گزشتہ ہفتے اسرائیلی حملے میں شہید ہونے والی ماں کے بطن سے زندہ بچائی جانے والی بچی بھی زندگی کی بازی ہار گئی۔

اسرائیل کی غزہ میں بربریت کا سلسلہ جاری ہے گزشتہ دنوں صہیونی فوج کے ایک حملے میں حاملہ خاتون بھی شہید ہوگئی تھی تاہم شہید ماں کے بطن سے زندہ بچی کی پیدائش ہوئی تھی جو ایک ہفتے بعد دنیائے فانی سے چل بسی۔

الجزیرہ کی رپورٹ کے مطابق اس بچی کا نام صبرین الروح رکھا گیا تھا اور غزہ کے اسپتال میں زیر علاج تھی اور اس کو پیدائشی سانس لینے میں مشکل کا سامنا تھا۔

متوفی بچی کے چچا نے مقامی میڈیا سے گفتگو کرتے ہوئے کہا کہ آج یہ بچی بھی ہمیں چھوڑ کر چلی گئی بالکل اسی طرح جس طرح اس کے والدین اور بہن ہمیں چھوڑ کر جا چکے۔

غزہ پر اسرائیلی ظلم کا سلسلہ جاری، حاملہ خاتون شہید

ان کا کہنا تھا کہ اسرائیلی بمباری سے ہمارا گھر ملبے کا ڈھیر بن چکا ہے اور اسی میں ہمارے پورے خاندان کی یادگار تصاویر بھی ضائع ہو چکی ہیں۔

کینیڈا بھر میں سکھوں کی خالصتان تحریک نے زور پکڑ لیا ہے اور خالصہ ڈے کی تقریب میں کینیڈین وزیراعظم جسٹن ٹروڈو اور اپوزیشن لیڈر نے بھی شرکت کی۔

یورپی ملک کینیڈا میں سکھوں کی خالصتان تحریک نے زور پکڑ لیا ہے۔ اس حوالے سے گزشتہ روز انٹاریو میں خالصہ ڈے کی تقریب ہوئی جس میں شرکا نے سکھوں کے علیحدہ وطن خالصتان کے حق اور بھارتی رہنماؤں کے خلاف نعرے لگائے۔

تقریب کی خاص بات یہ تھی کہ اس میں کینیڈا کے وزیراعظم جسٹن ٹروڈو نے اپوزیشن لیڈر کے ہمراہ نہ صرف شرکت کی بلکہ پنجابی میں نعرے بھی لگائے۔

اس موقع پر جسٹن ٹروڈو نے سکھوں کو بیساکھی کے تہوار کے مبارک باد دی اور کینیڈا میں رہنے والے سکھ شہریوں کو خراج تحسین پیش کرتے ہوئے امرتسر سے کینیڈا کے لیے پروازوں میں اضافہ کرنے کی نوید بھی سنائی۔

جسٹن ٹروڈو نے کہا کہ کینیڈا بھر میں خالصہ ڈے تقریبات میں آپ کے ساتھ شریک ہیں، سکھوں کی عباد گاہوں اور کمیونٹی سینٹرز کی سیکیورٹی یقینی بنائیں گے۔

انہوں نے مزید کہا کہ اس تقریب میں ارکان پارلیمنٹ، میئرز، سیاسی رہنما شریک ہیں اور یہ تقریب ہم سب کو اکٹھا کرنے اور خوشی کا سبب ہے۔

تقریب میں کینیڈین وزیراعظم کے سامنے شرکا نے وزیراعظم مودی سمیت بھارتی رہنماؤں کے پوسٹرز اٹھا رکھے تھے اور بھارتی رہنماؤں کے خلاف نعرے لگاتے ہوئے انہیں سکھ رہنما ہردیپ سنگھ کا قاتل قرار دیا۔

واضح رہے کہ سکھ رہنما ہردیپ سنگھ کو گزشتہ سال کینیڈا میں قتل کیا گیا تھا۔

اس قتل کے تانے بانے اور شواہد بھارتی حکومتی اہلکاروں سے ملتے تھے اور کینیڈین وزیراعظم نے بھی اس کا برملا اظہار کرتے ہوئے سخت موقف اختیار کیا تھا۔