برمنگھم:برطانیہ کےشہربرمنگھم میں فلسطین سولیڈیرٹی کمپین کی جانب سے غزہ میں اسرائیل کی جارحیت کےخلاف احتجاجی مظاہرہ کیا گی۔
برمنگھم میں کیے گئے احتجاجی مظاہرےکےشرکا نےاسرائیل کی طرف سے فلسطینیوں پر جاری حملوں کی مذمت کی اوران کوفوری طور پربند کرنےکامطالبہ کیا۔
اس موقع پرمظاہرین نے بی بی سی کےدفترکےباہراحتجاج کیااو برمنگھم قونصل ہاوس تک مارچ بھی کیا۔
اسلام آباد:صدرمملکت ممنون حسین نےاےآروائی نیوز سندھ کےبیوروچیف کوفون کرکے فیض اللہ خان کی رہائی میں بھرپورتعاون کی یقین دہانی کرائی ہے۔
صدرممنون حسین نے ایس ایم شکیل سےافغانستان میں اےآروائی کے اسیررپورٹر فیض اللہ خان کی رہائی کےمسئلہ پربات کی۔
صدرممنون حسین نےکہا کہ حکومت فیض اللہ کےمعاملے پربھرپورمدد کرے گی، فیض اللہ کی رہائی کیلئےہرممکنہ اقدامات کیےجائیں گے،
صدر مملکت نے کہا کہ حکومت افغان وزارت خارجہ سےرابطےمیں ہے اور ضرورت پڑی تو وہ فیض اللہ کی رہائی کیلئےافغان صدر سے بھی رابطہ کرینگے۔
کراچی : ایڈیشنل آئی جی کراچی غلام قادر تھیبو کہتے ہیں کہ کراچی میں اس دفعہ دہشت گردی کے ذیادہ خطرات موجود ہیں، جلوس اہم تنصیبات اور سیکیورٹی اداروں کو دہشت گردی کا نشانہ بنایا جاسکتا ہے، کراچی میں حیدری مارکیٹ پر دورے کے موقع پر میڈیا سے گفتگو میں ایڈیشنل آئی جی کراچی کا کہنا تھا کہ جلوس ، اہم تنصیبات ، سیکیورٹی اداروں پردہشت گردی کے خطرات موجود ہیں، انہوں نے کہا کہ جس طرح آرمی وزیرستان میں جنگ لڑ رہی ہے ، کراچی پولیس بھی یہاں دہشت گردوں کے خلاف جنگ لڑ رہی ہے انہوں نے بتایا کہ یوم علیؓ پر 16 ہزار اہلکاروں کو تعینات کیا جائے گا، جبکہ شہر کی مارکیٹوں کی سیکیورٹی کیلئے دس ہزار اہلکار تعینات رہیں گے۔
لاہور:حضرت علیؑ کی یوم شہادت کے موقع پر لاہور میں جلسوسوں کے لیے خصوصی سیکورٹی پلان مرتب کر لیا گیا ہے، لاہور پولیس کے پندرہ سو سے زائد اہلکار مرکزی جلوس کی سیکورٹی پر تعینات ہوں گے۔
حضرت علیؑ کے یوم شہادت کے موقع پر امام بارگاہ مبارک حویلی سے برآمد ہونے والے مرکزی جلوس کی نگرانی کے لیے سخت ترین سیکورٹی انتظامات کیے گئے ہیں۔
مرکزی جلوس کے روایتی راستوں پر پولیس اہلکاروں کے تعیناتی کے ساتھ ساتھ سی سی ٹی وی کیمروں سے بھی جلوس کی نگرانی کی جائے گی، امام بارگاہ کربلا گامے شاہ پر بوقت افطار ختم ہونے والے مرکزی جلوس کی نگرانی پر پندرہ سو پولیس اہلکار تعینات رہیں گے۔
کمشنر لاہور کی سربراہی میں ہونے والے اجلاس میں اکیس رمضان کو حضرت علیؑ کی شہادت کی مناسبت سے برآمد ہونے والے دیگر درجنوں جلوسوں کو بھی اے کٹیگری سیکورٹی فراہم کرنے کا فیصلہ کیا گیا ہے۔
تاحال لاہور انتظامیہ نے اکیس رمضان کو موبائل فون سروس بند کرنے کا فیصلہ نہیں کیا۔
کراچی : (ویب ڈیسک) حال ہی میں بھارتی نجی ٹی وی چینل پر نشر ہونے والے پروگرام دی انوپم کھیر شو میں بالی وڈ ہدایتکار مہیش بھٹ اور ان کی صاحبزادی عالیہ بھٹ کو مدعو کیا گیا، جسکا ٹریلر آن ائیر کردیا گیا ہے۔ جس میں انوپم کھیر نے عالیہ بھٹ سے سوال کیا کہ کیا وہ یہ چاہتی ہیں کہ انکا شوہر بھی انکے والد جیسا ہو۔جس پر اداکارہ نے کہا کہ نہیں وہ ایسا نہیں چاہتیں۔
وا ضح رہے کہ ما ضی میں مہیش بھٹ کی بالی وڈ اداکارہ پروین بابی سے تعلقات کی خبریں سب کی زبانوں پر تھیں، جبکہ اس دوران وہ کرن بھٹ سے رشتہ ازدواج میں منسلک تھے، جن سے ان کی ایک بیٹی پوجا بھٹ ہیں، اسکے بعد مہیش بھٹ نے دوسری شادی اداکارہ سونی رزدان سے کی جن سے انکی دو بیٹیاں عالیہ اور شاہین ہیں۔
کراچی :جماعت اسلامی پاکستان کے امیر سراج الحق نے کہا ہے کہ بستیاں ویران اور قبرستان آباد ہو رہے ہیں، پاکستان کا ہر بچہ آئی ایم ایف کا مقروض ہے، کل بھی پاکستان کو حکمرانوں سے خطرہ تھا آج بھی پاکستان کوبھارت کے ایٹم بم سے زیادہ اپنے حکمرانوں سے خطرہ ہے ۔
جماعت اسلامی پاکستان کے امیر سراج الحق نے کراچی ککری گراؤنڈ میں عوامی دعوت افطارسے خطاب کرتے ہوئے مطالبہ کیا کہ شمالی وزیرستان کے متاثرین کوعید منانے کے لیے ان کے گھروں میں واپس بھیجا جائے،سراج الحق کا کہنا تھا کہ جماعت اسلامی عید کے بعد عوامی ایجنڈا لے کرمیدان میں نکلے گی اور عوام کو بیدار کرے گی انہوں نے کہا کہ اس ملک میں چند لوگوں نے پورے ملک کو یرغمال بنا لیا ہے، بینکوں کو لوٹا سیاست و معیشت کو یرغمال بنایا، وہی چند وڈیرے ، نظام قرآن کا نظام نہیں آیا۔سراج الحق کا کہنا تھاکہ آئی ڈی پیز کا مسئلہ بھی ہمیں درپیش ہے۔
اوکاڑہ: وفاقی وزیر مملکت پانی و بجلی عابد شیر علی نےکہا ہے کہ عمران خان انکے ساتھ نندی پور چلیں اگر منصوبہ بند ہوا تو میں استعفی دے دوں گا ورنہ جھوٹا الزام لگانے پرعمران خان استعفی دیں۔
میڈیا سے گفتگو کرتے ہوئے عابد شیر علی نے کہا کہ وزیر اعظم میاں نوازشریف نے بجلی بحران پرملک میں ایمرجنسی نافذ کردی ہے، 200یونٹ تک بجلی کی سبسڈی ختم نہیں کی جا رہی، انہوں نے کہا کہ ماضی میں اس ملک میں رینٹل پاور کے نام پراربوں کی لوٹ مار کی گئی، پرویز الہی اور شیخ رشید سمیت تمام اپوزیشن افراد اپنی گلی کے کونسلر بھی اکٹھے نہیں کر سکتے، عابد شیر علی نے کہا کہ بجلی کی لوڈشیڈنگ کے خاتمے کا ٹائم فریم نہیں دے سکتا تاہم آنے والے دنوں میں بہتری ہوگی، انہوں نے کہا کہ نندی پور پاور پراجیکٹ بجلی پیدا کررہا ہے، عمران خان کسی وقت میرے ساتھ نندی پور چلیں اگر منصوبہ بند ہوا تو میں استعفی دے دوں گا نہیں تو وہ استعفی دے دیں۔
اسلام آباد : وفاقی وزیر عبدالقادر بلوچ کا کہنا ہےشمالی وزیر ستان میں آپریشن ضروری تھا،نقل مکانی کرنے والےہمارے محسن ہیں۔
وفاقی وزیر برائے مملکت جنرل ریٹائرڈ عبدالقادر بلوچ نے کراچی فیڈریشن ہاوس میں تاجروں سے گفتگو کرتے ہوئے کہا کہ آئی ڈی پیز کی رجسٹریشن کا عمل جاری ہے پوری قوم کو ملکر متاثرین کا بوجھ اٹھانا ہے،انہوں نے کہا کہ شمالی وزیر ستان میں فوجی آپریشن ضروری تھا، امن و امان کے بغیر ملک ترقی نہیں کرسکتا۔ آپریشن ضرب عضب میں ہم نے دہشت گردوں کی پناہ گاہیں ختم کی ہیں، کچھ فرار ضرور ہوئے ہوں گے۔
عبدالقادر بلوچ کاکہنا تھا کہ آئی ڈی پیز کو ایک لاکھ فین ، واٹر کولر، کپڑے اور ٹینٹ کی اشد ضرورت ہے،انہوں نے کہا کہ اس وقت فی خاندان 23 ہزار روپے ماہانہ فراہم کیا جارہا ہے ،جبکہ تباہ ہونے والے مکان کے مالک کو چار لاکھ روپے اور جزوی نقصان کے مالک کو دو لاکھ روپے دیے جائیں گے ،تمام عمل شفاف طریقے سے نادرا اور ایزی پیسہ کے تحت جاری ہے ۔
اسلام آباد : سکیورٹیز اینڈ ایکسچینج کمیشن ( ایس ای سی پی ) میں مالی سال 2013-14 میں 4587 کمپنیاں رجسٹر کیں ، اس طرح کمپنیوں کی رجسٹریشن میں 16 فیصد اضافہ ریکارڈ کیا گیا، مالی سال کے اختتام پر ملک میں کل رجسٹر ڈ کمپنیوں کی تعداد 64,067 ہو گئی ، ایس ای سی پی کے ترجمان کے مطابق کمپنی رجسٹریشن کے طریق کار کو آسان بنانے، سرمایہ کاروں میں شعور اجاگر کرنے کی مہم اور خاص طور پر حکومت کی جانب سے کارپوریٹ ٹیکس کی شرح میں کمی نے رجسٹریشن کی شرح بڑھانے میں اہم کرادار ادا کیا، گذشتہ سال سب سے زیادہ 543 کمپنیاں ٹریڈنگ کے شعبے میں رجسٹر ہوئیں جبکہ خدمات کے شعبے میں 518، سیاحت میں 421، انفارمیشن ٹیکنالوجی میں 366، تعمیرات کے شعبے میں 300، کارپوریٹ ایگری کلچر میں 195 سمیت مختلف شعبوں میں رجسٹر ہوئیں.
ایس ای سی پی کی جانب سے بیرونی سرمایہ کاروں اور غیر ملکی ڈائریکٹرز رکھنے والی کمپنیوں کی رجسٹریشن آسان بنانے کے باعث گذشتہ برس 220 میں 50 مختلف ممالک سے بیرونی سرمایہ کاری ہوئی جن میں چین، پانامہ، امریکہ، عراق، جرمنی، سپین، بلغاریہ، ڈنمارک، اردن، قطر، کویت، روس، سویڈن، ترکی، سوئزر لینڈ، برطانیہ اور متحدہ عرب امارات کے علاوہ دیگر ممالک شامل ہیں، بیرونی سرمایہ کاری رکھنے والی کمپنیوں نےزیادہ تر زراعت، فارمنگ، تعلیم، پاور جنریشن، رئیل سٹیٹ اور سیاحت کے شعبوںمیں سرمایہ کاری کی، اس سال سب سے زیادہ رجسٹریشن لاہورمیں ہوئی جہاں 1526 کمپنیوں نے رجسٹریشن حاصل کی جبکہ اسلام آباد میں 1251 اور کراچی میں 1087 کمپنیوں نے رجسٹریشن کرائی۔
اسلام آباد : آلو کی قیمت کو نیچےلانے کے لیے حکومت نے مزید ایک لاکھ ٹن آلو بغیر ڈیوٹی کے درآمد کرنے کی اجازت دے دی ہے۔
وزیرخزانہ اسحاق ڈار کی زیر صدارت اقتصادی رابطہ کمیٹی کے اجلاس میں کمیٹی نے اپریل میں بھی دو لاکھ ٹن آلو درآمد کرنےکی اجازت دی تھی تاہم آلو کی اسمگلنگ کےباعث اس کی قیمت نیچے لانے میں حکومت کامیاب نہیں ہوسکی، اب پھر درآمد کنندگان کو ڈیوٹی فری آلو پندرہ نومبر تک درآمد کرنے کی اجازت دے دی گئی ہے۔
اجلاس میں وزیر خزانہ نےدعوی کیا کہ رمضان میں دو ارب روپےکےریلف پیکج کےباعث اشیائےخورونوش کی قیمتوں میں استحکام ہے، اجلاس میں توارقی اسٹیل مل کو رعایتی قیمت پرگیس فراہم کرنےکا جائزہ لینےکے لیے ذیلی کمیٹی قائم کردی گئی، اجلاس میں بائیو ماس گیس سے چلنے والے پاور پلانٹس کی سمری پر نیپرا سے تفصیلی رپورٹ طلب کرلی گئی ہے۔
