پاکستان کرکٹ ٹیم آئی سی سی ٹی 20 ورلڈ کپ 2024ء میں شرکت کیلیے لندن سے امریکا پہنچ گئی ہے۔
قومی ٹیم ریاست ٹیکساس کے شہر ڈیلس پہنچی ہے، جہاں پاکستانی ٹیم میگا ایونٹ میں اپنا پہلا میچ 6 جون کو میزبان امریکا کے خلاف کھیلے گی۔
پاکستان ٹی 20 ورلڈ کپ کے گروپ اے میں شامل ہے، جس میں بھارت، امریکا، کینیڈا اور آئرلینڈ کی ٹیمیں بھی موجود ہیں۔
اس سے قبل لندن میں انگلینڈ سے ٹی ٹوئنٹی سیریز ہارنے کے بعد قومی ٹیم کے کپتان بابر اعظم کا کہنا تھا کہ ہم ٹریک پر ہیں، چیزیں کلک نہیں کرپا رہے۔
سیریز میں شکست کے بعد پریس کانفرنس کرتے ہوئے بابراعظم کا کہنا تھا کہ جب چیزیں تبدیل ہوتی ہیں تو ٹریک پر آنے کیلئے ٹائم چاہئے ہوتا ہے۔
انہوں نے کہا کہ جب ہارتے ہیں اس سے کچھ نا کچھ سیکھتے ہیں، بحیثیت ٹیم ہم کولیپس کرگئے ہیں،ٹیم میں تمام کھلاڑی میرٹ پرآئے ہیں،جب کسی کھلاڑی کی پرفارمنس اچھی نہیں ہوتی کہا جاتا ہے سلیکشن غلط ہے۔
بابر اعظم نے کہا کہ جب پرفارم کرے تو کہتے ہیں ٹیم میں کیوں نہیں، ہائی اسکورننگ میچ میں چانس لینا پڑتا ہے، مانتا ہوں ہم نے بولنگ بیٹنگ میں غلطیاں کی ہیں۔
واضح رہے کہ انگلینڈ نے پاکستان کو چوتھے ٹی ٹوئنٹی میں 7 وکٹوں سے شکست دی تھی، انگلینڈ نے 4 میچوں کی سیریز میں 2 صفر سے فتح حاصل کی۔
میزبان ٹیم نے 158رنز کا ہدف 16ویں اوور میں حاصل پورا کرلیا، فل سالٹ نے 45، جوز بٹلر نے 39 رنز اور ول جیک 20 رنز بناکر پویلین لوٹے۔
پاکستان نے چوتھے ٹی ٹوئنٹی میچ میں انگلینڈ کو جیت کے لیے 158 رنز کا ہدف دیا تھا۔ جسے انگلینڈ نے 16ویں اوور میں با آسانی حاصل کرلیا۔ فل سالٹ نے 45، جوز بٹلر نے 39 رنز اسکور کیے۔
