کراچی کا ایک ایسا علاقہ جہاں یورپ کا احساس ہوتا ہے، بخاری کمرشل ایریا کے جدید طرز کے انفراسٹرکچر نے حیران کن حد تک لوگوں کو متاثر کیا۔

تفصیلات کے مطابق کراچی میں ڈی ایچ اے فیز سکس کے بخاری کمرشل ایریا میں کی جانے والی تبدیلیوں نے کراچی کے لوگوں کادل موہ لیا۔

یہاں کے جدید طرز کےانفراسٹرکچر نے حیران کن حد تک لوگوں کو متاثر کیا اور یہاں کی جذبِ نظر شاہراؤں، صاف ستھرے ماحول اور ہریالی نے ترقی یافتہ ممالک کی یاد دلا ڈالی۔

کمیونیٹی لیونگ کے سٹینڈرڈز پر عمل درآمد کرتے ہوئے بُخاری کمرشل اریا میں فیملیز کو پرسکون ماحول فراہم کر دیا گیا۔

حادثات کی روک تھام کے لئے منفرد ٹریفک نظام متعارف کرایا گیا اور پیدل چلنے والوں کی سیفٹی کو مد نظر رکھتے ہوئے پیڈسٹرین ٹریفک سگنلز نصب کر دیے گئے، دیگر نمایاں تبدیلیوں میں لائن مارکنگ، ٹریفک سگنلز، پلیکیں کراسنگ اور فائر ہائیڈرنٹس شامل ہیں۔

اس علاقے میں تمام خالی جگہوں کو انتہائی خوبصورتی سے لیول کر کے لوگوں کی تفریح کا سامان کر دیا، یہاں فیملیز اب اپنی شامیں گپ شپ لگاتے ، گھومتے پھرتے، کھاتے پیتے اور ارد گرد کے پرسکون ماحول سے لطف اندوز ہوتے وقت گزار سکتے ہیں۔

شہریوں نے انتظامیہ کے ان اقدامات کو بڑے پیمانے پر سراہتے ہوئے کراچی کے باقی علاقوں کو اسی طرز پر ڈویلپ کرنے کی تجویز پیش کر ڈالی۔

یہ کہنا بالکل درست ہو گا کے بُخاری کمرشل میں کی جانے والی حالیہ تبدیلیوں نے نہ صرف شہریوں کے لیے آسانیاں پیدا کی بلکہ کاروباری سرگرمیوں میں واضح اضافہ کیا۔

لاہور: مرغی کی قیمتوں میں اضافے پر تحقیقات شروع کردی گئیں، ملی بھگت سے واٹس ایپ گروپس پر ریٹ لگائے جاتے ہیں۔

تفصیلات کے مطابق مرغی کی قیمت اضافے پر محکمہ لائیواسٹاک پنجاب نے ایکشن لے لیا ، فارمرزاورٹریڈرزکیخلاف کارروائی شروع کردی گئی ہے۔

ترجمان محکمہ لائیو سٹاک کا کہنا ہے کہ وزیر اعلی پنجاب نے مرغی کی قیمتوں میں اضافے کا نوٹس لیاہے، عوام کو سستا چکن فراہم کرنا حکومت کی اولین ترجیح ہے۔

ترجمان نے بتایا کہ پولٹری فارمرز اور ٹریڈرز سے اسٹاکس کا ڈیٹا منگوا لیا گیا ہے اور مرغی مافیا ملی بھگت سے واٹس ایپ گروپس پر ریٹ نکالتے ہیں۔

ان کا مزید کہنا تھا کہ پچھلے چند روز میں مرغی کی فی کلو قیمت میں دو سو روپے تک اضافہ کیا گیا ہے۔

خیال رہے آج کل مہنگی چکن نے شہریوں کو چکرا کررکھ دیا ہے، پہلے اضافہ دس اور بیس روپے ہوا کرتا تھا لیکن اب یہ اضافہ سینکڑوں میں ہونے لگا ہے۔

کراچی میں عید کے دنوں میں ساڑھے آٹھ سو سے نوسو روپے فی کلو ملنے والی چکن کے ریٹ اب بھی ساڑھے آٹھ سو روپے فی کلو ہیں، اکثر دکانوں پر گاہکوں اوردکانداروں کے درمیان نوک جھوک بھی ہورہی ہے، دکانداروں کا کہنا ہے کہ چکن پیچھے سے ہی مہنگی مل رہی ہیں۔

اسلام آباد میں بھی فی کلوچکن کی قیمت نے نو سو روپے کا ہندسہ چُھولیا ہے، آٹھ سو نوے روپے فی کلو میں فروخت کی جارہی ہے۔