کرسمس کے دن لوزیانا میں ایک گشتی گھر میں آگ لگنے سے تین بچے ہلاک ہو گئے، بچوں کا باپ انہیں بچاتے ہوئے بری طرح جھلس گیا۔

لوزیانا کے حکام کے مطابق حادثہ کرسمس کے دن سخت سرد موسم کے دوران ہیٹر کے استعمال کی وجہ سے ہوسکتا ہے، اس حوالے مزید تفتیش جاری ہے، آگ لگنے کے بعد تینوں بچوں کو بچاتے ہوئے بچوں کا باپ بری طرح آگ سے بری طرح جھلس گیا۔

جسے طبی امداد کے لئے بیٹن روج جنرل ہسپتال منتقل کر دیا گیا، جہاں اسے طبی امداد دی جارہی ہے، ہلاک ہونے والے بچوں کی عمریں دس سے بارہ ہیں۔
   

تھائی لینڈ میں ہزاروں افراد نے حکومت کے خلاف مظاہرہ کیا، مظاہرین نے وزیر اعظم شیناوترا کے برطرف ہونے کا مطالبہ کر دیا۔

تھائی حکومت کی جانب مظاہروں پرعائد پابندی میں مزید دو ماہ کی توسیع کردی گئی ہے، مظاہروں پرعائد پابندی کے باوجود ہزاروں مظاہرین نے حکومت کے خلاف احتجاج کرتے ہوئے آئندہ انتخابات کے لیے جاری مہم پر دھاوا بولنے کی کوشش کی۔

پولیس نے مظاہرین کو منتشر کرنے کے لیے آنسو گیس کا استعمال کیا، وزیراعظم شیناوترا کو عوامی مخالفت کا سامنا ہے، رواں ماہ اس سے قبل ملک میں جاری پرتشدد مظاہروں کے نتیجے میں پانچ افراد ہلاک دو سو زائد زخمی ہوئے تھے۔

امریکہ اور کینیڈا کی کئی میں ریاستوں شدید سردی اور برفباری باعث نظام زندگی مفلوج اور ہلاکتوں کی تعداد پچیس ہوگئی، ڈیڑھ لاکھ سے زائد افراد تاحال بجلی سے محروم ہیں۔

امریکا اورکینیڈا میں شدید سردی اور برفباری کے باعث مختلف ریاستوں میں ہزاروں افراد کرسمس گھروں میں منانے پر مجبور رہے، امریکہ میں طوفانی برفباری کے نتیجے میں پندرہ جبکہ میں کینیڈا میں دس افراد ہلاک ہوگئے۔

برفباری میں اضافے کے باعث امدادی ٹیموں کو کاروائیوں میں دشواری کا سامنا ہے، کینیڈا میں بھی ایک لاکھ ساٹھ ہزار سے زائد افراد بجلی سے محروم ہیں، متاثرہ ریاستوں میں درجہ حرارت منفی پندرہ سینٹی گریڈ ریکارڈ کیا گیا ہے، محکمہ موسمیات کی جانب سے آئندہ ہفتے میں مزید برفباری کا امکان ہے۔
   

یوکرائن میں حزب اختلاف کی جانب سے حکومت کے خلاف جاری مظاہروں کے دوران خاتون صحافی پر وحشیانہ حملے کی پر زور مذمت کی گئی۔

یوکرائن کے دارالحکومت میں جاری حکومت مخالف مظاہروں، کرپشن اور تحقیقات کرنے پر نامعلوم افراد کیجانب سے خاتون صحافی کو شدید زخمی کر دیا، جسے زخمی حالت میں اسپتال منتقل کر دیا گیا ہے، جہاں اسے انتہائی نگہداشت میں طبی امداد دی جا رہی ہے۔

مظاہرین نے واقعے کے خلاف شدید احتجاج اور مظاہرہ کیا، دارالحکومت میں مظاہرین کا حکومت کے خلاف مسلسل احتجاج جاری ہے، مظاہرین کا مطالبہ ہے کہ حکومت روس کے ساتھ اقتصادی تعلقات قائم کرے، صدر وکٹر یانوکووچ حکومت سے مستعفی ہوں اور حکومت یورپی یونین سے تجارتی معاہدہ نہ کرے۔