پیرس : فرانس میں سیکیورٹی فورسزنے دہشت گردی کامنصوبہ ناکام بناتے ہوئے7افرادکوگرفتارکرلیا۔

تفصیلات کےمطابق فرانسیسی وزیرداخلہ کاکہناہےکہ سیکیورٹی فورسزنےانٹیلی جنس اطلاع پر مارسے اوراستراسبورگ کےعلاقوں میں آپریشن کیا۔

آپریشن کے دوران سات افرادکوحراست میں لےلیاگیا۔زیرحراست افراد کی عمریں 29سے37 سال کےدرمیان ہےاوران کا تعلق فرانس،مراکش اور افغانستان سےہے۔

دوسری جانب امریکی محکمہ خارجہ کا کہنا ہے کہ یورپ میں داعش اور دیگر دہشت گرد گروپ حملے کرسکتے ہیں۔اسی لیےامریکہ نےیورپ میں امریکی شہریوں کو محتاط رہنے کی ہدایات جاری کی ہیں۔

مزید پڑھیں:فرانس: قومی دن، ٹرک سے کچل کر84افرادہلاک، 120زخمی

یاد رہے کہ گزشتہ سال جولائی میں نیس میں قومی دن کی تقریبات کے دوران تیزرفتار ٹرک ہجوم پرچڑھ دوڑا تھا، ٹرک ڈرائیور نے فائرنگ بھی کی تھی جس سے 80سےزائد افراد ہلاک اور 120زخمی ہوگئےتھے۔

فرانس کے شہر نیس میں اس دہشت گرد حملے کےبعد فرانس کے صدر کی جانب سے ملک میں ایمرجنسی نافذ کردی گئی تھی۔

واضح رہے کہ گزشتہ سال 13 نومبر کو فرانس میں ہونے والے دہشت گرد حملے میں تقریباََ137افراد جان کی بازی ہار گئے تھے جبکہ درجنوں افراد ان حملوں میں زخمی ہوئے تھے۔

واشنگٹن :امریکی نومنتخب صدر ڈونلڈ ٹرمپ کا کہناہے کہ اگلے سال جنوری میں امریکہ عالمی تجارتی معاہدے ٹرانس پیسیفک پارٹنر شپ سے باہر نکل جائے گا۔

تفصیلات کےمطابق ڈونلڈ ٹرمپ نے اپنے ویڈیو پیغام میں کہا ہےکہ جنوری میں وائٹ ہاؤس میں ان کی آمد کے پہلے دن ہی امریکہ عالمی تجارتی معاہدے ٹرانس پیسیفک پارٹنر شپ کا حصہ نہیں رہے گا۔

خیال رہے کہ گزشتہ سال 12ممالک ٹرانس پیسیفک پارٹنر شپ معاہدے میں شامل ہوئے تھے جو دنیا کی 40فیصد معیشیت کنٹرول کرتا ہے۔

نومنتخب امریکی صدر نے اپنے پہلے پیغام میں نہ تو صدر اوباما کے کیئر پروگرام پر کوئی بات کی اور نہ ہی انھوں نے میکسیکو کی سرحد پر دیوار بنانے اور امریکہ سے تارکین وطن کو نکالنے کے بارے میں کچھ کہا۔

مزید پڑھیں:امیگریشن کے معاملے کو بہت سختی سے لیں گے،ڈونلڈ ٹرمپ

یاد رہے کہ اس سےقبل 11نومبرکو امریکہ کے نو منتخب صدر ڈونلڈ ٹرمپ کا کہنا تھا کہ صدارت کا عہدہ سنھبالنے کے بعد امیگریشن کے معاملے کو بہت سختی سے لیں گے اور سرحدوں پر کڑی نظر رکھیں گے۔

ڈونلڈ ٹرمپ کا کہنا تھا کہ صدارت کا عہدہ سنھبالنے کے بعد امیگریشن،صحت عامہ اور ٹیکسوں کی شرح کو کم کرنا اُن کی اولین ترجیحات میں شامل ہے۔

واضح رہے کہ ادھر منگل کو جاپانی وزیراعظم شنزو ایبے نے کہا کہ امریکہ کے بغیر ٹرانس پیسیفک پارٹنر شپ معاہدہ بے مقصد ہو جائے گا۔

ٹوکیو: جاپان میں 7.4شدت کے شدید زلزلے کے بعد سونامی کی وراننگ جاری کر دی گئی ہے۔

تفصیلات کےمطابق جاپان کے محکمہ موسمیات کا کہنا ہے کہ مقامی وقت کے مطابق منگل کی صبح چھ بجے جاپان کے مشرقی ساحل پر7.4اعشاریہ شدت سے زلزلہ آیا۔ زلزلے کا مرکز فوکوشیما کے ساحل کا قریبی علاقہ بتایا گیا ہے۔

جاپانی حکومت نے شدید زلزلے کے بعد سونامی کی وراننگ جاری کر دی گئی ہے اور خدشہ ظاہر کیا گیا ہے کہ سمندر میں تین میٹر یعنی دس فٹ اونچی لہریں اٹھ سکتی ہیں۔ابتدائی طور پر زلزلے کے نتیجے میں کسی جانی نقصان کی اطلاع نہیں ملی۔

OMG
Scary Footage of a train station in Fukushima as a 7.3 magnitude earthquake strikes off in #Japan.
Be safe everyone.#PrayForJapan pic.twitter.com/qITWQnJPOG

— Syed Fayyaz Ali (@BhaijaFry) November 22, 2016

دوسری جانب امریکی جیولوجیکل سروے کے مطابق زلزلے کی شدت 6.9 تھی، جو جاپان کے مشرقی جزیرے ہونشو کے قریب آیا۔

BREAKING: #Tsunami waves are reaching land. Sirens sounding. #Fukushima #earthquake #Japan pic.twitter.com/qlN2YboGXD

— A⃫n⃫i⃫s⃫ (@0xUID) November 21, 2016

خیال رہےکہ دنیا بھر میں آنے والے 20 فیصد زلزلے جاپان میں آتے ہیں جن کی شدت چھ اعشاریہ صفر یا اس سے زیادہ ہوتی ہے۔

سرکاری نشریاتی ادارے این ایچ کے کی رپورٹ کے مطابق اب تک اونہاما پورٹ پر دو فٹ اونچی لہریں آ چکی ہیں تاہم اب بھی مزید اونچی لہریں اٹھنے کا خدشہ موجود ہے۔

Live: Japan #earthquake: 7.4 magnitude – https://t.co/azWRoNSbGS #Fukushima #Japan #Tsunami pic.twitter.com/6ybEjEAhoy

— DNScouts (@DNScouts) November 21, 2016

یاد رہےکہ رواں برس اپریل میں جنوبی کوماموٹو میں آنے والے زلزلے میں 50 افراد ہلاک ہو گئے تھے۔

واضح رہےکہ جاپان میں پانچ سال قبل آنے والے تباہ کن زلزلے اور سونامی میں تقریباً 18,000 افراد ہلاک ہوئے تھے۔