اسلام آباد : قومی انسداد پولیو مہم نے مقررہ سے زائد 102 فیصد ہدف حاصل کرلیا، مہم میں 3 کروڑ45 لاکھ 41281 بچوں کی ویکسی نیشن کی گئی۔

تفصیلات کے مطابق رواں سال کی آخری قومی انسداد پولیو مہم کی پرفارمنس رپورٹ تیار کرلی گئی ، ذرائع نے بتایا ہے کہ قومی انسدادپولیومہم نےمقررہ سےزائد102فیصدہدف حاصل کرلیا ہے۔

رپورٹ میں بتایا گیا ہے کہ قومی انسدادپولیومہم کا ہدف3کروڑ36لاکھ36243بچوں کی ویکسی نیشن تھی، انسدادپولیو مہم میں 3کروڑ45لاکھ41281بچوں کی ویکسی نیشن کی گئی۔

پنجاب میں102،سندھ میں103فیصد بچوں کی پولیوویکسی نیشن اور خیبرپختونخوامیں101فیصدبچوں کی ویکسی نیشن مکمل کی گئی تاہم بلوچستان مقررہ ہدف حاصل نہ کرسکا، بلوچستان میں99فیصدبچوں کی پولیوویکسی نیشن ہوسکی۔

آزادکشمیر103، گلگت بلتستان میں102 فیصدبچوں کی ، وفاقی دارالحکومت میں110فیصد بچوں کی پولیوویکسی نیشن مکمل ہوئی۔

پنجاب میں2کروڑ31لاکھ1029بچوں ، سندھ میں1کروڑ58لاکھ 3043 بچوں ، خیبرپختونخوامیں68لاکھ9832بچوں ، وفاقی دارالحکومت میں463347بچوں ، آزادکشمیر741263، گلگت بلتستان میں 284694 بچوں کی ویکسی نیشن مکمل ہوئی۔

اس کے عبلوچستان میں 25 لاکھ 96881 بچوں کی پولیوویکسی نیشن کا ہدف تھا تاہم بلوچستان میں 25 لاکھ 58 ہزار73بچوں کی پولیو ویکسی نیشن ہوسکی۔

کراچی : مختلف ایئرسروسز لائسنسز کی کیٹگریز کی فیسوں میں اضافہ کر دیا گیا، جس میں پسنجرز اور کارگو ریگولر پبلک ٹرانسپورٹ لائسنس اجرا سے قبل 6 سو ملین روپے پیڈ اپ کیپیٹل ضروری قرار دیا ہے۔

تفصیلات کے مطابق قومی ایوی ایشن پالیسی 2023 کے تحت مختلف ائرسروسزلائسنسزکی کیٹگریز کی فیسوں میں اضافہ کر دیا گیا، لائسنسز فیس میں اضافہ کی وجہ ہوابازی میدان میں مستحکم کمپنیوں کی موجودگی یقینی بنانا ہے۔

پسنجرز اورکارگوریگولرپبلک ٹرانسپورٹ لائسنس اجرا سے قبل 6 سو ملین روپے پیڈ اپ کیپیٹل ضروری قرار دیا جبکہ آر پی ٹی لائسنس کے لئے 1 سوملین روپے ابتدائی سیکورٹی ڈپازٹ بھِی لازمی قرار دیا ہے۔

ٹورازم پروموشن اینڈ ریجنل اںٹریگیشن لائسنس کے لئے 50 ملین پیڈ اپ کیپیٹل اور10ملین کیش سیکورٹی ڈپازٹ ضروری ہو گا۔

چارٹرسروس لائسنس کلاس ٹوکے لئے 100 ملین پیڈ اپ کیپیٹل اور20 ملین ابتدائی کیش سیکورٹی ڈپازٹ ، چارٹرسروس لائسنس کلاس ون کے لئے 50 ملین پیڈ اپ کیپیٹل اور10 ملین ابتدائی کیش سیکورٹی ڈپازٹ لازمی قرار دیا۔

ایریل ورک لائسنس کلاس ٹوکے لئے 50 ملین پیڈ اپ کیپیٹل اور10 ملین ابتدائی کیش سیکورٹی ڈپازٹ، ایریل ورک لائسنس کلاس ون کے لئے20 ملین پیڈ اپ کیپیٹل اور10 ملین ابتدائی کیش سیکورٹی ڈپازٹ لازمی ہو گا۔

فلائنگ اسکول لائسنس کلاس ٹو کے لئے20 ملین پیڈ اپ کیپیٹل اور10 ملین ابتدائی کیش سیکورٹی ڈپازٹ اور فلائنگ اسکول لائسنس کلاس ون کے لئے10 ملین پیڈ اپ کیپیٹل اور3 ملین ابتدائی کیش سیکورٹی ڈپازٹ لازمی قرار دیا گیا ہے۔

گراونڈ اسکول لائسنس اجرا سے قبل 2 ملین روپے پیڈ اپ کیپیٹل اور1ملین ابتدائی کیش سیکورٹی ڈپازٹ لازمی ہوگا جبکہ پرائیوٹ ائرآپریشنز کلاس ٹوکے لئے 10ملین ابتدائی کیش سیکورٹی ڈپازٹ اور پرائیوٹ ائرآپریشنز کلاس ون کے لئے 5ملین ابتدائی کیش سیکورٹی ڈپازٹ لازمی جمع کرانا ہوگا۔

انقرہ : آرمی پبلک اسکول کے شہدا کی یاد میں تقریب کا انعقاد کیا گیا ، جس میں شہدا کو بھرپور خراج عقیدت پیش کیا گیا۔

تفصیلات کے مطابق آرمی پبلک اسکول پشاور پر وحشیانہ دہشت گرد حملے میں شہید ہونے والے اسکول کے بچوں اور عملے کو خراج عقیدت پیش کرنے کے لیے ترک دارالحکومت انقرہ کے علاقے کیسورین میں تقریب منعقد ہوئی، تقریب میں شہدا کو بھرپور خراج عقیدت پیش کیا گیا۔

سانحہ اے پی ایس کی یاد میں انقرہ میں ہونے والی تقریب میں پاکستانی سفیر، جسٹس اینڈ ڈویلپمنٹ پارٹی، کیسورین میونسپلٹی اور پاکستانی سفارتخانے کےعہدیداروں نے شرکت کی۔

پاکستان کے ساتھ یکجہتی کا اعادہ کرتے ہوئے انقرہ کے میئر Keçiören Turgut Altinok نے اے پی ایس دہشت گردانہ حملے کی پر زور مذمت کی۔

انقرہ کے میئر کا کہنا تھا کہ ترک عوام زندگی کے تمام پہلوؤں بالخصوص دہشت گردی کے خلاف جنگ میں اپنے پاکستانی بھائیوں کے ساتھ کھڑے رہیں گے۔

میئر نے ہندوستان کے غیر قانونی طور پر زیر قبضہ مقبوضہ جموں و کشمیر کے باسیوں کے ناقابل تنسیخ حق خود ارادیت کے حصول کے لیے بھی ترکی کی حمایت کا اعادہ کرتے ہوئے اظہارِ یکجہتی اور دہشت گردانہ حملوں میں شہید ہونے والی قیمتی جانوں کی یاد کو زندہ رکھنے پر ترک بھائیوں کا تہہ دل سے شکریہ ادا کیا۔

پاکستانی سفیر کا کہنا تھا کہ یہ 144 درخت دہشت گردی سے لڑنے کے لیے پاکستان اور ترکی کے 30 کروڑ عوام کے پختہ عزم کی عکاسی کرتے ہیں، دونوں ممالک کو دہشتگردی کی وجہ سے بے شمار نقصانات کا سامنا کرنا پڑا ہے۔

بھارت کے غیر قانونی طور پر زیر قبضہ مقبوضہ جموں و کشمیر کی حیثیت سے متعلق بھارتی سپریم کورٹ کے حالیہ فیصلے کا حوالہ دیتے ہوئے سفیر نے کہا کہ یہ فیصلہ ریاستی دہشت گردی کی عکاسی کرتا ہے، جموں و کشمیر بین الاقوامی سطح پر تسلیم شدہ تنازعہ ہے۔

ان کا کہنا تھا کہ جموں و کشمیر کا حتمی فیصلہ اقوام متحدہ کی سلامتی کونسل کی متعلقہ قراردادوں اور کشمیری عوام کی امنگوں کے مطابق کیا جانا ہے، اقوام متحدہ کی قراردادوں پر بھارتی آئین اور بھارتی عدالتوں کی بالادستی نہیں ہے۔

بعد ازاں سفیر نے میئر کیسیورین اور دیگر معززین کے ہمراہ اے پی ایس کے شہداء کی یادگار پر پھولوں کی چادر چڑھائی۔

اسلام آباد: ملک بھر کی موبائل فون سمز بائیو میٹرک کرنے کے دعوے غلط ثابت ہوئے، سمز رجسٹریشن کیلئے انگوٹھوں کے جعلی نشانات استعمال ہونے لگے۔

تفصیلات کے مطابق پابندیاں سخت ہونے پر جعل سازوں نے بھی نت نئے طریقے ایجاد کرلئے، سمز رجسٹریشن کیلئے انگوٹھوں کے جعلی نشانات کے استعمال ہونے کا انکشاف ہوا ہے۔

رپورٹ میں انکشاف ہوا ہے کہ سیلیکون سے بنے انگوٹھوں پر نقش اتار کر سمیں رجسٹرڈ کرائی جاتی ہیں، 4 سال میں سیلیکون انگوٹھوں پر رجسٹرڈ 80 ہزار سے زائد سمز پکڑی گئیں۔

ایف آئی اے سائبر کرائم سرکل نے تفصیلی رپورٹ وزارت داخلہ میں جمع کرادی، رپورٹ کے مطابق جعل ساز ووٹر لسٹوں یا سستی اشیا کا جھانسا دیکر فنگر پرنٹ لیتے ہیں، فنگر پرنٹس سیلیکون انگوٹھوں پر نقش کرکے سم رجسٹرڈ کرائی جاتی ہیں۔

رپورٹ کے مطابق غیر رجسٹرڈ سمز دہشت گردوں کے زیر استعمال ہونے کا انکشاف ہوا، اس وقت بھی جعلی رجسٹریشن والی ساڑھے 3 ہزار سے زائد سمز فعال ہیں۔

رپورٹ میں بتایا گیا کہ 4 سال کے دوران 93 مقدمات درج جبکہ  193 افراد کو گرفتار کیا گیا ہے اس کے علاوہ بائیو میٹرک کرنے والی 294 جعلی ڈیوائسز  بھی پکڑی گئیں۔