آیوڈین انسانی جسم کے ہارمونز کی نشوونما میں اہم کردار ادا کرتا ہے جبکہ اس کی کمی سے جسمانی اور ذہنی معذوری بھی ہوسکتی ہے۔
ماہرین طب کے مطابق آیوڈین کی کمی سے میں پاکستان میں دوملین سے زائد افراد معذوری کا شکار ہیں۔ انسانی جسم کو روزانہ چائے کے آدھے چمچ کی مقدار میں آیوڈین ملا نمک درکار ہوتا ہے۔
روزانہ آئیوڈین ملا نمک یا پھر مچھلی، مرغی اور دودھ کا استعمال کیا جائے تو آیوڈین کی کمی کو پورا کیا جاسکتا ہے، خاص طور پر حاملہ خواتین کو اپنی غذا میں آیوڈین ملے نمک کا استعمال ضرور کرنا چاہیئے۔
امریکہ : ایچ پی نے ایسے انوکھے ڈیزائن کا کمپیوٹر تیار کیا ہے، جو دیکھنے والوں کو حیران کر دیتا ہے۔
ایچ پی سپر آئوٹ نامی یہ کمپوٹر تئیس انچ کے ٹچ اسکرین، ڈسپلے، انٹر ایکٹوٹچ میٹ پر مشتمل ہے اور یہ میٹ عام کی بورڈ اور ماوس کا متبادل ہے ، مانیٹر کے اوپر ایک پراجیکٹر لگا ہوا ہے، جو چیزوں کو اسکین کر نے کے ساتھ صارفین کے ہاتھوں کو ورچوئل کی بورڈ پر حرکت کر ئے ہوئے ٹریک کرتا ہے۔
یہ کمپیوٹر امریکہ میں آن لائن فروخت کے لئے پیش کر دیا گیا ہے۔
امریکہ : امریکی میگزین کی رپورٹ کے مطابق امریکی گلوکارہ بیونس اس سال آمدنی کے لحاظ سے دنیا بھر کے گلوکاروں میں سر فہرست ہیں۔
امریکی بزنس میگزین فوربز نے رواں سال کے دوران سب سے زیادہ پیسے کمانے والے گلوکاروں کی فہرست جاری کی ہے۔ جس کے مطابق امریکی گلوکارہ بیونس ایک سو پندرہ ملین ڈالر کے ساتھ سر فہرست ہیں ۔
میگزین کے مطابق انھوں نے یہ دولت دنیا کے پچانوے شہروں میں کنسرٹ سے کمائی ہے، دوسرے نمبر پر ٹیلر سوئفٹ ہیں جن کی سالانہ آمدنی چونسٹھ ملین ڈالر رہی جبکہ باون ملین ڈالر ز کے ساتھ گلوکارہ پنک تیسرے نمبر پر ہیں۔
اسلام آباد: سپریم کورٹ آج وزیرِاعظم نااہلی کیس کی سماعت کرے گی، گزشتہ سماعت میں عدالت نے ریمارکس میں کہا تھا کہ وہ صادق وامین کا تعین کرے گی خواہ اس کے نتیجے میں کسی کی رکنیت ختم ہویا پوری اسمبلی ہی گھرچلی جائے۔
سپریم کورٹ میں کل ان درخواستوں کی اگلی سماعت ہوگی، جن میں وزیرِاعظم نوازشریف کوپارلیمنٹ سے مبینہ غلط بیانی پرنااہل قراردینے کی درخواست کی گئی ہے، جوتحریکِ انصاف کے رہنماء اسحاق خاکوانی اور مسلم لیگ ق کے صدرچوہدری شجاعت حسین نے دائر کیا ہے۔
عبوری چیف جسٹس جسٹس جواد ایس خواجہ، جسٹس سرمد جلال عثمانی اورجسٹس مشیرعالم مقدمے کی سماعت کریں گے۔
پٹیشن میں عدالت سے استدعا کی گئی ہے کہ وزیرِاعظم نوازشریف کو نااہل قرار دے کیونکہ انہوں نے انتیس اگست کو قومی اسمبلی میں غلط بیانی کرتے ہوئے دعوٰی کیا کہ حکومت نے فوج سے دھرنے پر بیٹھے تحریکِ انصاف اورعوامی تحریک کے رہنماؤں سے ثالث اور ضامن کا کردار ادا کرنے کی درخواست نہیں کی تھی ۔
عدالت نے تئیس اکتوبر کی سماعت میں ریمارکس دیئے تھے کہ عدالت آئین کی شق باسٹھ ترسٹھ کے حوالے سے صادق وامین کی تشریح کرے گی، خواہ اس کےنتیجےمیں کسی کی رکنیت ختم ہویا پوری اسمبلی ہی فارغ ہوجائے۔
اسلام آباد: انسدادپولیوسےمتعلق اسٹیئرنگ کمیٹی کااجلاس آج ہوگا,وزیراعظم نوازشریف اجلاس کی صدارت کریں گے۔
پاکستان میں قابو سے باہر ہوتے پولیو وائرس نے نا صرف پاکستان بلکہ عالمی برادری کو بھی تشویش میں مبتلا کردیا ہے، انسداد پولیو کی عالمی تنظیمی نے یونیسیف سے پاکستان پر سفری پابندیاں مزید سخت کرنے کی سفارش بھی کردی ہے، پاکستان میں انسداد پولیو مہم کو دہشت گردی سمیت کئی رکاوٹوں کا سامنا ہے۔
پولیو مہم کو درپیش مسائل پر جلد قابو نہ پایا گیا تو پاکستان کو سفری پابندیوں سمیت کئی مسائل کا سامنا کرنا پڑسکتا ہے ، انہی مسائل پر غور کے لیے وزیراعظم کی زیرصدارت اہم آج طلب کیا گیا ہے اجلاس میں وزرائے اعلیٰ، وزیراعظم آزادکشمیر ،گورنرکےپی کے، وزیرداخلہ، وزیر دفاع اور وزیر اطلاعات بھی شریک ہوں گے۔ ذرائع کا کہنا ہے پولیو سے متعلق اس اجلاس میں ،یونیسیف،عالمی بینک،عالمی ، عالمی ادارہ صحت اور جائیکا کے نمائندے بھی شریک ہونگے ۔
واشنگٹن: امریکہ میں وسط مدتی انتخاب میں ایوان نمائندگان کی تمام جب کہ سینیٹ کی ایک تہائی نشستوں پرووٹنگ ہورہی ہے ۔
تجزیہ کاروں نے پیش گوئی کی ہے کہ ریپبلیکنز کو کانگریس میں اکثریت حاصل ہو سکتی ہے۔ ایسا ہوا تو صدراوباما آخری دو برس کے دوران نئے سیاسی تنازعات کاشکار ہوسکتےہیں۔ریپبلیکن امیدوار اُن ریاستوں میں سینیٹ کی کئی سیٹیں لے سکتے ہیں جنھیں دو برس قبل مسٹر اوباما نے کھو دیا تھا
اسلام آباد: سپریم کورٹ کل وزیراعظم نااہلی کیس کی سماعت کرے گی، عدالت کہہ چکی ہے کہ وہ صادق وامین کا تعین کرے گی خواہ اس کے نتیجے میں کسی کی رکنیت ختم ہویا پوری اسمبلی ہی گھرچلی جائے۔
سپریم کورٹ میں کل ان درخواستوں کی اگلی سماعت ہوگی جن میں وزیراعظم نوازشریف کوپارلیمنٹ سے مبینہ غلط بیانی پرنااہل قراردینے کی درخواست کی گئی ہے۔ عبوری چیف جسٹس جسٹس جواد ایس خواجہ،جسٹس سرمد جلال عثمانی اورجسٹس مشیرعالم مقدمے کی سماعت کریں گے جوتحریک انصاف کےرہنما اسحاق خاکوانی اورمسلم لیگ ق کے صدرچوہدری شجاعت حسین نے دائر کیا ہے۔
پٹیشن میں عدالت سے استدعا کی گئی ہے کہ وزیراعظم نوازشریف کو نااہل قرار دے کیونکہ انہوں نے انتیس اگست کوقومی اسمبلی میں غلط بیانی کرتے ہوئے دعوٰی کیا کہ حکومت نے فوج سے دھرنےپربیٹھےتحریک انصاف اورعوامی تحریک کے رہنماؤں سے ثالث اورضامن کاکردار ادا کرنے کی درخواست نہیں کی تھی، عدالت نے تئیس اکتوبرکی سماعت میں ریمارکس دیے تھے کہ عدالت آئین کی شق باسٹھ ترسٹھ کے حوالے سے صادق وامین کی تشریح کرے گی خواہ اس کےنتیجےمیں کسی کی رکنیت ختم ہویا پوری اسمبلی ہی فارغ ہوجائے۔
اسلام آباد: حکومت نے گیس کی قیمت میں چار سوفیصداضافےکی تیاری کر لی گئی، اب پانچ سو روپے ماہانہ کی گیس جلانے والےکو چار سےپانچ ہزار روپے بل دیناہوگا۔
وفاقی حکومت نے گیس صارفین سے پچاس ارب روپےکی اضافی وصولی جاری رکھتے ہوئے گیس کے نرخ میں تین سے چارسو فیصد اضافے کا فیصلہ کر لیا ، چیئرمین اوگراسعید احمدخان کے قریبی ذائع کا کہنا ہے کہ حکومت پہلے ہی صارفین کےسالانہ اوسط گیس بل پر چودہ فیصدکےحساب اضافی وصول کر رہی ہے جو درحقیقت بیس فیصد سے بھی بڑھ چکا ہے اور اب حکومت گیس کی قیمت میں مزید اضافہ چاہتی ہے۔ حکومت نے اب تک اوگرا کو گیس سبسڈی کے حوالے سے بھی کوئی ہدایت نہیں کی ہے ،جبکہ قانون کےمطابق اوگراگیس کی قیمت سرکاری ہدایت کے بغیر قیمت نہیں بڑھا سکتی۔
نارووال : سرحدی علاقے شکر گڑھ میں مارٹر گولہ پھٹنے سے تین بچے جاں بحق ہوگئے، وزیر اعظم نواز شریف نے واقعے کا نوٹس لے لیا۔
رینجرز ذرائع کے مطابق شکرگڑھ کے گاؤں تغلپورہ میں بھارتی حدود سے فائر کیا گیا مارٹرگولہ گراتھا، جس کو بچےکھیت سے اٹھاکرگھرلےآئےجو پھٹ گیا،جاں بحق ہونے والے بچوں کی شناخت ہنزلہ ، سارہ اورحفیظ کے ناموں سے ہوئی ہے، وزیر اعظم نواز شریف نے واقعے کا نوٹس لے لیا ہے اور پنجاب حکومت اور وزارت داخلہ سے واقعے کی رپورٹ طلب کرلی ہے۔
کراچی: (ویب ڈیسک) مائیکرو سافٹ نے ونڈوزسیون اور ایٹ کی فروخت بند کر دی، جس کا مقصدصارفین کو ونڈوز آپریٹنگ سسٹم کے نئے ورژنز کی جانب مائل کرنا ہے۔
ونڈوزکانیا ورژن جسے ونڈوزٹین کا نام دیا گیا ہے،دوہزار پندرہ کےآخرمیں جاری کیاجائےگا۔گورڈن کیلی کے مطابق اکتیس اکتوبر سےصارفین ونڈوسیون کےہوم بیسک، ہوم پریمیئم اور الٹیمیٹ ورژن نہیں خرید سکیں گے جبکہ ونڈو ایٹ بھی دستیاب نہیں ہے۔تبدیلی سےدکانوں سےلی گئی کاپیوں سےانسٹال شدہ کمپیوٹرپرسافٹ ویئر متاثرہونےکا خدشہ ہے،ونڈوز کا موجودہ ورژن ایٹ پوائنٹ ون کمپیوٹرز پر ڈیفالٹ ورژن ہوگا۔
