چار حلقوں میں انگوٹھوں کی تصدیق کا معاملے نے اداروں میں کھلبلی مچ گئی ہیں، الیکشن کمیشن نے نادرا کا بوجھ اٹھانے سے انکار کردیا  تو وزیر داخلہ کا اصرار ہے کہ الیکشن کمیشن یہ کام کرے، ان کے اختیارات بھی لے لے۔

وزیر داخلہ کا اصرار ہے کہ ووٹرز کے انگوٹھوں کی تصدیق الیکشن کمیشن آف پاکستان کرے، اس کام کیلئے وزرات داخلہ کے اختیارات بھی لے لے لیکن الیکشن کمیشن نے بھی کانوں کو ہاتھ لگا لیا، ایڈیشنل سیکریٹری شیر افگن کا کہنا ہیں کہ آئین کے تحت تمام انتظامی ادارے الیکشن کمیشن سے تعاون کے پابند ہے لیکن نادرا کا کنٹرول نہیں سنبھال سکتے۔

ادارے چلانا الیکشن کمیشن کا مینڈیٹ نہیں، شیرافگن کا کہنا ہے کہ الیکشن کمیشن نے بھی انگوٹھوں کی تصدیق نادرا سے کرانا ہے، کیونکہ یہ اسہی کا کام ہے، ایڈیشنل سیکریٹری کا کہنا ہے کہ انتخابات کے بعد الیکشن ٹریبونل کا کام شروع ہوتا ہے تاہم سپریم کورٹ سے احکامات ملے تو اسکی روشنی میں مستقبل کا لائحہ عمل طے کیا جائے گا۔

وزیراعظم ہاﺅس میں وزیراعظم  نوازشریف سے پرنس کریم آغا خان کی ملاقات ہوئی، ملاقات کے دوران بات چیت کرتے ہوئے وزیراعظم  نوازشریف نے کہا ہے کہ آغا خان ڈویلپمنٹ نیٹ ورک دیگر تنظیموں کیلئے ایک ماڈل کی حیثیت رکھتا ہے، جو جدید اور سائنسی انداز میں اپنے منصوبے تیار اور ان پر عمل درآمد کرتا ہے۔

وزیراعظم کا کہنا تھا کہ پاکستان میں سرمایہ کاری کے بڑے مواقع ہیں اور ہمارا ملک توانائی کے منصوبوں میں سرمایہ کاری کی دعوت دیتا ہے، جس سے نہ صرف پاکستان اپنے توانائی کے بحران پر قابو پاسکے گا بلکہ پیداواری سرگرمیوں، روزگار، محصولات میں اضافہ اور خدمات کی فراہمی میں حکومتی صلاحیت میں اضافہ سے معیشت پر مثبت اثرات مرتب ہوں گے۔

ملاقات کے دوران افرادی قوت کی تربیت اور پاکستانی نوجوانوں کیلئے اعلی تعلیمی مواقع کا بھی جائزہ لیا گیا، وزیراعظم نے پرنس کریم آغا خان کو گلگت بلتستان سمیت پاکستان کے شمالی علاقہ جات میں گورننس اصلاحات سے متعلق بھی آگاہ کیا۔

پاکستان سے وفاداری کے جرم میں ملا عبدالقادر کی پھانسی پر اظہار تشویش کی قرارداد قومی اسمبلی میں کثرت رائے سے منظور کرلی گئی، پیپلز پارٹی، اے این پی اور ایم کیوایم نے قرارداد کی حمایت نہیں کی۔

قومی اسمبلی میں اظہار تشویش کی قرارداد شیر اکبر خان نے پیش کی، قرارداد میں بنگلہ دیش کی حکومت سے مطالبہ کیا گیا کہ جماعت اسلامی کے رہنماوں پر دائر مقدمات ختم کئے جائیں اور بنگلادیش حکومت سنہ انیس سو اکہتر کے معمولات کو دوبارہ زندہ نہ کرے، سنہ انیس سو اکہتر میں پاکستان کا ساتھ دینے پر عبدالقادر ملا کو سزائے موت دینا قابل تشویش ہے۔

پیپلز پارٹی نے قرار داد کی مخالفت کی، اپنے خطاب میں وزیر داخلہ چودھری نثار علی خان کا کہنا تھا کہ عبدالقادر ملا کی پھانسی پر ہر پاکستانی کو دکھ اور افسوس ہوا، ماضی کے پرانے زخموں کو پھر سے ہرا کرنے کی کوشش کی گئی، عبدالقادر ملا آخری دم تک پاکستان کے حمایتی رہے، ملا عبدالقادرکی پھانسی عدالتی قتل ہے۔

وزیر داخلہ  نے کہا کہ بنگلہ دیش کی جماعت اسلامی اور عوام سے دکھ کا اظہار کرتا ہوں، انہوں نے کہا کہ ملا عبدالقادر سولہ دسمبر انیس سو اکہتر تک پاکستان سے وفادار تھے، ایوان کی متفقہ قرارداد سے اچھا پیغام جائے گا۔
   

فل کورٹ ریفرنس کی فوٹیج چوری کیس میں انکوائری آفیسر نے صدر پریس ایسوسی ایشن، چیئرمین پیمرا اور ایس پی سیکیورٹی کو نوٹس جاری کردیا۔

سپریم کورٹ کی انکوائری کمیٹی نے فل کورٹ ریفرنس کی فوٹیج چوری کے معاملے پر چیئرمین پیمرا، اسلام آباد پولیس اور صدر پریس ایسوسی ایشن کو نوٹسز جاری کر دیئے ہیں، پیمرا کو ایک نجی ٹی وی چینل پر چلنے والی فوٹیج  اور ایس پی سیکیورٹی کو سی سی ٹی وی فوٹیج فراہم کرنے کی ہدایت بھی کی ہے۔

انکوائری آفیسر نے پریس ایسوسی ایشن کو اپنا بیان ریکارڈ کروانے کی ہدایت کی ہیں، چیف جسٹس تصدق حسین جیلانی نے سابق چیف جسٹس افتخار محمد چوہدری کے اعزاز میں فل کورٹ ریفرنس کی فوٹیج چوری کا ازخود نوٹس لیتے ہوئے تحقیقات کیلئے ایڈیشنل رجسٹرار محمد علی کو انکوائری آفیسر مقرر کیا تھا۔