ترکی میں حکومت کی جانب سے انٹر نیٹ کے استعمال پر محدود پابندیاں عائد کرنے کے خلاف عوام سراپا احتجاج بن گئے۔

انٹرنیٹ کےاستعمال پرمحدودپابندیاں عائدکرنےکا بل ترک پارلیمنٹ میں بحث کے لئے پیش کردیا گیا۔ حکومت کیجانب سے مجوزہ بل میں کہا گیا ہےکہ انٹرنیٹ کے استعمال پر محدود پابندی کا مقصد نوعمر بچوں کو اس کے مضر اثرات سے محفوظ رکھنا ہے تاہم ترک عوام نے حکومت کی اس دلیل کو رد کرتے ہوئے مجوزہ بل کے خلاف شدید احتجاج شروع کر دیا ہے۔

استنبول کے مشہور تقسیم اسکوائر پر ترک نوجوانوں کا جم غفیر حکومت کے اس فیصلے کےخلاف جمع ہوگیا اور شدید احتجاج کیا۔

احتجاج کے دوران مظاہرین نے پلےکارڈزاٹھارکھےتھے۔ مظاہرین کومنتشرکرنےکیلئے پولیس نے آنسوگیس کےشیل فائرکئے اورلاٹھی چارج کیاجس میں متعددمظاہرین زخمی ہوگئے جنہیں قریبی اسپتال منتقل کر دیا گیاہے۔
   

شامی اپوزیشن جماعتوں نے سوئٹزر لینڈ میں ہونے والی امن کانفرنس میں شرکت کے لئے رضامندی ظاہر کردی۔

جینیوا ٹوکے نام سے ہونیوالے امن مذاکرات کو شام میں تین سال سے جاری خانہ جنگی ختم کرنے کیلئے پہلی بار سنجیدہ بین الاقوامی کوشش قرار دیا جارہا ہے۔

ترکی میں موجود شامی اتحاد کے رہنما احمد جاربا کا کہنا تھا کہ امن کی بحالی کے لئے ہر ممکن کوشش کی جائیگی۔

شام میں تین سال سے جاری خانہ جنگی میں تاحال ایک لاکھ سےزائد افراد جاں بحق جبکہ پچاس لاکھ سےزائدافراد بے گھر ہو چکے ہیں اور مختلف پڑوسی ممالک میں پناہ گزین ہیں۔
   

ہانگ کانگ میں گھریلو ملازمہ پر مبینہ تشدد کے معاملے کی پولیس نے تحقیقات شروع کر دیں۔

ملک کے وسطی صوبےجاوامیں ایک تیئس سالہ گھریلو ملازمہ کو سخت تشددکیاگیاجسے شدید زخمی حالت میں اسپتال لایا گیا۔

لڑکی کے والد کا صحافیوں کیساتھ بات کرتےہوئےکہناتھاکہ وہ اپنی بیٹی پرہونیوالے تشدد کیخلاف انصاف چاہتے ہیں۔ اسپتال ذرائع کا کہنا ہے کہ لڑکی کے چہرے ، ٹانگوں اور بازوؤں پرشدید تشدد کیا گیا ہے۔
 

بھارتی صدر پرناب مکھر جی نے نئی دہلی ایوان صدر میں سال دو ہزار چودہ کے لئے پہلی قومی پولیو امیونائزیشن پروگرام کا آغازکر دیا۔

نئی دہلی میں پہلی قومی پولیو مائرکشن پروگرام کے موقع پر منعقدہ تقریب میں بھارتی صدرپرناب مکھرجی کےعلاوہ وزیرصحت غلام نبی آزادنے بھی شرکت کی۔وزیرصحت غلام نبی نےکہاکہ پہلی قومی پولیومائرکشن پروگرام سےشروع کرنے سے ہمیں حوصلہ افزائی ملی۔

پروگرام شروع کرنے کے لئے تقریبا تیئس لاکھ کارکن اور رضاکار سترہ کڑور بچوں کو حفاظتی قطرے پیلانے کا کام انجام دینگے اوریہ مفت اعلان ہوگا۔ ان کا مزید کہنا تھا کہ دو ہزار گیارہ میں بھارت کے مغربی بنگال کے مشرقی ریاست میں دو سالہ بچی میں اس وائرس کا پتہ چلا تھا۔ اب اس پروگرام کے شروع ہو جانے سے اس وائرس کو ملک سے تین سال کے اندر ختم کیا جاسکتا ہے۔

یمن میں ایرانی سفارت کارکواغوا کرنےکی کوشش میں مزاحمت پر اغوا کار کی فائرنگ سے سفارتکار جاں بحق ہوگئے۔

یمن میں مقیم ایرانی سفارتکار کو رہائش گاہ کے قریب مسلح افراد کی جانب سے اغوا کرنے کی کوشش کی گئی، سفارتکار کی مزاحمت پر اغوا کاروں کی فائرنگ کے نتیجے میں شدید زخمی ہوگئے۔فائرنگ کے بعداغوا کار موقعے سے فرار ہوگئے۔

سفارتکار کو فوری طور پر قریبی اسپتال منتقل کیا گیا تاہم وہ جانبر نہ ہوسکے۔ یمنی حکام کے مطابق کسی گروپ کی جانب سے ذمہ داری قبول نہیں کی گئی۔ یمن میں غیر ملکی سفارتکاروں کو اغوا کرنے کے واقعات میں اضافہ ہو رہا ہے، دہشتگردسفارتکاروں کے اغوا کے بعد جیل میں قید ساتھیوں کی رہائی کا مطالبہ کرتے ہیں۔
   

مصر میں نئے آئین کی تشکیل کے لئے منعقدہ ریفرنڈم کے نتائج کا اعلان کردیا گیا۔ سرکاری نتائج کے مطابق اٹھانوے فیصد مصری عوام نے نئے آئین کی تشکیل کو مصر کے مستقبل کےلئے خوش آئند قرار دے دیا۔

مصر میں سپریم الیکشن کمیٹی کیجانب سے جاری شدہ ریفرنڈم کے نتائج کےمطابق اٹھانوے فیصد مصری عوام ملک میں نئےآئین کے نفاذ کے حق میں ہیں اور حکومت کے ساتھ ہیں۔

اس موقع پر سپریم الیکشن کمیٹی کے سربراہ نبیل سلیب کا کہنا تھا کہ ریفرنڈم نہایت کامیاب رہا جس میں دو کروڑ سے زائد مصریوں نے حق رائے دہی استعمال کیا جو مصر کی آبادی کا اڑتیس اعشاریہ چھ فیصدہیں۔

مصر میں گذشتہ برس جولائی میں محمد مرسی کی حکومت کےخاتمےکے بعد سے مصر کی سابق حکمران جماعت اخوان المسلمون پر اس کی سرگرمیوں پر مکمل پابندی عائد ہے۔

شدید برفباری، خون جما دینے والی سردی اور یخ ٹھنڈے پانی کے تصور سے ہی انسان تھرتھر اجائے تاہم بعض جگہ مذہبی عقائد و رسومات کی ادائیگی اس طرح بھی ہوتی ہیں کہ جنہیں دیکھ کر لوگ دنگ رہ جائیں۔

روسی دارلحکومت ماسکو میں ایسے ہی ایک مذہبی تہوار کے موقع پر لوگوں کی بڑی تعداد خصوصی دعا میں شرکت کے لیے انقلابی اسکوائر پر جمع ہوئی، دعا کے بعد مذہبی عقیدے کے مطابق خواتین و حضرات کی بڑی تعداد نے اپنے گناہوں کی تلافی اور بخشش کے لیے سخت سرد موسم یعنی منفی سترہ سینٹی گریڈدرجہ حرارت میں یخ ٹھنڈے پانی میں ڈبکیاں لگائیں تو دیکھنے والے دم بخود رہ گئے۔

خصوصی دعا میں شریک افراد کا کہنا تھا کہ ہر سال انیس اور بیس جنوری کی درمیانی شب کی ایک گھڑی ایسی ہوتی ہے جس میں توبہ کی قبولیت کا وقت ہوتا ہے، ان افراد کا کہنا تھا کہ ٹھنڈے پانی میں غوطے لگانے کا مقصد یہی ہوتا ہے کہ گناہوں سے نجات حاصل کی جائے۔ اس عمل سے نہ صرف گناہوں کی تلافی ہوتی ہے بلکہ صحت بھی اچھی رہتی ہے۔
   

فرانسیسی خاتون اول ویلیری ٹرائرویلیور صحتیاب ہوکر اسپتال سے گھر منتقل ہوگئی۔

غیرملکی جریدے کی رپورٹ کے مطابق فرانسیسی صدر فرانسیس اولاند کی اہلیہ جو اپنے شوہر کے معاشقہ اسکینڈل کی خبریں سن کر ذہنی دباؤ کا شکار ہوکر اسپتال میں داخل ہوگئی تھی، صحتیابی کے بعد وہ اسپتال سے گھر منتقل ہوگئیں ہیں۔

فرانسیسی صدر نے اپنی اہلیہ کی صحتیابی پر خوشی کا اظہار کرتے ہوئے کہاکہ میڈیا کو کسی کی نجی زندگی میں مداخلت نہیں کرنی چاہیے، تاہم ایک بار پھر انہوں نے معاشقہ اسکنڈل پر بات کرنے انکار کردیا ہے۔
   

جنوبی روس میں سیکورٹی فورسز کی فائرنگ سے سات مشتبہ دہشت گرد ہلاک ہو گئے۔

ماسکو میں سیکیورٹی حکام کا کہنا ہے کہ پولیس نے داغستان میں ایک کارروائی کے دوران ایک گھر پر دھاوابول جس میں سیکورٹی فورسزکے ساتھ جھڑپ میں سات مشتبہ افراد ہلاک ہوگے۔

سیکیورٹی فورسز کے مطابق ہلاک مبینہ دہشت گردوں کے بارے میں شبہ ظاہر کیا جا رہا تھا کہ وہ گذشتہ روز داغستان میں ہونے والے بم دھماکوں میں ملوث ہیں۔