پاکستان تحریک انصاف کی رہنما ڈاکٹر شیریں مزاری نے کہا ہے کہ انسداد پولیو مہم میں شرکت کی وجہ سے عمران خان کو انصارالمجاہدین نامی تنظیم کی جانب سے دھمکیاں دی جا رہی ہیں۔

                اے آر وائی نیوز سے گفتگو میں ڈاکٹر شیریں مزاری کا کہنا تھا کہ عمران خان کو انسداد پولیو مہم کی حمایت کی وجہ سے دھمکیاں دی جا رہی ہیں۔ عمران خان کو دھمکیاں انصارالمجاہدین کی طرف سے دی جارہی ہیں۔

شیریں مزاری کا کہنا تھا کہ عمران خان ایک نڈر لیڈر ہیں اور انسداد پولیس مہم جاری رہے گی، امید ہے کہ حکومت عمران خان کو مناسب سیکورٹی فراہم کرے گی۔

مبشر لقمان کے پروگرام کھرا سچ میں انکشافات کا سلسلہ جاری ہے، پرویز مشرف کے وکیل بیرسٹر سیف کا کہنا ہے کہ آرٹیکل چھ کے تحت سیاسی ڈرامہ کھیلا جارہا ہے، جس سے پرویز مشرف کلین چٹ لے کر نکلیں گے۔

مبشر لقمان کے پروگرام کھرا سچ میں اظہار خیال کرتے ہوئے مشرف کے وکیل بیرسٹر سیف کا کہنا تھا کہ عدلیہ بحالی کیس مین ڈبل گیم چل رہی تھی، انکا کہنا تھا کہ افتخار چودھری نے پانچ مقدمات کے فیصلے کئے،جن میں ریفرنڈم سمیت اقدمات کو تسلیم کیا گیا، احمد رضا قصوری نے کہا کہ ہم نے فیصلے کرلئےہیں، وقت آنے پر ظاہر کریں گے،انھوں نے کہا کہ وہ کیس فرنٹ فٹ پر کھیلیں گے اور اس میں عالمی میڈیا بھی موجود ہوگا۔

سیف بیرسٹر سیف نے انکشاف کیا کہ انہیں کہا گیا تھا کہ وہ مشرف سے کہیں کہ وہ بیرون ملک چلے جائیں، انکا کہنا تھا کہ ارسلان افتخار کے خلاف کیس کیانی کے دور میں سامنے آیا ،بیرسٹر سیف کا کہنا تھا کہ انہیں موجودہ ججوں پر اعتماد نہیں ہے،پروگرام کے میزبان مبشر لقمان نے کہا کہ مشرف کے خلاف مقدمہ چلے گا تو سابق آرمی چیف جنرل ریٹائرڈ کیانی پر بھی مقدمہ چلے گا۔

نادرا کو الیکشن کمیشن کے تحت دینے سے متعلق وزرات داخلہ کا خط الیکشن کمیشن کوموصول ہوگیا ہے۔

     الیکشن کمیشن نے خط ملنے کی تصدیق کردی ایڈیشنل سیکرٹری الیکشن کمیشن شیر افگن نے خط ملنے کی تصدیق کرتے ہوئے کہا ہے کہ خط کا جائزہ لیا جارہا ہے، انہوں نے بتایا کہ خیبرپختونخوا میں بائیومیڑک سسٹم کے لئے پائلٹ پروجیکٹ شروع کرنے کا فیصلہ کرلیا گیا ہے تجرباتی طور پر 4 پولنگ اسٹیشنز میں بائیومیٹرک نظام کی مشق کی جائے گی۔

 ان کا کہنا تھا کہ عام انتخابات میں مقناطیسی سیاہی استعمال کی گئی، تاہم کاونٹر فائل پر عام سیاہی استعمال کی گئی تھی، شیر افگن نے بتایا کہ بلدیاتی انتخابات میں معیاری عام سیاسی استعمال کی جائے گی اور اس سیاہی کی منظوری بھی پی سی ایس آئی آر اور نادرا کی مشاورت سے دی گئی ہے، اس سے انگوٹھوں کے نشانات کی تصدیق کی جاسکتی ہے
    
    

  
    پیپلزپارٹی کے رینما سینیٹر اعتزاز احسن کہتے ہیں کہ ہم شائستہ پارلیمانی زبان میں بات کرتے ہیں، تماشا ، ڈراما جیسے الفاظ استعمال نہیں کرتے۔

    سینیٹ میں تقریر کے دوران چوہدری اعتزاز احسن کا کہنا تھا کہ وزرا کو یہ بات سمجھنی ہو گی کی یکطرفہ تبرا نہیں چلے گا، ان کا کہنا تھا کہ مسلم لیگ نواز غریبوں کی جماعت نہیں، سیٹھوں اور مل اونرز کی جماعت ہے۔

 سینیٹر اعتزازاحسن کا کہنا تھا کہ نئی حکومت نے صرف ایک پراجیکٹ میں اٹھارہ ارب روپے کا گھپلا کیا، ان کا مزید کہنا تھا کہ یوتھ لون اسکیم کا مقصد بہت اچھا لیکن اس کی سربراہی مریم نواز کو دی گئی  کیا ملک میں کوئی اقتصادی ماہر یا بینکار نہیں۔
    
    

راولپنڈی گریسی لائن خودکش حملے کی تحقیقات جاری ہے،حملہ آور کا سر سرجری کے لئے اسپتال منتقل کر دیا گیا،وزیراعلی پنجاب نے جاں بحق اہلکاروں کے لواحقین کے لئے ایک ایک کروڑ روپے امدادکا اعلان کیا ہے۔

    گریسی لائن خودکش حملےکامقدمہ نئے ایس ایچ او کی مدعیت میں تھانہ اےئر پورٹ میں درج کر لیا گیا جس میں دہشتگردی ، قتل اقدام قتل کی دفعات بھی شامل ہیں،گریسی لائن خود کش حملے میں دو پولیس اہلکاروں سمیت چار افراد جاں بحق اور سترہ زخمی ہوئے تھے، زخمیوں کو بے نظیر اسپتال میں طبی امداد دی گئی۔

ذرائع کے مطابق زخمیوں میں سےچار کی حالت تشویشناک بتائی جارہی ہے، پولیس کی جانب سے واقعےکی تحقیقات کے لئے خصوصی کمیٹیاں بھی قائم کر دی گئی ہیں، ذرائع کے مطابق خود کش حملہ آور کے سر کی سرجری کے لئے اسپتال منتقل کر دیا گیا ہے جبکہ جسمانی اعضاء کے نمونے ڈی این اے ٹیسٹ کے لئے بھجوا دئیے گئے ہیں۔
 
نادرا کی ٹیم خود کش حملہ آور کی شناخت کے لئے پولیس کی معاونت کر رہی ہے۔دوسری جانب وزیر اعلی پنجاب میاں شہباز شریف نے جاں بحق ہونے والے پولیس اہلکاروں کے لواحقین کے لئے ایک ایک کروڑ روپے کی امدادی رقم سمیت گھر دینے کا اعلان کیا ہے۔
    

    راولپنڈی دھماکے کے بعد اسلام آباد میں سیکیورٹی ہائی الرٹ کردی گئی ہے۔

    پولیس ذرائع کے مطابق گزشتہ روز راولپنڈی میں ہونے والے خود کش بم دھماکے کے بعد وفاقی دارلحکومت اسلام آباد میں تمام اہم امام بارگاہوں اورمساجد پرسکیورٹی بڑھا دی گئی ہے، چہلم امام حسین پرآرمی اسٹینڈبائی رہے گی جبکہ پولیس کے تین ہزاراہلکارتعینات ہونگے۔