گلاسگو: کامن ویلتھ گیمز جاری ہیں اور آج آٹھویں روز بھی کئی ایونٹس میں میڈلز کی جنگ ہورہی ہے پاکستانی ریسلر بھی قسمت آزمائی کررہے ہیں۔ انگلینڈ اڑتیس میڈلز کے ساتھ سر فہرست ہے۔
کامن ویلتھ گیمز میں آسٹریلیا اور انگلینڈ کے درمیان سخت مقابلہ ہے۔ میڈلز ٹیبل پر انگلینڈ اڑتیس میڈلز کے ساتھ ٹاپ پر ہے۔ آسٹریلیا پینتیس طلائی تمغے حاصل کرکے دوسرے نمبر پر ہے۔ مجموعی طور پر دونوں ممالک کے درمیان ایک میڈل کا فرق ہے۔
آسٹریلیا ایک سو چھ اور انگلینڈ ایک سو پانچ میڈلز اپنے نام کرچکا ہے۔ آج بھی ایتھلیٹکس، بیڈمنٹن، سائیکلنگ، ڈائیونگ، ہاکی، نیٹ بال ٹیبل ٹینس، ویٹ لفٹنگ اور ریسلنگ میں سنسنی خیز مقابلے ہورہے ہیں۔ پاکستانی ریلسر بھی قسمت آزمائی کررہے ہیں۔ جبکہ ٹیبل ٹینس کے ویمنز ڈبلز میں پاکستانی جوڑی پہلے ہی راؤنڈ میں ناکام ہوگئی۔ کامن ویلتھ گیمز میں پاکستان اب تک صرف تین میڈلز ہی جیت سکا ہے۔