اسلام آباد: اسلام آباد ہائی کورٹ نے شاعراحمد فرہاد علی شاہ کی گرفتاری غیرقانونی قرار دے دیا اور کہا مغوی شاعرکوجبری لاپتا کیا گیا اور ادارے بازیابی میں ناکام رہے۔

تفصیلات کے مطابق اسلام آباد ہائی کورٹ نے شاعر احمد فرہاد کیس نمٹانے کا اردو میں تحریری فیصلہ جاری کردیا، جسٹس محسن کیانی نے 4صفحات پر مشتمل فیصلہ جاری کیا۔

جس میں کہا گیا کہ عدالت کو بتایا گیا کہ احمدفرہاد تھانہ دیر کوٹ میں گرفتار ہے ، فرہاد علی شاہ پولیس اسٹیشن صدر ، مظفر آباد کے مقدمےمیں بھی گرفتار ہے۔

فیصلے میں کہنا تھا کہ ان حالات کے پیش نظر احمدفرہاد کو عدالت میں پیش نہ کیا جا سکا ہے، حقائق ،واقعات مد نظر رکھ کرعدالت نتیجے پر پہنچی کہ مغوی کوجبری لاپتہ کیا گیا اور ادارےمغوی شخص کو بازیاب کرانے میں ناکام رہے ہیں۔

عدالت نے کہا کہ احمد فرہاد کے بحفاظت گھرپہنچنے پرتفتیشی آفیسرتھانہ لوہی بھیر مجسٹریٹ کےسامنےبیان قلمبند کرائے۔

اسلام آباد ہائی کورٹ نے مزید کہا کہ حقائق دیکھ کر عدالت فرہاد علی شاہ کی گرفتاری ریکار کےمطابق غیر قانونی قرار دیتی ہے، آئین پاکستان اور آزاد کشمیر کے آئین کے تحت حقوق کاتحفظ اداروں کی ذمہ داری ہے۔

تحریری فیصلے کے مطابق عدالت پٹیشن کو مندرجہ ذیل احکامات کے ساتھ نمٹانے کاحکم دیتی ہے، فرہاد علی شاہ کو جبری گمشدہ فرد قرار دیا جاتا ہے تا وقت کہ وہ گھر با حفاظت نہ آجائے۔

عدالت کا کہنا تھا  کہ احمد فرہاد گھر پہنچے توتفتیشی آفیسرتھانہ لوہی بھیر بیان مجسٹریٹ کے سامنے قلمبند کرائے اور رجسٹرار اسلام آباد ہائیکورٹ جبری گمشدگی کے مقدمات یکجا کرکے چیف جسٹس کوپیش کریں۔

چیف جسٹس اسلام آباد ہائیکورٹ انتظامی اختیارات استعمال کرکےلارجربینچ تشکیل دیں، رجسٹرار آفس کرمنل جسٹس کمیٹی کےآئندہ اجلاس میں اداروں کو مدعو کریں۔

فیصلے کے مطابق قومی سلامتی امور سےمتعلق کیسز کی ان کیمرہ سماعت کیلئے مقرر کیاجائے، اداروں کے سربراہان سے ان کیمرہ بریفنگ کے بعد لارجر بینچ کیسز کی سماعت کرے اور لارجر بینچ ہی میڈیا رپورٹنگ نہ کرنے سے متعلق احکامات جاری کرے۔

تحریری فیصلے میں حکم دیا گیا ہےکہ رجسٹرار اسلام آباد ہائیکورٹ جبری گمشدگی کے مقدمات یکجا کرکےچیف جسٹس کوپیش کریں، چیف جسٹس اسلام آباد ہائیکورٹ انتظامی اختیارات استعمال کرکےلارجربینچ تشکیل دیں۔

کراچی: امریکی جیل میں قید ڈاکٹر عافیہ نے ملاقات میں اپنی بہن کو کیا بتایا، وطن واپسی پر ڈاکٹر فوزیہ صدیقی نے بتادیا۔

تفصیلات کے مطابق ڈاکٹر فوزیہ صدیقی نے امریکا سے واپسی کے موقع پر ایئرپورٹ پر میڈیا سے گفتگو کرتے ہوئے کہا کہ میں واشنگٹن گئی اور کچھ لوگوں سے ملی، بہن سے ملاقات میں فون کام نہیں کر رہا تھا ،بات نہیں کرسکی۔

ڈاکٹر فوزیہ نے انکشاف کیا عافیہ نے بتایا میں قرآن پڑھتی ہوں تو یہ زیادہ بجلی کے شاک لگاتے ہیں۔

ان کا کہنا تھا کہ ملاقات کے وقت کچھ لے جانے نہیں دیتے، یہ کس جرم کی سزا ہے ، مسلمان کی غیرت کہاں ہے ، ہمارے حکمرانوں کی غیرت کہاں ہے۔

یاد رہے مارچ میں وزیراعظم شہبازشریف نے امریکی سفیر سے ملاقات میں ڈاکٹرعافیہ صدیقی کا معاملہ پُرزور طریقے سے اٹھایا تھا۔

امریکی سفیر نے کہا تھا کہ امریکا پاکستان کو ایک اہم پارٹنر سمجھتا ہے مضبوط تعلقات استوار کرنے کیلئے مل کر کام کرنےکی امید کرتے ہیں۔

لاہور : وزیراعلیٰ پنجاب کے ہتک عزت بل پر پیپلزپارٹی نے ہاتھ اٹھالئے، رہنما پیپلز پارٹی نے کہا کہ کوشش کریں گے کہ قانون اب بھی واپس ہو۔

تفصیلات کے مطابق پیپلزپارٹی نے پنجاب حکومت کے ہتک عزت بل پر شدید تنقید کرتے ہوئے ہم حکومت کے جرم میں برابر کے شریک ہیں ، پیپلز پارٹی کو بجٹ تجاویز پر اعتماد میں نہیں لیا گیا۔

رہنما پیپلز پارٹی حسن مرتضیٰ کا کہنا تھا کہ مریم نواز کو اس لئے ووٹ نہیں دیا تھا کہ ہتک عزت بل جیسے قانون منظور ہوں، پیپلزپارٹی کوشش کرے گی کہ قانون اب بھی واپس ہو۔

حسن مرتضیٰ نے کہا کہ پیپلزپارٹی کی لیگل ٹیم بل کی واپسی کیلئے کام کررہی ہے، پیپلزپارٹی اپنے صحافی بھائیوں کیساتھ کھڑی ہے۔

ان کا کہنا تھا کہ بل پرپیپلز پارٹی کو بے خبر رکھا گیا ، پارلیمانی لیڈر پیپلز پارٹی حیدر علی گیلانی کو اعتماد میں نہیں لیا گیا اور بل پر پیپلز پارٹی ارکان پنجاب نے ووٹ نہیں دیا نہ ایوان میں تھے۔

رہنما پیپلز پارٹی نے بتایا کہ گورنر پنجاب سلیم حیدر بل واپس بھی کردیتے تو دوبارہ اسمبلی سےمنظور کرلیاجاتا، اس کا بل آپ نے قائم مقام گورنر نے پاس کرایا، ہمیں سننے کو ملتا ہے پیپلز پارٹی کی میوچل انڈراسٹینڈنگ سے یہ ہوا ہے۔