عالمی شہرت یافتہ اور مشہور و معروف اداکارہ سجل علی کی پوسٹ پر بالی وڈ اداکارہ شبانہ اعظمی کا کمنٹ وائرل ہوگیا۔
حال ہی میں اداکارہ سجل علی نے سوشل میڈیا کی فوٹو اینڈ ویڈیو شیئرنگ ایپ انسٹا گرام پر تصاویر پوسٹ کیں جنہیں مداحوں کی جانب سے خوب پسند کیا جارہا ہے۔
شیئر کی گئی تصاویر میں اداکاری سجل نے ایک بلیک سوٹ پہن رکھی ہے، اداکارہ کے اس لک میں تصویر کو مداحوں کی جانب سے خوب پسند کیا جارہا ہے۔
View this post on Instagram
انہوں نے چند گھنٹوں قبل یہ تصاویر شیئر کیں جسے ساتھی اداکاروں سمیت ہزاروں کی تعداد میں مداح دیکھ چکے ہیں اور اس پر اپنی رائے بھی ظاہر کررہے ہیں۔
جہاں اس سجل کے مداحوں کی جانب سے اس پوسٹ پر محبت کا اظہار کیا جا رہا ہے وہیں حال ہی میں جمائما گولڈ اسمتھ کی فلم میں ساتھ کام کرنے والی شبانہ اعظمی نے بھی پیار کا اظہار کیا ہے۔
بالی ووڈ کی سینئر اداکارہ شبانہ اعظمی نے کمنٹ میں ’پیاری لڑکی‘ لکھا ہے۔
واضح رہے کہ سجل علی اور شبانہ اعظمی جمائما گولڈ اسمتھ کی لکھی ہوئی فلم میں ایک ساتھ جلوہ گر ہوئی تھیں۔
View this post on Instagram
جمائما گولڈ اسمتھ نے فلم کی عکس بندی کے دوران سجل علی اور شبانہ اعظمی کی تعریف کرتے کہا تھا کہ ’وہ جنوبی ایشیا کی دو لیجنڈ اداکاراؤں کے ساتھ کام کر رہی ہیں،‘ اور ساتھ میں جمائما گولڈ اسمتھ نے ان دونوں فنکاروں کو ٹوئٹر پر ٹیگ بھی کیا تھا۔
سجل علی ناصرف پاکستان بلکہ بالی وڈ میں بھی اداکاری کے جوہر دکھا چکی ہیں ، انہوں نے بالی وڈ فلم میں سری دیوی کی بیٹی کا کردار ادا کیا تھا اور بھارت میں خوب نام کمایا تھا۔
