اسلام آباد: گورنر خیبرپختونخوا نے کہا ہے کہ علی امین گنڈاپور کو دعوت دیتا ہوں کہ اپنی مرضی کا چینل چن لیں اور مناظرہ کرلیں۔

تفصیلات کے مطابق گورنر خیبر پختونخوا فیصل کریم کنڈی نے میڈیا سے گفتگو کرتے ہوئے کہا کہ علی امین گنڈا پور کی مجبوری ہے ایسی زبان استعمال کرنا، انھوں نے اپنی نوکری پکی کرنا ہے۔

انھوں نے کہا کہ اگر روز ان کی تصویر شہباز شریف اور محسن نقوی کیساتھ آئیگی تو انھیں جواب دینا پڑیگا، یہ جیسے ہائی وے پر بھاگتے نظر آئے تھے ویسے ہی بھاگتے نظر آئیں گے۔

فیصل کریم کنڈی نے کہا کہ خیبر پختونخوا کے میدان غیرآباد ہیں، یہ چاہتے تھے کہ یونیورسٹیز میں ان کے اپنے وی سیز آئیں۔

گورنر نے کہا کہ ہمارے ہر ضلع میں یونیورسٹیز بن چکی ہیں، تھرڈ پارٹی آڈٹ کی طرف جارہا ہوں کہ کس نے غیرقانونی بھرتیاں کیں۔

دریں اثنا وزیراعلیٰ خیبرپختونخوا علی امین گنڈاپور کا کہنا تھا کہ بانی پی ٹی آئی ایک نظریے اور سوچ کا نام ہے، انکے نظریے اور سوچ کو کوئی ختم نہیں کرسکتا۔

انھوں نے کہا کہ میں کس سے پوچھوں میرا مجرم کون ہے، کیا میرا مجرم آصف زرداری، مریم نواز، آئی جی پنجاب ہے؟ جبر کر کے ہمارے لوگوں کو ہمارے خلاف استعمال کیا گیا۔

علی امین گنڈاپور نے کہا کہ ہم خاموش ہیں اور انتظار میں ہیں کہ بانی پی ٹی آئی ہمیں نکلنے کا کہیں، ہم اپنا حق لینا اور چھیننا اچھی طرح جانتے ہیں۔

کچے کے ڈاکوؤں نے کراچی میں بھی وارداتیں کرنا شروع کردیں، ٹھٹھہ پولیس نے مغوی نوجوان کو بازیاب کرالیا۔

تفصیلات کے مطابق کچے کے ڈاکو اب دوسرے شہر میں بھی بے خوفی سے وارداتیں کررہے ہیں، ٹھٹھہ پولیس نے سچل کراچی سے اغوا ہونے والا نوجوان کو بازیاب کرالیا ہے جبکہ دو ڈاکوؤں کو بھی پکڑ لیا گیا ہے۔

ڈی آئی جی حیدرآباد طارق دھاریجو نے بتایا کہ ٹھٹھہ پولیس نے کینجھر کے علاقے میں چھاپہ مارا، تاجر کے اغوا میں ملوث 2 اغوا کاروں کو گرفتار کرلیا،

انھوں نے کہا کہ گرفتار اغوا کاروں کا تعلق شکارپور اور لاڑکانہ سے ہے، گرفتار ملزمان میں نجیب سنجرانی اور منظور سولنگی شامل ہیں۔

ڈی آئی جی حیدرآباد طارق کا مزید کہنا تھا کہ اغوا کار تاجر اور ڈرائیور کو اغوا کرکے محفوظ مقام پر لے جارہے تھے۔