بالی وڈ ہدایت کار وشال بھردواج نے انکشاف کیا ہے کہ عرفان خان زندگی کے آخری ایام میں اپنے درد کو کم کرنے کے لیے خود اپنے آپ کو لوری سناتے تھے۔

عرفان خان کے 2020 میں اس دارفانی سے کوچ کرجانے تک وہ اور وشال ایک دوسرے کے بہت اچھے دوست اور رابطے میں تھے۔ ایک انٹرویو کے دوران وشال بھردواج نے انکشاف کیا ہے کہ ان کے پاس عرفان خان کے آخری دنوں کی وائس ریکارڈنگ موجود ہے۔

معروف ہدایت کار نے کہا کہ میرے پاس اب بھی ان کی ریکارڈنگ موجود ہے۔ اپنے آخری دنوں میں، وہ بہت زیادہ تکلیف میں رہے ہونگے، اس لیے وہ سو نہیں سکتے تھے۔

وشال نے بتایا کہ عرفان خود اپنے آپ کو لوری سناتے تھے اور مجھے وہ ریکارڈنگ بھیجتے تھے۔ وہ کہتے تھے کہ اب آپ کو میری اداکاری کے ساتھ میرا گانا بھی سنا پڑیگا وشال صاحب۔

انھوں نے بتایا کہ عرفان لندن سے میرے ساتھ رابطے میں تھے، میری ان سے بات ہوتی رہتی تھی۔ ہمیں امید تھی کہ وہ واپس ممبئی آکر پھر سے کام کا آغاز کریں گے مگر ایسا نہ ہوسکا۔

واضح رہے کہ دار فانی سے کوچ کرجانے والے اداکار عرفان خان اور معروف ہدایت کار وشال بھردواج نے کافی عرصے ساتھ کام کیا ہے۔ تاہم 2003 میں ریلیز ہونے والی فلم مقبول کے بعد دنوں کو شہرت ملی۔

اس فلم کے بعد عرفان خان اتنے مشہور ہوئے کہ وہ عالمی سطح کے اداکار بن گئے اور انھوں نے کئی ہالی وڈ فلموں میں بھی اداکاری کے جوہر دکھائے جبکہ وشال نے بھی گزرتے عرصے میں بالی وڈ میں اپنی ہدایت کاری کا لوہا منوالیا۔

بالی وڈ کے بادشاہ شاہ رخ اور کامیاب ترین ہدایت کار راج کمار ہیرانی کی فلم ’ڈنکی‘ کے حوالے سے بھارتی سنسر بورڈ کا اہم فیصلہ سامنے آگیا۔

غیرملکی میدیا رپورٹس کے مطابق بہت ہی معمولی کٹس کے ساتھ انڈین سینسر بورڈ کی جانب سے ’جوان‘ کے اداکار کی نئی فلم ’ڈنکی‘ کو نمائش کی اجازت دے دی گئی ہے۔ فلم مجموعوعی طور پر 161 منٹس دورانیے پر مشتمل ہے۔

’ڈنکی‘ نے سینسر بورڈ کے تمام تقاضوں کو پورا کرلیا ہے اور اسے سی بی ایف سی کی جانب سے یو/اے سرٹیفکیٹ سے نوازا گیا ہے۔ سینسر بورڈ کے سرٹیفکیٹ سے اندازہ ہوتا ہے فلم دو گھنٹے 41 منٹ کی ہے۔

بھارتی ذرائع ابلاغ کا کہنا ہے کہ سینسر بورڈ نے فلم میں بہت معمولی کٹ لگائے ہیں جس سے فلم کی کہانی پر کوئی اثر نہیں پڑتا۔

سینسر بورڈ کی جانب سے جاری کیے گئے سرٹیفکیٹ کے مطابق فلم کا مجموعی دورانیہ دو گھنٹے 41 منٹ اور 24 سیکنڈ ہے۔

فلم میں بالی وڈ کنگ کے ہمراہ ساؤتھ کی معروف اداکارہ تاپسی پنوں مرکزی کردار میں نظر آئیں گی۔ اس کے علاوہ وکی کوشل اور بومن ایرانی جیسے بہترین اداکار بھی فلم کا حصہ ہیں۔

واضح رہے کہ یہ شاہ رخ خان کی اس سال ریلیز ہونے والی تیسری فلم ہے جس میں غیرقانونی طور پربیرن ملک جانے والوں کی مشکلات کو اجاگر کیا گیا ہے۔ ڈنکی 21 دسمبر کو دنیا بھر میں ریلیز کی جائے گی۔