جدہ: وزیراعظم نوازشریف کا کہناہے کہ ہزاروں افراد کروڑوں افراد کے مینڈیٹ کو یرغمال نہیں بناسکتے،انقلاب اب صرف جمہوریت کےذریعے آئے گااورچودہ اگست بھی گزر جائے گا۔
تحریک انصاف کی جانب سے چودہ اگست کوآزادی مارچ کے اعلان پر حکومتی ایوانوں میں کھلبلی جاری ہے،وزیراعظم نواز شریف سعودی عرب میں بھی چودہ اگست کے احتجاج کا ذکر کرتے رہے،صحافیوں سے بات چیت میں وزیراعظم نواز شریف کا کہناتھا کہ تمام سنجیدہ سیاسی جماعتیں جمہوریت پر یقین رکھتی ہیں،چودہ اگست بھی گزر جائے گی،انقلاب اب صرف جمہوریت کےذریعے آئے گا،ان کا کہناتھا کہ مذاکرات کے لئے حکومت کے دروازے کھلے ہیں،ہزاروں لوگ کروڑوں کے مینڈیٹ کو یرغمال نہیں بناسکتے،تمام سنجیدہ سیاسی و مذہبی جماعتیں ذمہ داری کا مظاہرہ کررہی ہیں،تمام سیاسی جماعتوں نےماضی سے سبق سیکھا ہے۔
