بالی وڈ کے بھائی جان سلمان خان اپنے گھر کے باہر ہونے والی فائرنگ کے بعد پہلی بعد منظر عام پر آگئے ہیں۔

سلمان خان کو جمعہ کو ممبئی ایئرپورٹ پر دیکھا گیا، اس وقت وہ ایک ایونٹ کے سلسلے میں دبئی میں موجود ہیں۔ پچھلے ہفتے باندرہ میں گلیکسی اپارٹمنٹ کے باہر ہونے والی فائرنگ کے بعد انھوں نے اپنی پہلی انسٹاگرام پوسٹ شیئر کی ہے۔

اداکار نے ہفتے کو دبئی میں اپنی موجودگی کی ایک کلپ شیئر کی ہے جبکہ پس منظر میں دبئی کا نظارہ واضح ہے۔ وہ اس ویڈیو میں خوش نظر آرہے ہیں اور ان کے چہر پر کسی طرح کے تناؤ کے آثار نہیں ہیں۔

ویڈیو کلپ میں سلمان خان نے کہا کہ وہ دبئی میں کراٹے کی ایک تقریب میں شرکت کے لیے آئے ہیں۔ بلیک ٹی شرٹ میں ملبوس سلمان نے مداحوں کو کہا کہ ’کل آپ سے ملنے کی امید ہے۔‘

View this post on Instagram

A post shared by Salman Khan (@beingsalmankhan)

ممبئی کے اپارٹمنٹ کے باہر شوٹنگ کے بعد اداکار کی پہلی انسٹاگرام پوسٹ کا بہت سارے لوگوں نے جواب دیا۔

ایک مداح نے کہا کہ ’سلمان خان نے یہ ویڈیو دبئی میں بنائی ہے، اس میں ان کے چہرے پر تناؤ کی کوئی علامت نہیں دکھائی دے رہی ہے۔ وپہ ہمیشہ کی طرح بہادر نظر آرہے ہیں۔‘

سلمان کی پوسٹ پر تبصرہ کرتے ہوئے ایک اور شخص نے لکھا کہ ’اتنا بڑا اسٹار، سلمان خان کے بارے میں ان کی یہی بات پسند آتی ہے!‘ ایک مداح نے لکھا کہ ’محفوظ رہیں سلمان!‘

بالی وڈ کی منجھی ہوئی اداکارہ ودیا بالن نے شادی شدہ جوڑوں، ان کے دوستوں اور خاندان والوں کو رشتہ نبھانے کے لیے اہم مشورہ دیا ہے۔

ودیا بالن کا ماننا ہے کہ دیگر لوگوں کو شادی شدہ جوڑے کے معاملات میں مداخلت نہیں کرنی چاہیے اور انھیں اپنے مسائل خود حل کرنے دینا چاہیے۔ اس بات کا ادراک کرنا چاہیے کہ شادی دو لوگوں کے درمیان ہوتی ہے اور اسے ہر وقت دو لوگوں کے درمیان ہی رہنا چاہیے۔

بھارتی ذارئع ابلاغ کو دیے جانے والے انٹرویو میں شادی شدہ جوڑوں کے درمیان رابطے کی اہمیت پر زور دیتے ہوئے انھوں نے کہا کہ اس رشتے میں بات چیت اور آپس میں اشتراک بہت ضروری ہے۔

اداکارہ نے کہا کہ آپ اس رشتے میں کسی دوسرے شخص کو نہیں لا سکتے، چاہے وہ خاندان کا ہو یا دوست ہو، کوئی بھی شخص دو لوگوں کے درمیان اس رشتے کا حصہ نہیں بن سکتا۔

انھوں نے کہا کہ شادی اتنا عمدہ، پیچیدہ اور ذاتی رشتہ ہے کہ کوئی تیسرا شخص نہیں جان سکتا کہ یہ کیا ہے۔ آپ کو ہر روز یہ رشتہ نبھانا ہوتا ہے۔

سدھارتھ کے ساتھ شادی پر اداکارہ نے کہا کہ میں مانتی ہوں کہ ہر جوڑے کا اپنا ایک منفرد انداز ہوتا ہے لیکن میری رائے میں، اگر ہم ہر چیز کے بارے میں ایک دوسرے سے کھل کر بات کریں تو یہ بہت مددگار ثابت ہو سکتا ہے۔