امریکہ کے مختلف شہروں میں شدید برفباری اور دھند سے نظام زندگی منجمد ہوکر رہ گئی، طوفان کے باعث مختلف امریکی ریاستوں میں تیرہ سو سے زائد پروازیں منسوخ یا معطل ہو گئیں، نیویارک میں ایمرجنسی نافذ کر دی گئی۔

امریکہ کے شمال مشرق اور وسط مغربی ریاستیں ان دنوں شدید برفباری، دھند اور طوفان باد و باراں کی لپیٹ میں ہیں، جسکی وجہ سے نظام زندگی منجمد ہوگئی جبکہ لوگ گھروں محصور ہوکررہ گئے۔

مختلف ریاستوں میں طوفانی ہواؤں، برفباری کے باعث شکاگو، انڈیانا پولس، ڈیٹرائٹ اور کلیو لینڈ کی تیرہ سو سے زائد پروازیں منسوخ اور معطل ہوگئیں، پروازیں منسوخ اور معطل ہونے کی وجہ سے لاکھوں مسافروں کو سخت مشکلات کا سامنا کرنا پڑ رہا ہے۔

نیویارک میں برفانی طوفان کے پیش نظر ایمرجنسی نافذ کر دی گئی، محکمہ موسمیات کے مطابق چار گھنٹے کے دوران امریکی ریاست میسا چوسٹس دس اعشاریہ دو، راک پورٹ میں نو،جارج ٹاؤن میں سات اعشاریہ پانچ ،بوسٹن میں چھ اعشاریہ سات، اور فاکس برو میں دو انچ برفباری ریکارڈ کی گئی ہے۔
   

امریکی سامراج کے کالے کرتوتوں کو دنیا کے سامنے لانے والے ایڈورڈ اسنوڈن سے نپٹنے کے لئے این ایس اے نے کمر کس لی، جدید ترین کمپیوٹر تیار کرکے دنیا کے کسی بھی کمپیوٹر میں موجود امریکی خفیہ رازوں کو کرپٹ کرنے کا منصوبہ تیار کرلیا۔

امریکی اخبار کا ایڈورڈ اسنوڈن کے حوالے سے کہنا ہے کہ اناسی عشاریہ سات ملین ڈالر کی خطیر رقم سے جاری پینیٹریٹنگ ہارڈ ٹارگیٹس نامی منصوبے کے تحت این ایس اے کوانٹم کمپیوٹر بنارہا ہے۔

جس کے ذریعے امریکہ دنیا بھر کے کمپیوٹرز تک رسائی حاصل کر کے خفیہ رازوں کو کرپٹ کرسکے گا اور ساتھ ہی کوانٹم کمپیوٹر میڈیکل، بینک، تجارت اورحکومتی ریکارڈ کو محفوظ کرنے میں مددگار ثابت ہوگا۔

تاہم منصوبے کی تفصیلات منظر عام پر تاحال نہیں آسکیں ہیں، اطلاعات کے مطابق این ایس اے ابھی تک کامیابی سے کوسوں دور ہے۔
    
   

امریکی سینٹرز کے ایک وفد نے افغان صدرحامد کرزئی سے ملاقات کی، ملاقات کے دوران سیکیورٹی معاہدے میں تاخیراور بگرام بیس میں قید خطرناک اٹھاسی قیدیوں کی رہائی پر تشویش کا اظہار کیا۔

امریکی ریپبلکن سینڑز جان مکین اور لنڈسے گراہم نے کابل میں افغان صدر حامد کرزئی ملاقات کی، ملاقات میں افغانستان سے امریکی افواج کے انخلا، سیکیورٹی معاہدے سمیت بگرام بیس کا کنٹرول افغان فورسز کے حوالے کرنے سمیت اٹھاسی خطرناک قیدیوں کی رہائی کے حوالے سے تبادلہ خیال کیا گیا۔

قیدیوں کی رہائی کے حوالے امریکی سینٹرز نے اپنے خدشات کا اظہار کرتے ہوئے کہا کہ افغان انتظامیہ جن قیدیوں رہائی کا مطالبہ کررہی ہے، ان کے حوالے سے ایسے شواہد موجود ہیں کہ وہ ساٹھ سے زائد اتحادی اور ستاون افغان فوج کے اہلکاروں کے قتل میں ملوث ہیں اور ان کی رہائی اتحادی اور افغان فوج کے لیے کسی خطرے کم نہ ہوگی۔

علاوہ ازیں سینٹرز نے سیکیورٹی معاہدے پر بھی افغان صدر حامد کرزئی سے تفصیلی بات چیت کرتے ہوئے امید ظاہر کی ہے کہ معاہدہ جلد طے پا جائے گا، یاد رہے کہ رواں سال مارچ میں امریکہ بگرام بیس کا کنٹرول افغان فورسز کے حوالے کردے گا۔
    
    
    
    
   

اسرائیلی وزیراعظم نے فلسطینی صدر پر فلسطینی قیدیوں کو ہیرو لقب کا دینے پر تنقید کی، امریکی وزیر خارجہ جان کیری کا کہنا ہے کہ فلسطین میں قیام امن کے لیے پر امید ہیں۔

اسرائیل کے وزیراعظم بنجمن نتین یاہو نے جان کیری سے ملاقات کے دوران رہا کئے جانے والے فلسطینی قیدیوں کو ہیرو لقب کا دینے پر صدر محمود عباس پر شدید تنقید کی۔

فلسطین میں قیام امن کے لئے امریکی وزیر خارجہ اسرائیل کے دورے پر ہیں، جان کیری کا کہنا ہے کہ امن مذاکرات میں دشواری کا سامنا ہے تاہم ناممکن صورتحال نہیں قیام امن کے لئے پرامید ہیں

جان کیری نیتن یاہو سے ملاقات کے بعد آج فلسطین میں صدرمحمود عباس سے ملاقات کریں گے، دونوں ممالک میں امن مذاکرات کے لئے جان کیری نے اہم کردار ادا کیا ہے۔