یروشلم: نیتن یاہو کی فسطینی قیدیوں کو ہیرو کا لقب دینے پر تنقید

-

جنوری 3, 2014

حکومت نے گیس انفرااسٹرکچر ڈویلپمنٹ سرچارج میں اضافے کا فیصلہ کیا ہے۔
ذرائع کے مطابق حکومت نے فرٹیلائزرپرگیس انفراسٹرکچر ڈویلپمنٹ سرچارج ایک سو ستانوئے روپے سے بڑھا کر تین سو روپے ایم ایم بی ٹی یو کرنے کا فیصلہ کیا ہے۔

جبکہ صنعتی یونٹس پر جی آئی ڈی ایس پچاس روپے سے بڑھا کرسو روپے فی ایم ایم بی ٹی یو کرنے کا فیصلہ کیا ہے۔ لیوی میں اضافہ سے سالانہ سو سےایک سو بیس ارب روپے کی آمد ن ہو گی۔

دوہزار بارہ میں صنعتی سیکٹر کے لئے گیس سترہ فی صد مہنگی کی گئی جبکہ دیگر سیکٹرز کے لئے چودہ فی صد مہنگی کی گئی۔ اب حکومت نے گھریلو اور کمرشل سیکٹرز کے علاوہ مزید پانچ سیکٹرز پر انفراسٹرکچر ڈویلپمنٹ سرچارج نافذ کرنے کا فیصلہ کیا ہے۔

تمباکو مصنوعات پر ٹیکس لگاکر2سو ملین جانیں بچائی جاسکتی ہیں،ماہرین

کی طرف

-

جنوری 3, 2014

تمباکو کی مصنوعات پرعائد ٹیکسوں میں تین گنا اضافے سے دنیا بھر کے دوسو ملین افراد کی زندگیوں کو بچایا جاسکتا ہے۔

برطانوی طبی جریدے کے مطابق عالمی سطح پر تمباکو کی صنعت کو ہرسال پچاس بلین منافع مل رہا ہے جوکہ تمباکو نوشی سے ہونے والی ہر موت پر دس ہزار ڈالر کے مترادف ہے۔

رپورٹ کے مطابق تمباکو نوشی کی سستی برانڈز پر ٹیکس عائد کرنے سے جہاں قمیتوں کے درمیان فرق ختم ہو جائے گا تو وہیں تمباکو نوشی کرنے والے نوجوانوں کی حوصلہ شکنی بھی ہوسکے گی۔

زائد ٹیکسوں سے بالخصوص ترقی پذیر ممالک میں تمباکو نوشی کرنے والے افراد پر اس کے موثر اور دیرپا اثرات مرتب ہونگے، رپورٹ میں انکشاف کیا گیا ہے کہ عالمی سطح پر نوجوانوں کی نصف اور خواتین کی دس میں سے ایک فرد تمباکو نوشی کرتے ہیں۔

تمباکو نوشی کرنے والے افراد قبل از وقت موت کا شکار ہوجاتے ہیں، اسکی روک تھام سے دنیا بھر میں نوے فیصد لوگوں کی زندگیوں کو بچایا جانا ممکن ہے، یاد رہے کہ ترقی پذیرممالک میں نوجوانوں کی بڑی تعداد تمباکو نوشی میں مبتلا ہے، جن میں سے ایک نام پاکستان کا بھی ہے۔

انشورنس سیکٹر کے قواعد میں ترامیم کیلئے ایس ای سی پی کی تجاویز

کی طرف

-

جنوری 3, 2014

انشورنس سیکٹر کے قواعد 2002 ء میں متعدد ترامیم تجویزسکیورٹیز اینڈ ایکسچینج کمیشن(ایس ای سی پی )نے ملک میں بیمہ کاری کی صنعت کے فروغ اور پالیسی ہولڈروں کے سرمائے کے تحفظ کے پیش نظرانشورنس سیکٹر کے قواعد 2002ء میں متعدد ترامیم تجویز کردی ہیں۔

یہ ترامیم انشورنس سروئیرز کے لائسنس اور رجسٹریشن سے متعلق ہیں ،ایس ای سی پی حکام کے مطابق ان ترامیم میں دلچسپی رکھنے والے افراد اورانشورنس کمپنیاں تجویز کردہ ترامیم پر اپنی آراء تیس دن کے اندر ایس ای سی پی کو جمع کروا سکتے ہیں۔

مجوزہ ترامیم جائزہ کے لئے ایس ای سی پی کی ویب سائٹ پر جاری کی گئی ہیں،ایس ای سی پی کی جانب سے اس امید کا اظہار کیا گیا ہے کہ مجوزہ ترامیم ملک میں انشورنس کی صنعت کے فروغ میں معاون ثابت ہوں گی۔

سترہ ممالک کے پانچ کروڑ جنگ زدہ افراد امداد کے منتظر

کی طرف

-

جنوری 3, 2014

اقوام متحدہ کے مطابق دنیا کے سترہ ممالک میں خانہ جنگی کے باعث پانچ کروڑ سے زائد افراد فوری ہنگامی امداد کے منتظر ہیں۔

دنیا بھر میں انسانیت بحران کا شکار ہے، اقوام متحدہ کی ایمرجنسی ریلیف کوآرڈینیٹر ویلری اموس نے میڈیا پریفنگ دیتے ہوئے کہا کہ پچاس کروڑ سے زائد افراد کی فوری امداد کے بارہ ارب ڈالر سے زائد امداد درکار ہے۔

آٹھ لاکھ افراد متاثرہ علاقوں سے نقل مکانی کرچکے ہیں، پانچ لاکھ سے زائد افراد فاقہ کشی پر مجبور ہیں، رواں سال شام ، جنوبی سوڈان اور وسط افریقی ممالک میں عوام سنگین صورتحال سے دوچار رہے۔

سگار نوشی کے باعث پرویز مشرف کی شریانیں بند ہوئی،میڈیکل رپورٹ

کی طرف

-

جنوری 3, 2014

ڈاکٹرز نے مشرف کی صحت سے متعلق میڈیکل رپورٹ جاری کردی، میڈیکل رپورٹ کے مطابق سگار نوشی کے شوق نے پرویز مشرف کی شریانیں بند کردیں۔

پرویز مشرف کی آئی ٹاپ رپورٹ آگئی ہے، جس کے مطابق پرویز مشرف کی متعدد شریانیں بند ہوگئی ہیں، راولپنڈی میں زیر علاج سابق صدر اور آرمی چیف پرویز مشرف کو سگار نوشی کی عادت نے دل کا مریض بنا دیا۔

اسپتال ذرائع کے مطابق جسمانی ورزش نہ کرنے اور سگار نوشی کرنے کے باعث یہ صورتحال پیدا ہوئی ،اسپتال میں داخل مشرف نے تین بار بات کرنے کی کوشش کی مگر ڈاکٹروں نے انہیں روک دیا۔

پھلوں، سبزیوں، چاول اورسمندری خوراک کی برآمدات میں اضافہ

کی طرف

-

جنوری 3, 2014

رواں مالی سال 2013-14ء کے 5 ماہ(جولائی تا نومبر 2013ء )کے دوران پھلوں، سبزیوں، چاول اور سمندری خوراک کی برآمدات میں نمایاں اضافہ ریکارڈ کیا گیا۔

پاکستان ادارہ شماریات (پی بی ایس)کے جاری کردہ اعداد و شمار کے مطابق جولائی سے نومبر 2013ء کے دوران چاول کی برآمدات 17.76فیصد اضافہ کے ساتھ 68 کروڑ 17 لاکھ ڈالر مالیت رہی جو گذشتہ مالی سال کے اسی عرصہ کے دوران 57 کروڑ 89لاکھ ڈالر رہی تھی ۔

مالی سال کے 5 ماہ کے دوران سمندری خوراک کی برآمدات 14 کروڑ 61 لاکھ ڈالر سے تجاوز کر گئی جو گذشتہ سال کی اسی مدت کے دوران 12 کروڑ 63 لاکھ ڈالر کے مقابلہ میں 12 فیصد زائد ہے، مذکورہ بالا عرصہ کے دوران گذشتہ مالی سال کے مقابلہ میں 39 فیصد اضافہ ریکارڈ کیا گیا۔

سابق صدر مشرف کی بیماری، پیپلزپارٹی اورایم کیو ایم آمنے سامنے

کی طرف

-

جنوری 3, 2014

پرویز مشرف کی بیماری کا معاملہ بنا لیکن ایم کیو ایم اور پیپلز پارٹی میں ٹھن گئی، پیپلز پارٹی نے ایم کیو ایم کی تنقید کی پُر زور مذمت کردی، قمر زمان کائرہ نے ایم کیو ایم سے وضاحت طلب کرلی۔

غداری کیس کے ملزم پرویز مشرف کیا بیمار پڑے، سیاسی جماعتوں میں کھلبلی مچ گئی، پیپلز پارٹی کے چیئرمین بلاول بھٹو زرداری کا بیان مشرف کی پیشی پر بھی بازی لے گیا۔

ایم کیوایم کی جانب سے سخت تنقید کی گئی تو پیپلز پارٹی نے مذمت کردی اور ساتھ ہی یہ بھی بتا دیا کہ آصف زرداری نے گیارہ سال جیل کی سختیاں بہادری سے برداشت کیں لیکن حاکم وقت کے سامنے سر نہیں جھکایا۔

وہیں قمر زمان کائرہ نے ایم کیو ایم سے وضاحت مانگ لی ہے کہ ایم کیو ایم پرویز مشرف کے ساتھ ہے، یا بلاول اور آصف زرداری کے خلاف ہے یا کوئی پوائنٹ اسکورننگ کی جارہی ہے۔

قمر زمان کائرہ کا کہنا تھا کہ ڈکٹیٹر کو اس کے کئے کی سزا ملنی چاہیے۔ پیپلز پارٹی کا کہنا ہے کہ کیس ایک آمر کیخلاف ہے، اس میں سیاسی جماعتوں کو آپس میں نہیں الجھنا چاہئے۔

کراچی: قانون نافذ کرنے والے ادارے متحرک، 7ملزم گرفتار

کی طرف

-

جنوری 3, 2014

کراچی کے علاقے پٹھان کالونی میں سی پی ایل سی ، پولیس اور رینجرز نے مشترکہ کاروائی کرکے آٹھ سالہ مغوی بچہ بازیاب اور دو اغواء کار گرفتار کرلئے، بلدیہ ٹاوٴن کے علاقے سیکٹر فائیو جے میں رینجرز نے گینگ وار کے پانچ ملزمان کو گرفتار کرلیا۔

کراچی کے علاقے اورنگی ٹاوٴن کی پٹھان کالونی میں سی پی ایل سی، پولیس اور رینجرز نے مشترکہ کاروائی کرتے ہوئے ایک گھر پر چھاپہ مار کر آٹھ سالہ مغوی بچے عرفان اللہ کو بازیاب کرالیا۔

سی پی ایل سی کے چیف احمد چنائے کے مطابق کاروائی کے دوران دو اغواء کاروں کو بھی گرفتارکئے گئے، جن میں ایک عزیز اللہ نامی ملزم بھی شامل ہے جو مغوی بچے کا پڑوسی ہے، آٹھ سالہ عرفان اللہ کو بائیس دسمبر دوہزار تیرہ کو خواجہ اجمیر نگری کے علاقے سے اغواء کیا گیا تھا۔

بچے کی بازیابی کے لئے اغواء کاروں نے ایک کروڑ روپے تاوان طلب کیا گیا اور معاملات دس لاکھ روپے پر طے پائے تاہم انٹیلی جنس معلومات کی بنیاد پر رقم کے لین سے قبل ہی چھاپہ مار کر بچے کو باحفاظت بازیاب کرالیا گیا ہے اور گرفتار اغواء کاروں سے مزید تفتیش جاری ہے۔

دوسری جانب بلدیہ ٹاوٴن کے علاقے سیکٹر فائیو جے میں رینجرز نے گینگ وار کے ملزمان کی گرفتاری کے لئے چھاپہ مارا، جہاں ملزمان نے فائرنگ کردی، جوابی فائرنگ کے بعد ایک زخمی ملزم سمیت پانچ ملزمان کو گرفتار کرلیا گیا، جن کے قبضے سے ایک ٹی ٹی پستول اور دو نائن ایم ایم پستول بر آمد ہوئے ۔

ٹریکٹروں کی پیداوار اور فروخت میں نمایاں اضافہ

کی طرف

-

جنوری 3, 2014