تحریک انصاف کے چئیرمین عمران خان نے کہا ہےکہ جب تک خیبرپختونخوا میں بلدیاتی الیکشن کے حوالے سے تمام سیاسی جماعتوں کے خدشات دور کیے جائیں گے، امن کے بغیر ملک میں خوشحالی نہیں آسکتی۔

پشاور میں پریس کانفرنس کرتے ہوئے تحریک انصاف کے چئیرمین عمران خان کا کہنا تھا کہ صوبے میں بلدیاتی الیکشن کو شفاف بنانے کیلئے الیکشن عدلیہ کی نگرانی میں کرائے جائیں گے اور تمام سیاسی جماعتوں کے خدشات دور کیے جائیں گے۔

عمران خان کا کہنا تھا کہ پارلیمنٹ متفقہ طور پر قرارداد منظور کر چکی ہے کہ ڈرون حملوں کی صورت میں نیٹو سپلائی بند کردی جائے، تحریک انصاف کے چئیرمین کا مزید کہنا تھا کہ جب تک ملک میں امن قائم نہیں ہوتا اقتصادی خوشحالی نہیں آسکتی کیونکہ امن کے بغیر پاکستان میں کوئی سرمایہ کاری نہیں کرے گا۔

بلاول بھٹو زرداری نے لاڑکانہ سے انتخاب لڑنے کا فیصلہ کرلیا، این اے دو سو چار سے منتخب ہونے والے پیپلزپارٹی کے رہنما ایاز سومرو نے استعفیٰ دے دیا، ایاز سومرو کو وزیراعلیٰ سندھ کا مشیر قانون بنائے جانے کا امکان ہے۔

بلاول بھٹو زرداری نے لاڑکانہ میں این اے دو سو چار سے انتخاب لڑنے کا فیصلہ کرلیا، ذوالفقار بھٹو، بیگم نصرت بھٹو اور بے نظیر بھٹو این اے دو سو چار لاڑکانہ سے کامیاب ہوتے رہے ہیں۔

بلاول بھٹو این اے دو سو چار سے این اے دو سو چار سے پیپلزپارٹی کے ایاز سومرو منتخب ہوئے تھے، ایاز سومرو نے اپنا استعفیٰ پارٹی قیادت کے حوالے کردیا، ایاز سومرو کا کہنا ہے کہ بلاول بھٹو زرداری پر ایسی ہزاروں نشستیں قربان کرسکتے ہیں۔

ایاز سومرو نے ایک ماہ پہلے استعفیٰ دیا تھا جبکہ ایاز سومرو کو وزیراعلیٰ سندھ قائم علی شاہ کا مشیر قانون بنانے کا فیصلہ کرلیا گیا۔

چمن پر پاک افغان سرحد سے ملحقہ افغان علاقے میں افغان فورسز کے قافلے پرخود کش حملے میں پانچ افراد جاں بحق ہوگئے۔

چمن کے قریب پاک افغان سرحد سے ملحقہ افغان تجارتی مرکز ویش منڈی اُس وقت خوفناک دھماکے سے گونج اُٹھی، جب افغان فورسز کے قافلے پر خودکش حملہ ہوا۔

بتایا جاتا ہے کہ خود کش بمبار نے ہاتھ میں ٹوپیاں بھیجنے والے شخص کا روپ دھار رکھا تھا، افغان پولیس کمانڈر کے مطابق دھماکے میں متعدد افراد زخمی بھی ہوئے۔

دھماکے کے فوری بعد نیٹو اور افغان فورسز نے علاقے کو محاصرے میں لے کر ہلاک وزخمیوں کوقریبی شفاخانے اور ڈسٹرکٹ ہیڈ کواٹر اسپین بولدک اسپتال منتقل کیا جبکہ سرحد پر سیکورٹی ہائی الرٹ کردی گئی۔