سرگودہا: حساس ادارے کی گاڑی اورٹرک کے تصادم کے نتیجہ میں پانچ اہلکار جاں بحق ہوگئے، پولیس نے ٹرک قبضے میں لیکر نامعلوم افراد کیخلاف مقدمہ درج کرلیا ہے۔
حساس ادارے کے اہلکار گزشتہ روز رائیونڈ میں دہشتگردوں کیساتھ مقابلے میں شہید اہلکار صابرحسین کے نمازجنازہ میں شرکت کے بعد واپس آرہے تھے کہ تھانہ ساہیوال کےعلاقہ پٹھان کوٹ کے قریب تیز رفتار ٹرک اور حساس ادارے کی گاڑی میں تصادم ہوگیا، جس کے نتیجےمیں دس افراد زخمی ہوگئے ۔
زخمیوں کو طبی امداد کے لئے سی ایم ایچ منتقل کیا گیا،جہاں زخموں کی تاب نہ لاتے ہوئے پانچ افراد دم توڑ گئے، حادثے کے بعد ڈرائیور موقع سے فرارہوگیا، پولیس نے ٹرک کو تحویل میں لینے کے بعد نامعلوم افراد کےخلاف مقدمہ درج کرکے تفتیش شروع کردی ۔