پنجاب کی 4 ہزار 28 یونین کونسلوں اور 172 میونسپل کمیٹیوں کیلئے ایک لاکھ 63 ہزار 384 امیدواروں نے کاغذات نامزدگی جمع کرائے ہیں ، الیکشن کمیشن میں کل سے کاغذات نامزدگی پر اعتراضات وصول کیے جائیں گے۔ پنجاب میں یونین کونسلوں کے لئے ایک لاکھ 42 ہزار 456 جبکہ میونسپل کمیٹیوں کے لئے 20 ہزار 928 امیدواروں نے کاغذات نامزدگی جمع کرا ئے

جنرل کونسلر کے لئے 75 ہزار 488، خواتین 20 ہزار 390 اور کسانوں، مزدوروں کی نشستوں کے لئے 10 ہزار 308 امیدوار سامنے آئے ہیں۔ نوجوانوں کی مخصوص نشست کیلئے 9 ہزار 105 جبکہ اقلیتی نشستوں کیلئے 7 ہزار 25 امیدواروں نے کاغذات نامزدگی جمع کرائے ہیں۔

صرف لاہور ضلع میں 14991 امیدواروں نے کاغذات نامزدگی جمع کروائے۔ ایک ہزار ،522چیئرمین اور وائس چیئرمین اور عام نشستوں کے لئے768امیدواروں کے کاغذات جمع کرائے گئے۔ نوجوانوں نے ایک ہزار 1خواتین اور کسانوں نے ایک ہزار 574 کاغذات جمع کرائے

پنجاب یونیورسٹی سے پی ایچ ڈی کرنے والوں کی تعداد میں ریکارڈ اضافہ ہو گیا، سابق وفاقی وزیر اور پیپلز پارٹی کے رہنماء جہانگیر بدر نے بھی پی ایچ ڈی کر لی، وائس چانسلر ڈاکٹر مجاہد کامران کا کہنا ہے کہ یونیورسٹیز علم اور تحقیق کا گہوارہ ہیں، حکومت کو سرپرستی کرنی چاہیئے۔

پنجاب یونیورسٹی کا 122 واں کانووکیشن فیصل آڈیٹوریم میں ہوا، جس کے مہمان خصوصی گورنر پنجاب چودھری سرور تھے، جنہوں نے تقریب شروع ہونے سے کچھ دیر پہلے شرکت سے معذرت کر لی۔

تقریب سے خطاب کرتے ہوئے وائس چانسلر ڈاکٹر مجاہد کامران نے کہا کہ پنجاب یونیورسٹی سے پی ایچ ڈی کرنے والوں کی تعداد میں ریکارڈ اضافہ ہوا ہے۔ ان کا کہنا تھا کہ یونیورسٹیاں علم و تحقیق کا گہوارہ ہیں، بدقسمتی کی بات ہے کہ فنڈز کی کمی کے باعث تحقیق کا شعبہ متاثر ہو رہا ہے۔

ڈاکٹر مجاہد کامران نے کہا کہ علم و تحقیق کو فروغ دے کر جہالت اور دہشتگردی سمیت درپیش مسائل سے چھٹکارا حاصل کیا جا سکتا ہے۔ اس سے پہلے وائس چانسلر نے سابق وفاقی وزیر اور پیپلز پارٹی کے رہنماء جہانگیر بدر سمیت پی ایچ ڈی کرنے والوں میں اسناد تقسیم کیں۔

تقریب میں مختلف سرکاری اور نجی یونیورسٹیوں کے وائس چانسلرز سمیت اہم تعلیمی شخصیات شریک تھیں۔

وزیراعلٰی شہباز شریف نے عوام کو اشیائے ضروریہ سستے داموں فراہم کرنے کیلئے ماڈل بازاروں کا دائرہ کار بڑھانے کا فیصلہ کیا ہے۔
لاہور میں مختلف اضلاع سے تعلق رکھنے والے اراکین اسمبلی اور کارکنوں سے خطاب کرتے ہوئے وزیراعلٰی شہبازشریف نے کہا ہے کہ اشیائے ضروریہ کی قیمتوں کو عام آدمی کی پہنچ میں رکھنے کیلئے پرائس کنٹرول میکانزم پر سختی سے عملدرآمد کیا جارہا ہے۔

انہوں نے کہا کہ مرحلہ وار پروگرام کے تحت صوبے کے ہر ضلع میں ماڈل بازار قائم کئے جائیں گے۔ وزیراعلٰی نے کہا کہ اشیائے ضروریہ کی قیمتوں میں استحکام کیلئے منتخب نمائندوں کوذمہ داریاں تفویض کی گئی ہیں۔ حکومت کے بروقت اقدامات کے مثبت نتائج سامنے آئے ہیں اور عوام کو حقیقی معنوں میں ریلیف ملا ہے۔

ننکانہ صاحب میں گھر کی دیوار گرنے سے چھ بچے جاں بحق ہوگئے، جاں بحق ہونے والوں میں تین کا تعلق ایک ہی خاندان سے جبکہ تین بچے مہمان تھے۔

ننکانہ صاحب کے علاقےسید والا میں محنت کش نواز دین کے گھر اچانک دیوار گرجانے سے چھ بچے جاں بحق ہوگئے، بچے دیوار کے ساتھ صحن میں کھیل رہے تھے، تمام بچوں کی عمر سات سال کے لگ بھگ تھی۔

جاں بحق ہونے والوں میں تین بچے نواز دین کے جبکہ تین بچے گھر میں آئے مہمان تھے، سید والا میں علاج معالجے کی سہولیات کے فقدان کے باعث ریسکیو میں تاخیر ہوئی اور بچے ڈی ایچ کیو اسپتال پہنچنے سے پہلے ہی دم توڑ گئے۔