گوجرانوالہ جیل میں یوتھ فیسٹیول کے مقابلے ہوئے، ڈھول کی تھاپ پر قیدی اور پولیس اہلکاربھی بھنگڑےڈالتے رہے۔ کھیلوں کے مقابلے ہوئے اور جیتنے والوں کو انعام بھی ملے۔

سینٹرل جیل گوجرانوالہ میں منعقد کیا گیا یوتھ فیسٹیول  قیدیوں اور جیل پولیس کے اہلکاروں نےخوب ہلہ گلہ کیا۔ فیسٹیول کا آغازہوا تو فضا پنجابی گانوں سے گونج اٹھی ،گیتوں کی لے قیدیوں کو لے آئی میدان میں اور قیدیوں نےرقص کےجوہر دکھائے ۔ فیسٹیول میں جب ہوا گانوں پر رقص تو جیل پولیس کے اہلکار بھی لاتعلق نہ رہ سکے اور قیدیوں کے ساتھ رقص میں شریک ہو گئے 

فیسٹیول میں نو عمر قیدیوں نے ایک ٹانگ کی ریس اور گھوڑی چھڑپ کے مقابلوں میں بھی حصہ لیا۔ قیدیوں اوربیرک انچارجز کے درمیان والی بال کا میچ رہا بیرک انچارجز کے ہاتھ رسہ کشی کا مقابلہ لانگری ٹیم نے معمر قیدیوں کو شکست دی، فیسٹیول کے اختتام پر اے ڈی سی جی صالحہ سعید نے فاتح ٹیموں میں انعام تقسیم کیے ۔
   

پنجاب کےمختلف شہروں میں شدید دھند کا راج ہے ۔ حد نگاہ انتہائی کم ہونے کے باعث ٹریفک حادثات میں چھ افراد جان سے ہاتھ دھو بیٹھے۔ لاہور سمیت پنجاب کے مختلف شہروں میں شدید دھند کےڈیرے ہیں ،شدید دھند کے باعث لاہور میں حد نگاہ نوے میٹر سے نیچے آگئی۔

علامہ اقبال انٹرنیشنل ائیرپورٹ کوپروازوں کیلئےبند کرنا پڑا۔ جس کے بعد بیرون ملک آمدو رفت کی آٹھ پروازیں تاخیر کا شکار ہوئیں۔ پروازوں کی منسوخی اور تاخیر کے باعث مسافروں کو شدید مشکلات کا سامنا ہے۔

شدید دھند کے باعث لاہور میں ٹریفک حادثات میں چھ ا فراد جان کی بازی ہارگئے جبکہ پندرہ شدید زخمی ہیں۔ لاہور موٹروے کو کئی گھنٹوں بعد چھوٹی گاڑیوں کے لئے کھول دیا گیا ہے ۔شدید دھند کی وجہ سے اب بھی موٹروے پر سفر کرنے والے مسافروں کو شدید مشکلات کا سامنا ہے۔۔

دھند کے باعث سالم کے مقام پر آٹھ گاڑیاں آپس ٹکرا گئیں ۔۔ حادثے میں پانچ افراد زخمی بھی ہوئے ۔۔ ترجمان موٹروے نےمسافروں کو متبادل راستے اختیار کرنے کی ہدایت کی ہے۔ ٹریفک حکام کا کہنا ہے کہ ڈرائیور ز دھند میں فوگ لائٹس آن رکھیں اور احتیاط سے ڈرائیونگ کریں۔