سعودی عرب میں مدینہ ریجن ڈیولپمنٹ اتھارٹی نے حرمین ٹرین کے مسافروں کیلیے بس سروس کے نظام کو مزید بہتر کردیا ہے۔
سعودی خبر رساں ادارے ایس پی اے کے مطابق زائرین کو مدینہ ریلوے اسٹیشن سے مسجد نبوی صلی اللہ علیہ وآلہ وسلم اور وہاں سے اسٹیشن پہنچانے کے لیے روزانہ صبح 7 سے رات 11 بجے تک ٹرین کے شیڈول کے مطابق سروس جاری ہے۔
اپریل کے وسط میں سعودی ریلوے (سار) کی جانب سے اضافی ٹرین ٹرپس کا سلسلہ شروع کیا گیا تھا۔
حرمین ایکسپریس ٹرین کی رفتار 300 کلو میٹر فی گھنٹہ ہے۔ اس کے پانچ سٹیشن ہیں۔ جدہ کا کنگ عبدالعزیز انٹرنیشنل ایئرپورٹ، جدہ سلیمانیہ، مکہ مکرمہ، رابغ کا ملک عبداللہ اکنامک سٹی اور مدینہ منورہ ہیں۔ٹرین میں آمد ورفت کے حوالے سے 95 فیصد تک وقت کی پابندی ریکارڈ کی گئی ہے۔
مدینہ اسٹیشن سے روزانہ صبح 6 بجے حرمین ٹرین جدہ کے کنگ عبدالعزیز سٹیشن کے لیے روانہ ہوجاتی ہے اور نان سٹاپ 7 بج کر 48 منٹ جدہ ایئرپورٹ پہنچ جاتی ہے، جبکہ مدینہ سے صبح ساڑھے سات بجے روانہ ہوکر 9 بجکر 11 منٹ جدہ کے سلیمانیہ اسٹیشن اور پھر 9 بجکر 50 منٹ پر مکہ مکرمہ پہنچ جاتی ہے۔
ٹرین جدہ ایئرپورٹ سے صبح 6 بجے روانہ ہوکر نان سٹاپ 7 بجکر 48 منٹ پر مدینہ منورہ پہنچ جاتی ہے، جبکہ صبح 7 بجے مکہ مکرمہ سے روانہ ہونے والی ٹرین 7 بجکر 28 منٹ پر جدہ کے سلیمانیہ جدہ اسٹیشن پر رکتی ہے اور 9 بجکر 20 منٹ پر مدینہ منورہ پہنچ جاتی ہے۔
سعودی عرب میں کب تک بادل برستے رہیں گے؟
واضح رے کہ حرمین ٹرین میں 417 مسافروں کی گنجائش ہے۔ اس کا مکہ مکرمہ سے مدینہ منورہ تک کا فاصلہ 450 کلو میٹر ریکارڈ کیا گیا ہے۔
