، اس سال نمائش میں الخالدٹینک ، بیٹل ٹینک،جے ایف سترہ تھنڈر طیارے ، سپرمشاق ، اور فاسٹ اٹیک کرافٹ میزائل بوٹس بھی رکھی جائیں گی۔
میجر جنرل آغا مسعود نے کہا کہ آئیڈیاز دوہزار چودہ کو بھی عالمی خوب پذیرائی حاصل ہوئی تھی۔ رواں سال نمائش میں چودہ معاہدوں پر دستخط کئے جانےکی توقع ہے، آئیڈیاز دوہزار چودہ میں دو ایم او یوز پر دستخط ہوئے تھے۔
خیال رہے کہ دفاعی نمائش آئیڈیاز 2016 حکومت پاکستان کے تعاون سے ڈیفنس ایکسپورٹ پروموشن آرگنائزیشن منعقد کررہی ہے، نمائش میں 43 ممالک سے 90 وفود شرکت کریں گے جبکہ 261 غیر ملکی اور 157 پاکستانی اسلحہ ساز کمپنیاں اپنی مصنوعات پیش کریں گی۔
نمائش میں الخالد ٹینک، جے ایف تھنڈر، کے ایٹ ایئر کرافٹ سمیت فاسٹ اٹیک ایئر کرافٹ بھی رکھے جا رہے ہیں جب کہ پُر مشاق، کے 18 ایئر کرافٹ اور فاسٹ اٹیک کرافٹ میزائل بوٹس، یو اے ویز اور بکتر بند گاڑیاں ، ملٹری آلات اور ٹیکنالوجی بھی نمائش کا حصہ ہوں گے۔
کراچی : الیکشن کمیشن آف پاکستان نے24 نومبر کو قومی اسمبلی کی نشست این اے258 پر ہونے والی ضمنی پولنگ ملتوی کردی۔
تفصیلات کےمطابق کراچی میں 24 نومبر کو قومی اسمبلی کی نشست این اے 258 پر ضمنی انتخابات 28نومبر تک ملتوی کردیے گئے۔
ڈی جی رینجرزسندھ میجرر جنرل بلاول اکبر نے الیکشن کمیشن سے درخواست میں موقف اختیار کیاتھا کہ دفاعی نمائش دوہزار سولہ کے انتظامات کے سبب رینجرز مصروف ہے جس کی وجہ سے این اے دوسواٹھاون پر ضمنی پولنگ ملتوی کی جائے۔
الیکشن کمیشن نے استدعا منظور کرتے ہوئے پولنگ کی نئی تاریخ 28نومبر مقرر کردی۔این اے دوسواٹھاون کے ضمنی معرکے کے موقع پر تمام پولنگ اسٹیشن کو حساس قرر دیاگیاہے۔
یاد رہے کہ این اے258کی نشست ن لیگ کے عبدالحکیم بلوچ کی پیپلزپارٹی میں شمولیت کے بعد خالی ہوئی تھی۔
واضح رہے کہ ایم کیوایم پاکستان نےقومی اسمبلی کی نشست این اے258میں ضمنی انتخاب کے بائیکاٹ کا اعلان کیا ہے۔
کیا آپ اپنے دفتر میں بہت زیادہ وقت گزارتے ہیں اور اس وجہ سے آپ کی نیند بھی پوری نہیں ہو پاتی؟ اگر آپ کا جواب ہاں میں ہے تو آپ کے لیے بری خبر ہے کہ بڑھتی عمر کے ساتھ آپ سنگین ترین طبی مسائل کا شکار ہوسکتے ہیں۔
فن لینڈ میں کی جانے والی ایک تحقیق میں کاروباری افراد کا مشاہدہ کیا گیا۔ تحقیق میں دیکھا گیا کہ وہ افراد جو اپنی درمیانی عمر میں اپنے کام کو ہفتے میں 50 سے زائد گھنٹے دیتے تھے اور سونے کے لیے 47 گھنٹوں سے کم وقت صرف کرتے تھے وہ عمر میں اضافے کے ساتھ ساتھ مختلف طبی پیچیدگیوں اور مسائل کا شکار ہوتے گئے۔
ماہرین نے بتایا کہ نیند پوری نہ ہونا ویسے تو ہر عمر کے افراد کے لیے نقصان دہ عمل ہے لیکن اگر یہ عادت 40 سال کی عمر میں بھی برقرار رہے تو 60 سے 70 سال کی عمر کے دوران آپ مختلف امراض کا شکار ہوسکتے ہیں۔
ماہرین نے واضح کیا کہ یہ خطرہ ان افراد میں نہیں دیکھا گیا جنہوں نے اپنی وسطی عمر میں نیند پوری کی اور کام کے اوقات کو حد میں رکھا۔ ایسے افراد اپنے بڑھاپے میں نسبتاً کم بیماریوں کا شکار ہوئے۔
طبی ماہرین نے تجویز کیا کہ ہفتے میں 50 گھنٹے سے کم کام کرنا مناسب ہے، اس سے زیادہ وقت کام کو دینا صحت کو نقصان پہنچا سکتا ہے۔
اسی طرح ہفتے میں 47 گھنٹے کی نیند ضروری ہے۔ جو لوگ اس سے کم گھنٹے سونے کے لیے صرف کرتے ہیں ان کو مختلف مسائل کا سامنا ہوسکتا ہے۔
واضح رہے کہ نیند پوری نہ ہونا ایک ایسا عمل ہے جو جسمانی، نفسیاتی اور دماغی صحت پر منفی اثرات مرتب کرتا ہے اور الزائمر، امراض قلب اور ہائی بلڈ پریشر سمیت مختلف بیماریوں میں مبتلا کرسکتا ہے۔
پشاور: خیبر پختونخواہ کے صوبائی دارالحکومت پشاورمیں بم دھماکے میں ایک بار پھر فرنٹیئر کانسٹیبلری کو نشانہ بنایا گیا‘ تین اہلکار شہید ہوگئے۔
تفصیلات کے مطابق آج بروز منگل پشاور کے علاقے بشیر آباد میں سڑک کنارے نصب دھماکہ خیز مواد عین اس وقت پھٹ گیا جب ایف سی کا قافلہ وہاں سے گزررہا تھا۔
متعلقہ ایس ایس پی کے مطابق حملے کے نتیجے میں تین ایف سی اہلکار شہید جبکہ تین زخمی ہوئے ہیں ‘ زخمیوں اور میتوں کو نزدیکی اسپتال منتقل کیا جارہا ہے۔
انہوں نے مزید کہا کہ حادثے میں ایف سی کی ایک گاڑی کو بھی نقصان پہنچا ہے جس کا نمبر ڈبل اے1310 ہے۔
یا درہے کہ محض تین دن قبل کوئٹہ کے علاقے فاطمہ جناح روڈ پر دہشت گردوں کی فائرنگ سے 4 سیکیورٹی اہلکار جاں بحق ہوگئے تھے ، جاں بحق اہلکاروں میں1 پولیس اور 3 ایف سی کے اہلکار شامل تھے جبکہ فائرنگ سے ایک راہ گیر بھی زخمی ہوا تھا۔
گزشتہ ماہ کوئٹہ میں فائرنگ سے تین ایف سی اہلکار جاں بحق ہوئے تھے جبکہ بلوچستان کے ضلع مستونگ میں 2 مختلف واقعات میں 3 سیکیورٹی اہلکار شہید ہوئے تھے، علاوہ ازیں رواں ماہ دہشت گردوں نے پولیس ٹریننگ سینٹر پر حملہ کر کے 62 کیڈیٹس کو نشانہ بنایا تھا۔
واشنگٹن : امریکا کے نو منتخب صدر نے ڈونلڈ ٹرمپ نے اپنی حکومت کے ابتدائی سو روز کے لائحہ عمل کا اعلان کردیا ہے، ٹرمپ کا کہنا ہے کہ سب سے پہلے امریکا کے اصول پر عمل کیا جائے گا، سائبر حملوں کو روکنے کے لئے جہازوں کی مدد لی جائے گی۔
امریکا کے نو منتخب صدر ڈونلڈ ٹرمپ اقتدار کے پہلے سو دن کے پلان کا اعلان کردیا ہے، جس میں تجارتی معاہدے ، امیگریشن پالیسی اور دفاعی پالیسز شامل ہیں، ڈونلڈ ٹرمپ کا کہنا ہے کہ ان کی اولین ترجیح سب سے پہلے امریکا کا اصول ہے، سائبر حملوں کو روکنے کے لئے جہازوں کی مدد لی جائے گی۔
ٹرمپ نے حکومت کے پہلے دن عالمی تجارتی معاہدے ٹرانس پیسفک پارٹنرشپ سے نکلنے کا اعلان کیا ہے، ٹرانس پیسیفک پارٹنرشپ امریکا سمیت بارہ ممالک کے درمیان ہے۔
ٹرمپ کے مطابق حکومت میں ویزا فراڈ ختم کیا جائے گا۔
بزنس کے لئے قواعد وضوابط میں کمی کی جائے گی۔
حکومتی انتظامیہ چھوڑنے والوں پر پانچ سالہ پابندی عائد کی جائے گی۔
اوباما کے ہر صوابدیدی اقدام کی تنسیخ
امریکی ایوان صدر وائٹ ہاؤس کے حکام پر کسی لابی کا حصہ بننے پر پابندی
کانگریس کے ارکان پر متعدد بار منتخب ہونے پر پابندی
اوباما کیئر یا سستے علاج کے قانون کو ختم کیا جائے گا۔
اقوام متحدہ کے ماحول میں تبدیلی سے متعلق تمام پروگراموں کے لیے فنڈ کی فراہمی کی منسوخی
ٹرمپ نے سو دن کے پروگرام میں میکسیکو کی سرحد پر دیوار کی تعمیر سے متعلق کوئی بات نہیں کی۔
خیال رہے کہ اس سے قبل نومنتخب امریکی صدر ڈونلڈ ٹرمپ نے کہا تھا کہ امریکہ سے 30 لاکھ مہاجرین کو ملک بدر یا انہیں قید کرلیا جائے گا، امریکا کے جنوب میں میکسیکو کے ساتھ سرحد پر دیوار تعمیر کرانے کا عہد کیا۔
ماحولیات اور توانائی کے میدان میں ٹرمپ نے ماحولیاتی تبدیلی کے انسداد سے متعلق اقوام متحدہ کے پروگرام کے لیے پیش کی جانے والی امریکی امداد کو ختم کرنے اور انہیں امریکا میں خدمات کے نیٹ ورکوں کے لیے مختص کرنے کا عہد کیا۔
یاد رہے کہ 9 نومبر2016 کو امریکا میں ہونے والےصدارتی انتخابات میں ڈونلڈ ٹرمپ نے ہیلری کلنٹن کو شکست دی اور وہ ملک کے 45ویں صدر منتخب ہوگئے۔
