اسلام آباد : ترجمان دفتر خارجہ کا برطانوی ہائی کمشنر جنین میریٹ کے متنازع بیان پر ردعمل سامنے آگیا۔

تفصیلات کے مطابق برطانوی ہائی کمشنر جنین میریٹ کے متنازع بیان پر ترجمان دفتر خارجہ ممتاز زہرا بلوچ نے ردعمل دیتے ہوئے کہا کہ ڈپلومیٹک کور کی جانب سے عوامی تقریبات میں سفارتی آداب کاخیال کرنےکی تجویز دیتے ہیں

ترجمان کا کہنا تھا کہ وزارت خارجہ کی جانب سے سپریم کورٹ کوکسی قسم کی ایڈوائس دینے کا علم نہیں، پاکستان یقین رکھتا ہے کہ ڈپلومیٹک کور عوامی اجتماعات میں بات کرتے ہوئےاحتیاط کریں۔

ممتاز زہرا بلوچ کا کہنا تھا کہ پاکستان بھارتی ہائی کمیشن کو ان کے شہریوں تک قونصلر رسائی فراہم کرتا رہتا ہے اور بارہا غزہ کے محاصرے کے خاتمے اور جنگ بندی کا مطالبہ کیا ہے۔

پاکستان بھارت کرکٹ میچ میں دہشت گردی کے خدشے پر ترجمان نے کہا کہ امید کرتے ہیں امریکا پاکستان کرکٹ ٹیم کاتحفظ یقینی بنائے گا اور پاکستانی شہریوں کی سیکورٹی کو یقینی بنایا جائے گا۔

اسلام آباد : پاکستان نے بشام حملے کی انکوائری تفصیلات افغانستان کیساتھ شیئر کردیں اور سیکرٹری داخلہ اور افغان ڈپٹی سیکریٹری داخلہ میں بات چیت بھی ہوئی۔

تفصیلات کے مطابق ترجمان دفترخارجہ ممتاز زہرا بلوچ نے میڈیا بریفنگ دیتے ہوئے کہا کہ پاکستان نے بشام حملے کی انکوائری تفصیلات افغانستان کیساتھ شیئرکی ہیں اور افغانستان نے اپنی سرزمین دہشتگردی کیلئےاستعمال نہ ہونےکےعزم ظاہرکیا ہے۔

ترجمان دفتر خارجہ نے بتایا کہ گزشتہ روز سیکرٹری داخلہ اور افغان ڈپٹی سیکریٹری داخلہ میں بات چیت ہوئی، یہ بات چیت دہشتگردوں کی جانب سے افغان سرزمین پاکستان کیخلاف استعمال پر تھی اور پاکستانی حکومت نےبشام دہشت گردی پر متعدد شواہد پیش کر دیے ہیں۔

پاک چین تعلقات کے حوالے سے ممتاز زہرا بلوچ کا کہنا تھا کہ پاکستان اور چین کے درمیان رابطے کے بہت سے چینلز ہیں، دونوں ممالک دہشتگردی سمیت ہر ایشو پر بات کرتے رہتے ہیں۔

ان کا کہنا تھا کہ چینی شہریوں کی پاکستان میں سیکورٹی سمیت تمام ایشوز پربات ہوتی ہے، پاک چین تعاون کونقصان پہنچانےکی کوئی کوشش کامیاب نہیں ہوگی۔

اسلام آباد : نائب وزیراعظم اسحاق ڈار نے جسٹس اطہرمن اللہ کے بیان پر تبصرے سے گریز کیا اور کہا اس حوالے سے وزیراعظم سے پوچھیں۔

تفصیلات کے مطابق نائب وزیراعظم اسحاق ڈار نے میڈیا سے گفتگو کرتے ہوئے جسٹس اطہرمن اللہ کے بیان پر سوال پر تبصرے سے گریز کرتے ہوئے کہا کہ جسٹس اطہر من اللہ نے وزیراعظم کو جو جواب دیا اس پر وزیراعظم سے پوچھیں۔

ان  کا کہنا تھا کہ پاکستان کو ٹیک آف کرنے کے دوران کتنی بار گرانا ہے ،ہم پاکستان کو کئی بار ٹیک آف کرتےگراچکے اب بہت ہوچکا۔

مذاکرات کے حوالے سے نائب وزیراعظم نے کہا کہ جو ریاست کے خلاف کھڑا ہوگا اس سے مذاکرات نہیں ہوں گے، مذاکرات اور مفاہمت پر میرا پختہ یقین ہے ، اسی پارلیمنٹ کے سامنے 126 دن کے دھرنے کو مذاکرات سے اٹھایا تھا ،سیاست میں مفاہمت اور مذاکرات ہوتے ہیں اور ہونے چاہئیں۔

سانحہ 9مئی سے متعلق ان کا کہنا تھا کہ سانحہ 9 مئی ریاست کے خلاف تھا، جی ایچ کیو ، جناح ہاؤس ،تنصیبات پر حملہ کرنے پر کوئی معافی نہیں دے سکتا، فارمیشن کمانڈرز کانفرنس نے جس مؤقف کا اظہار کیا وہ ہر پاکستانی کا مؤقف ہے ،سانحہ 9مئی میں ملوث عناصر کے لیے کوئی رعایت مناسب نہیں۔

انھوں نے مزید کہا کہ خیبرپختونخواکا بجٹ وفاقی بجٹ سے پہلے منظور ہونا معمول سے ہٹ کر ہے ، چار وفاقی اکائیوں کا بجٹ مل کر وفاق کا بجٹ بنتا ہے۔

اسلام آباد : یورپی کمیشن پاکستانی ایئرلائنز سےمتعلق فیصلہ آج کرے گی، جس میں پاکستانی ایئرلائنزکی بحالی کاامکان ہے۔

تفصیلات کے مطابق پی آئی اے سمیت تمام پاکستانی ایئرلائنز کی یورپی ملکوں میں بحالی کے معاملے پر یورپی کمیشن کااہم ترین اجلاس آج جمعہ کو طلب کرلیا گیا ہے۔

یورپی کمیشن ایئرلائنز سے متعلق فیصلہ آج کرے گی، جس میں پاکستانی ایئرلائنز کی بحالی کا امکان ہے۔

بحالی اقدامات سے متعلق جائزہ اجلاس 14 سے 16 مئی برسلز میں ہوا ، جس میں پاکستان ایوی ایشن ٹیم نے یورپی حکام کوتمام معاملات پرمطمئن کیا تھا۔

ذرائع کا کہنا ہے کہ پی آئی اےسمیت تمام ایئرلائنز پر یورپی ملکوں میں پابندی ختم ہوجائے گی۔

سی اے اے نے اکاؤ کے یونیورسل ایوی ایشن سیکیورٹی آڈٹ میں بھی کامیابی حاصل کررکھی ہے، سول ایوی ایشن نے ایاسا کے اہم شعبوں کا اسسمنٹ (جانچ پڑتال) میں کامیابی حاصل کی تھی۔

آئی کیو کا 2023 کیلئے 80 فیصد ہدف تھا جبکہ پاکستان کو86.73 فیصد سے کامیابی ملی تھی۔

کراچی: کورنگی عوامی کالونی تھانے کی پرائیویٹ پارٹی سرکاری ملازم کے اغوا میں ملوث نکلی، متاثرہ شہری نے اغوا کرنے والے افراد کے خلاف کارروائی کا مطالبہ کردیا ہے۔

تفصیلات کے مطابق کراچی کے علاقے کورنگی عوامی کالونی تھانے کی پرائیویٹ اسپیشل پارٹی نے تاوان وصولی کے بعد سرکاری ملازم کو رہا کردیا۔

متاثرہ ملازم کاویڈیو بیان سامنے آگیا ہے، جس میں بتایا کہ 11 مئی کی رات کورنگی نمبر 4 کے ڈی اےآفس کے قریب ہوٹل پر بیٹھا ہوا تھا کہ موٹرسائیکل سوار3 افراد آئے اور اپنی موٹرسائیکل پر بیٹھ کر مجھےعوامی کالونی تھانے لے گئے۔

ملازم کا کہنا تھا کہ سادہ لباس افراد نے مجھے لاک اپ میں بند کردیا ، 4 گھنٹےبعدحاجی نامی شخص میرے پاس آیا اور کہا گھر والوں سےایک لاکھ روپےمنگواؤں اور رقم نہ دینے کی صورت پر مجھے سنگین مقدمات میں پھسانے کی دھمکی دی۔

متاثرہ شہری نے کہا کہ میرے پاس اتنی بڑی رقم موجود نہیں تھی ،جیب میں 7 ہزار روپے نقدی رقم تھی ، جس کے بعد سادہ لباس افراد نے 7 ہزار روپے لیکر مجھے چھوڑ دیا۔

شہری نے آئی جی سندھ سے درخواست کی کہ مجھے اغوا کرنےوالے افراد کے خلاف کارروائی کی جائے۔