بلوچستان سے لاپتہ افراد کی بازیابی کے لئے کراچی سے اسلام آباد پیدل مارچ کرنے والا قافلہ خیرپور پہنچ گیا، مارچ کے شرکاء کا کہنا تھا کہ اسلام آباد میں دھرنا دیں گے اور جب تک ہمارے پیارے بازیاب نہیں ہوں گے تب تک دھرنا جاری رہے گا۔

مارچ کےشرکاء کا کہنا تھا کہ بلوچ قوم پرامن قوم ہے اور نہ ہی بلوچ کسی کے خلاف ہیں، بلوچوں کو مجبور کرکے مزاحمت کی جانب دھکیلا جارہا ہے، اُن کا کہنا تھا کہ انہیں سندھ میں جو محبت ملی ہے، وہ اسے زندگی بھر نہیں بھلا سکتے۔
   

مسلم لیگ نون اور مسلم لیگ فنکشنل نے بلدیاتی انتخابات کے بارے میں اپنا مشترکہ موقف آج سپریم کورٹ میں سماعت کے دوران پیش کرنے کا فیصلہ کیا ہے، جس میں سندھ ہائیکورٹ کے فیصلے کا دفاع کیا جائے گا۔

مسلم لیگ فنکشنل اور مسلم لیگ نون کے رہنماوں کا امتیاز شاہ کی رہائشگاہ پر اجلاس ہوا، جس میں فیصلہ کیا گیا کہ پیر کو سندھ حکومت کی جانب سے بلدیاتی انتخابات کے حوالے سے دائر درخواست پر دونوں جماعتیں اپنا مشترکہ موقف سپریم کورٹ میں پیش کریں گی۔

اجلاس کے بعد جاری اعلامیہ میں کہا گیا ہے کہ سندھ ہائی کورٹ کے فیصلے کا دفاع کیا جائے گا، اجلاس میں امتیاز شاہ، شفت شاہ شیرازی، عاقب جتوئی، ظفر علی شاہ کے علاوہ دونوں جانب کے دیگر رہنماؤں نے شرکت کی۔

ماہ ربیع الاول کا مہینہ شروع ہوتے ہی ملک کے مختلف شہروں میں جشن میلاد النبیﷺ کی ریلیاں نکالی جارہی ہیں۔

خیرپورمیرس، نوابشاہ، میرپورخاص، پاکپتن ، خانیوال، ٹنڈوالہ یار، نوابشاہ اورخاص کرجڑانوالہ میں ربیع الاول کی آمد کے موقع پر مشعل بردارجلوس نکالا گیا، جس میں بچوں، بوڑھوں ، خواتین اورنوجوانوں کی بہت بڑی تعداد سخت سردی کے باوجود شامل تھی۔

شہر بھر کے شاہراہوں، بازاروں اور بلڈنگوں کو رنگ برنگے برقی قمقوں سے سجایا گیا، جلوس اور ریلی شہر کے مختلف راستوں سے گزریں، جلوس کے شرکاؤں نے سبز جھنڈوں کے ساتھ درود کے بینرز اٹھا رکھے تھے اور آمد مصطفی مرحبا مرحبا کے نعرے لگاتے اور درود پاک بآواز بلند پڑھتے جارہے تھے۔
   

غداری کیس میں سابق صدر پرویز مشرف کے وکیل بیرسٹر سیف کا کہنا ہے کہ خصوصی عدالت کو ان کے موکل کی صحت کے بارے میں کوئی شک ہے تو وہ ڈاکٹرز کو طلب کرکے مشرف کی طبعیت کے بارے میں پوچھ لے۔

بیرسٹر سیف نے اے آر وائی نیوز سے خصوصی گفتگو کرتے ہوئے کہا کہ ڈاکٹرزنےوکلاکی ٹیم کوکسی قسم کی کوئی رپورٹ نہیں دکھائی، ان کا کہنا تھا کہ پرویزمشرف کےٹیسٹ لیے جاررہےہیں، حتمی رپورٹ نہیں آئی، بیرسٹرسیف کا کہنا تھا کہ مشرف کیخلاف کیس کیلئےچار کروڑ نوے لاکھ روپے خرچ کیےجاچکے۔