اسلام آباد : بجٹ سے قبل بجلی صارفین پر اضافی بوجھ ڈال دیا گیا ، صارفین سے اضافی وصولیاں جون تا اگست 2024 میں کی جائیں گی۔

تفصیلات کے مطابق بجٹ سے قبل ہی مہنگائی کے مارے عوام پر ایک اور بم گرادیا گیا اور بجلی 3 روپے چھہتر پیسے مزید مہنگی کردی گئی۔

نیپرا نے سہہ ماہی ایڈجسٹمنٹ کی مد میں قیمتوں میں اضافے کا نوٹیفکیشن جاری کردیا،جس میں کہا صارفین پر 46 ارب61 کروڑ روپے کا اضافی بوجھ ڈال دیا گیا۔

نوٹیفکیشن میں کہا ہے کہ جون کے لیے فی یونٹ بجلی ایک روپے90 پیسے مہنگی کردی گئی جبکہ جولائی اور اگست کے لیے فی یونٹ بجلی کی قیمت میں93 پیسےکا اضافہ کیا گیا ، صارفین سے اضافی وصولیاں جون تا اگست 2024 میں کی جائیں گی۔

اضافہ رواں مالی سال کی تیسری سہہ ماہی ایڈجسٹمنٹ میں کیا گیا، اس سے قبل نیپرا نے بجلی کی قیمت میں اضافے کا فیصلہ وفاقی حکومت کو بھجوایا تھا۔

یاد رہے 3 روز قبل نیشنل الیکٹرک پاور ریگولیٹری اتھارٹی (نیپرا) نے بجلی کی فی یونٹ قیمت میں 3 روپے 76 پیسے اضافہ کر کے وفاقی حکومت کو فیصلے سے آگاہ کیا تھا۔

پاکپتن : دوسری شادی کی دھمکی لگانے پر باپ کو بے دردی سے قتل کر دیا گیا، بیٹوں نے باپ کے قتل کو زمین تنازعہ کا رنگ دیا۔

تفصیلات کے مطابق پاکپتن میں 60 سالہ زمیندار کے قتل کا ڈراپ سین ہوگیا، زمیندار کو دوسری شادی کی دھمکی لگانا مہنگا پڑا۔

پاکپتن کے تھانہ صدر میں بیٹوں نے باپ کو بے دردی سے قتل کر دیا اور قتل کو زمین تنازعہ کا رنگ دے کر نامعلوم مسلح افراد کے خلاف مقدمہ درج کروایا۔

پولیس نے جدید ٹیکنالوجی کے ذرائع اِستعمال کرتے ہوئے پولیس نے بیٹوں کو حِراست میں لیا، دورانِ تفتیش بیٹوں نے باپ کو قتل کا اِعتراف کرلیا ہے جبکہ آلہ قتل بھی برآمد کرلیا گیا ہے۔

ڈی ایس پی ظہور نے بتایا کہ بیٹوں نے باپ کو قتل کرکے قتل کو زمین تنازعہ کا رنگ دیا اور پانچ مُلزمان کے خلاف مقدمہ درج کروایا۔

ڈی ایس پی کا کہنا تھا کہ 60 سالہ خورشید دوسری شادی کرنا چاہتا تھا،جو کہ بیٹوں کو ناگوار گزرا، جس پر مسلح افراد کے گھر پر دھاوا اور قتل کا ڈرامہ رچا کر بیٹوں نے خود باپ کو قتل کردیا۔

اسلام آباد : پاکستان سے سعودی عرب جانے والے مسافروں کے لیے بڑی خوشخبری آگئی ، مسافر رعایتی ٹکٹ حاصل کرسکیں گے۔

تفصیلات کے مطابق پاکستان انٹرنیشنل ایئر لائنز (پی آئی اے) نے سعودی عرب جانے والے مسافروں کے لیے بڑا اعلان کردیا۔

پی آئی اے نے سعودی عرب جانے والی پروازوں پر 30 فیصد کرایوں میں کمی کا اعلان کیا، جس سے ریاض، دمام، القسیم جانےوالے اسکیم سے استفادہ کرسکیں گے۔

ترجمان کا کہنا تھا کہ کہ مسافر 10 سے 18 جون تک رعایتی کرایوں کی سہولت حاصل کر سکتے ہیں۔

مزید پڑھیں : پی آئی اے نے کرایوں میں 30 فیصد تک کمی کردی

یاد رہے رواں سال اپریل میں پاکستان انٹرنیشنل ائیرلائینز کی جانب سے سعودی عرب کے رہائشی ویزہ اور ورک ویزہ کے حامل افراد کے لیے یکطرفہ کرایوں میں 30 فیصد رعایت کا اعلان کیا گیا تھا۔

رپورٹ کے مطابق جدہ اور مدینہ جانے والے مسافر 7 اپریل سے 11 اپریل 2024 تک فائد اٹھا سکیں گئے اس کے علاوہ ریاض اور دمام جانے والے مسافر بھی 11 اپریل تک فائدہ اٹھا سکیں گئے۔

دوسری جانب عمرہ زائرین کے لیے 20 فیصد تک کرایوں میں کمی کی گئی تھی، کرایوں میں کمی کا اطلاق 7 اپریل سے 11 اپریل تک تھا۔

اسلام آباد : وزیراعظم کےدورہ چین میں ایم ایل ون منصوبے کے مالی معاملات طے پانے کا امکان ہے، معاملات طے پانے پر پاکستان اور چین کےدرمیان فنانسنگ کامعاہدہ ہوگا۔

تفصیلات کے مطابق سی پیک کے تحت کراچی سے پشاور ریلوے اپ گریڈیشن منصوبے میں بڑے بریک تھرو کی راہ ہموارہوگئی۔

وزیراعظم کے دورہ چین میں ایم ایل ون منصوبے کے مالی معاملات طے پانے کا امکان ہے۔

حکومتی ذرائع نے بتایا کہ منصوبے کے لیے فنانسنگ معاہدے کے امور کو حتمی شکل دی جائےگی، معاملات طے پانے پر پاکستان اور چین کے درمیان فنانسنگ کامعاہدہ ہوگا۔

ذرائع کا کہنا ہے کہ منصوبے کےلیے پچاسی فیصد فنڈز چین، جبکہ پندرہ فیصد فنڈزپاکستان فراہم کرے گا، منصوبہ آٹھ سال میں مکمل کرنے کا تخمینہ لگایا گیا ہے۔

منصوبے کے تحت کراچی سے پشاور تک سترہ سو چھبیس کلومیٹر ڈبل ٹریک کو اپ گریڈ کیا جائے گا۔

سی ڈی ڈبلیو پی نے چھ ارب سترکروڑ ڈالرز کے منصوبے کی منظوری دی تھی، یہ منصوبہ چین پاکستان اقتصادی راہداری کا اہم منصوبہ ہے، جو پاکستان کے ریلوے کے نظام کو مضبوط بنائے گا۔

خیال رہے وزیراعظم شہبازشریف چار دن کے دورے پر چین روانہ ہوگئے ہیں ، نائب وزیراعظم اسحاق ڈار، وفاقی وزیراطلاعات عطاء اللہ تارڑ سمیت دیگر وزراء، پاکستانی تاجروں اورسرمایہ کاروں کا بڑا وفد بھی ان کے ہمراہ ہے۔

شہبازشریف چین کے دورے کے پہلے مرحلے میں شینزن جائیں گے، جہاں جدید آئی ٹی کمپنیوں کا دورہ اور فورم میں شرکت کریں گے۔

وزیراعظم شہباز شریف چینی صدر اور وزیراعظم سے اہم ملاقاتیں بھی کریں گے جبکہ دورے کے دوران 79 پاکستانی کمپنیوں کے نمائندوں کی شینزن میں چینی کمپنیوں کے نمائندوں سے ملاقاتیں ہوں گی۔

اسلام آباد : وزیراعظم شہباز شریف کی زیرصدارت نیشنل اکنامک کونسل کا اجلاس 9 جون کو طلب کرلیا گیا۔

تفصیلات کے مطابق وزیراعظم شہباز شریف کی زیرصدارتنیشنل اکنامک کونسل  کا اجلاس 9 جون کو ہوگا، ذرائع نے بتایا کہ
جس میں  قومی ترقیاتی پروگرام کی منظوری دی جائے گی۔

ذرائع کا کہنا تھا کہ وفاقی بجٹ 12 جون کو پیش کیا جائے گا، حکومت جی ڈی پی گروتھ 3.6فیصد مقرر کرے گی اور اگلے مالی سال میں مہنگائی کی شرح کا ہدف 12 فیصد مقرر کرے گی۔

ذرائع نے کہا کہ حکومت اقتصادی ترقی کےاہداف کا سروے 11جون کو جاری کرےگی ، ای ایس کے مطابق رواں مالی سال شرح ترقی 2.38فیصد رہنے کا امکان ہے۔

رواں مالی سال میں صارفی انڈیکس کے مطابق مہنگائی کی شرح 24فیصدرہی جبکہ رواں بجٹ میں پنشن اصلاحات ملکی ترقی کے ایجنڈے پرسب سے اوپر ہے۔

ذرائع کے مطابق بجٹ میں حکومتی اخراجات ،سبسڈیزکومکمل ختم کرنے کا منصوبہ ہے، غریبوں کو کیش کے ذریعے مدد فراہم کی جائےگی اور قومی خزانے پربوجھ اداروں کی جلدنجکاری کردی جائےگی۔

اسلام آباد : پی ٹی آئی نے انتظامیہ کی جانب سے روات میں جلسے کی پیشکش کو ٹھکراتے ہوئے اسلام آباد میں جلسےکی اجازت کیلئے نئی درخواست دے دی۔

تفصیلات پاکستان تحریک انصاف (پی ٹی آئی) نے اسلام آباد میں جلسے کی اجازت کیلئے نئی درخواست دے دی۔

پی ٹی آئی نے انتظامیہ کی طرف سےروات میں جلسےکی پیشکش کوٹھکرادیا، درخواست تحریک تحفظ آئین پاکستان کے پلیٹ فارم کے تحت دی گئی ہے۔

جس میں مؤقف اختیار کیا ہے کہ روات شہرسے دور ہے اور پہلے وہاں کبھی کوئی جلسہ نہیں ہوا، لوگوں کو روات لے جانے میں دشواری ہے، وہاں کاراستہ خراب اورپارکنگ کا بھی کوئی خاص بندوبست نہیں۔

درخواست میں کہا گیا ہے کہ اسلام آباد میں 4 مقامات پر جلسے ہوتے ہیں، ترنول مین پشاور، پشاور موڑ کشمیر ہائی وے، پریڈ گراؤنڈ اور ایف نائن پارک میں بھی جلسے ہوتے ہیں، چاروں مقامات میں سے کسی بھی جگہ پر جلسے کی اجازت دی جائے۔

درخواست پرعامر مسعود مغل اورخانزادہ حسین کے دستخط موجود ہیں۔

لاہور : عید الاضحیٰ کے موقع پر بڑی پابندیاں عائد کردیں گئیں اور اس حوالے سے اہم احکامات بھی جاری کردیئے گئے۔

تفصیلات کے مطابق محکمہ داخلہ پنجاب کی جانب سے بیان میں کہا گیا ہے کہ عید الاضحیٰ کے موقع پر کالعدم تنظیم کو قربانی کی کھالیں اکٹھی کرنے کی اجازت نہیں ہوگی، چیریٹی کمیشن کیساتھ رجسٹرڈادارے کھالیں وصول کر سکیں گے۔

محکمہ داخلہ پنجاب نے بتایا کہ عوامی مقامات پر سری پائے جلانے پر دفعہ 144 لاگوہو گی جبکہ جانوروں کےفضلےکو مین ہول یاکینال میں پھیکنے پربھی دفعہ 144 نافذ ہوگی۔

عید پر دریاؤں، ندی نالوں ،ڈیمزمیں نہانے،کشتی رانی کی اجازت نہیں ہوگی اور عارضی نصب ہونے والے مکینیکل جھولوں پر پابندی عائد ہوگی۔

محکمہ داخلہ نے عیدگاہوں،مساجداورمدارس میں اضافی سیکیورٹی انتظامات کی ہدایت دیتے ہوئے کہا کہ مویشی منڈیوں میں کمیشن یابھتہ وصول نہ کرنےکویقینی بنایاجائے۔

محکمہ داخلہ کا مزید کہنا تھا کہ پنجاب بھرمیں کوئی غیرقانونی مویشی منڈی قائم نہ ہونےدی جائے۔