پاکستان کے سابق کپتان سرفراز احمد پاکستان کرکٹ ٹیم سے کیوں باہر ہیں، اس حوالے سے قومی کرکٹر عمر اکمل نے لب کشائی کی ہے۔

نجی چینل کے پروگرام میں گفتگو کرتے ہوئے پاکستانی بیٹر عمر اکمل نے چیمپئنزٹرافی کے فاتح کپتان سرفراز احمد کے پاکستان ٹیم میں نہ ہونے کی وجہ بتائی، عمر اکمل نے کہا کہ سرفراز احمد بہت جلدی باتوں میں آگئے تھے، اگر وہ باتوں میں نہ آتے تو شاید یہ آج پی ایس ایل بھی کھیل رہے ہوتے، اور ٹیم میں بھی ہوتے۔

عمر اکمل نے کہا کہ سرفراز احمد اپنے پاس تھوڑی سی اتھارٹی رکھتے جیسے شاہد آفریدی اور یونس خان نے رکھی ہوئی تھی تو ایسا نہ ہوتا۔

انھوں نے کہا کہا شاہد بھائی اور یونس بھائی نے بھی لمبی کپتانی کی ہے اور ٹیم کو ساتھ لے کر چلے ہیں، اگر سرفراز اس وقت اتھارٹی رکھتے تو وہ آج بھی کپتان ہوتے۔

عمر اکمل کا کہنا تھا کہ پاکستان کی ٹیم میں جو آج کھچڑی بنی ہوئی ہے کہ کپتان میں نہیں ہوں اور اس نے یہ کردیا وہ کردیا، میں نے نہیں پرفارم کرنا۔

تاہم آج سرفراز احمد کپتان ہوتے تو سارے اس کی زیرکپتانی کھیل رہے ہوتے اور جس طرح انھوں نے پاکستان کی ٹیم کو دو سال ٹی ٹوئنٹی میں وائٹ بال میں نمبر ون رکھا ہے آج بھی ٹیم وہیں پر ہوتی۔

قومی بیٹر عمر اکمل کا مزید کہنا تھا کہ سرفراز احمد کپتان ہوتے تو پاکستان کا نام اور بڑا ہوتا، ایسا نہیں ہوتا کہ آج ہم یہ سوچتے ہیں کہ افغانستان سے سیریز جیت جائیں یار۔

کچھ امیدیں زندہ رکھنا چاہتا ہوں شاید ایک موقع اور مل جائے، سرفراز احمد

پاکستان سپر لیگ 10 میں پاکستان کے ٹاپ بیٹر بابر اعطم کو لگاتار دوسری بار آئوٹ کرنے پر محمد عامر نے گرائونڈ میں منفرد انداز میں جشن منایا۔

پشاور زلمی کے کپتان بابر اعظم اس بار پی ایس ایل میں اپنے پرانے رنگ میں نظر نہیں آرہے اور اب تک کھیلے جانے والے میچز میں ان کی کارکردگی نہایت واجبی سی رہی ہے، آج کوئٹہ کے خلاف میچ میں وہ ایک بار پھر سے محمد عامر کا شکار بن گئے۔

انٹرنیشنل کرکٹ سے ریٹائرمنٹ لینے والے کوئٹہ کے فاسٹ بولر محمد عامر نے بابراعظم کو 12 رنز پر ایل بی ڈبلیو کردیا، بابر نے آئوٹ ہونے سے پہلے ایک چوکا اور چھکا بھی لگایا۔

محمد عامر پشاور کے کپتان کو آئوٹ کرنے کے بعد دوڑتے ہوئے اپنی ٹیم کوئٹہ کے ڈگ آئوٹ کی طرف بھاگے اور پشپا کے اسٹائل میں گلے کے نیچے سے ہاتھ بھی گھمایا۔

اس کے بعد انھوں نے منہ سےاشارہ کرتے ہوئے دھماکے کا بھی اشارہ کیا، اس موقع پر کوئٹہ کےمینٹور ویون رچرڈز انھیں ٹھنڈا رہنے کا اشارہ کرتے ہوئے نظر آئے۔

خیال رہے کہ اس سے قبل بھی کوئٹہ گلیڈی ایٹرز اور پشاور کے درمیان ہونے والے پی ایس ایل 10 کے پہلے مقابلے میں لیفٹ آرم فاسٹ بولر محمد عامر نے ہی بابر اعظم کو پویلین کا راستہ دکھایا تھا۔