عالمی شہرت یافتہ گلوکار راحت فتح علی خان نے وطن عزیز کی عوام کیلئے خاص پیغام جاری کیا ہے۔
گلوکار راحت فتح علی خان نے کہا کہ ہمیں پاک فوج کے احسانات کو نہیں بھولنا چاہیے، کیا جو قربانیاں پاک فوج کے جوانوں نے دیں کیا ہم سویلین دے سکتے ہیں؟۔
راحت فتح علی خان نے کہا کہ فوج کا دشمن، پاکستان کا دشمن ہے ہمیں یہ سمجھنے کی ضرورت ہے۔
راحت فتح علی خان نے مشہور گانا "اے وطن کے سجیلے جوانوں” گا کر شہدائے پاک افواج کو خراجِ عقیدت بھی پیش کیا۔
بھارتی ٹینس اسٹار اور قومی کرکٹ ٹیم کے کھلاڑی شعیب ملک کی اہلیہ ثانیہ مرزا نے سوشل میڈیا پر اپنی تصاویر شیئر کی ہے۔
ثانیہ مرزا نے ویڈیو اینڈ فوٹو شیئرنگ ایپ انسٹاگرام پر اپنی نئی تصاویر پوسٹ کیں، تصویر شو کے سیٹ پر عکسبند کی گئی ان تصاویر میں ثانیہ مرزا نے دیدہ زیب ویسٹرن سوٹ پہنا ہوا ہے، جس میں وہ نہایت دلکش دکھائی دے رہی ہیں۔
View this post on Instagram
بھارتی ٹینس اسٹار ثانیہ مرزا یہ تصاویر کچھ گھنٹے قبل اپ لوڈ کی گئیں، جسے اب تک ہزاروں صارفین لائک کرسکے اور اپنی پسندیدگی کا اظہار کرچکے ہیں۔
View this post on Instagram
واضح رہے کہ ثانیہ مرزا سوشل میڈیا پر انتہائی متحرک رہتی ہیں اور گاہے بگاہے مختلف ویڈیوز اور تصاویر شیئر کرتی رہتی ہیں جسے صارفین کی جانب سے خوب پزیرائی بھی ملتی ہیں، ثانیہ مرزا کے انسٹا گرام پر 11 ملین سے زائد فالوورز ہیں۔
پشاور: صوبہ خیبر پختونخواہ کے شہر سوات میں زلزلے کے جھٹکے محسوس کیے گئے، زلزلے کی شدت 3.1 ریکارڈ کی گئی۔
تفصیلات کے مطابق سوات میں زلزلے کے جھٹکے محسوس کیے گئے، زلزلہ پیما مرکز کا کہنا ہے کہ زلزلے کی شدت 3.1 تھی اور گہرائی 10 کلو میٹر تھی۔
زلزلے کا مرکز سوات سے 21 کلو میٹر جنوب میں تھا۔
زلزلے کے جھٹکے محسوس ہوتے ہی لوگ خوفزدہ ہو کر کلمہ طیبہ کا ورد کرتے ہوئے گھروں اور دفاتر سے باہر نکل آئے۔
خیال رہے کہ چند روز قبل پختونخواہ کے مختلف شہروں میں زلزلے کے شدید جھٹکے محسوس کیے گئے تھے۔
22 مئی کو آنے والے زلزلے کی شدت ریکٹر اسکیل پر 5.2 ریکارڈ کی گئی تھی، زلزلے کی گہرائی 91 کلومیٹر جبکہ مرکز افغانستان تاجکستان کا سرحدی علاقہ تھا۔
مشرقی یوکرین کے شہر دنیپرو میں طبی کلینک پر روسی میزائل حملے میں دو افراد ہلاک جبکہ تیس سے زیادہ زخمی ہوگئے۔
مشرقی یوکرین کے شہر دنیپرو میں طبی کلینک پر روسی میزائل حملے میں 2 افراد ہلاک ہوگئے جبکہ متعدد افراد زخمی ہیں، زخمیوں میں 3 سے 6 سال کی عمر کے 2 بچے بھی شامل ہیں۔
https://twitter.com/ZelenskyyUa/status/1662024887731474432?s=20
یوکرینی صدر زیلنسکی نے حملے کو ظلم قراردیا ہے ساتھ ہی انہوں نے کلینک پر حملے کی ویڈیو بھی جاری ہے ہے۔
دوسری جانب یوکرینی حکام نے دعویٰ کیا ہے کہ انہوں نے رات بھر روس سے داغے گئے 17 میزائلوں اور 31 ڈرونزمار گرائے ہیں۔
اسلام آباد : وزیردفاع خواجہ آصف نے نومئی کے واقعات کو پاکستان کیلئے نائن الیون قراردے دیا اور کہا نو مئی کو جو ہوا وہ سوچ بھی نہیں سکتے تھے۔
تفصیلات کے مطابق وزیردفاع خواجہ آصف نے عرب نیوز کوانٹرویو دیتے ہوئے کہا کہ نو مئی کو جو ہوا وہ سوچ بھی نہیں سکتے تھے، نو مئی ایسا ہے جیسا امریکا کے لئے نائن الیون تھا۔
پی ٹی آئی پر پابندی کے سوال پر خواجہ آصف کا کہنا تھا کہ کسی بھی جماعت پرپابندی لگانے کا ایک عمل ہوتا ہے، اگر یہ عمل شروع ہوتا ہےتو معاملہ پارلیمنٹ میں لائیں گے۔
آئی ایم ایف پروگرام کے حوالے سے وزیردفاع نے بتایا کہ آئی ایم ایف کوئی بڑی رقم نہیں دے رہا، آئی ایم ایف کا پروگرام رواں سال جون میں ختم ہوجائے گا۔
ان کا مزید کہنا تھا کہ متحدہ عرب امارات، سعودی عرب، چین سمیت دوست ممالک مدد کررہے ہیں،،جلد اس معاشی بحران سے نکل جائیں گے۔
گذشتہ روز وزیر دفاع خواجہ آصف نے نو مئی کے واقعات کو سوچی سمجھی سازش قرار دیتے ہوئے کہا تھا کہ عمران خان پر قاتلانہ حملہ ہوا تب ایسا ردعمل کیوں نہیں آیا؟ بغاوت کے منصوبے کا ماسٹر مائنڈ عمران خان تھا۔
ان کا کہنا تھا کہ نو مئی کو ریڈ لائن کراس کی گئی، تحریک انصاف چھوڑنے والوں کا پارٹی بدلنا کوئی نئی بات نہیں، کچھ لوگوں نے
وزیر دفاع نے کہا تھا کہ پاک افواج کےبہادرسپوتوں نے ہماری حفاظت کےلیے جان قربان کی ، شہداکی قربانیوں کےصدقے آج پاکستان قائم ہے، آج ہم دشمن کی آنکھوں میں آنکھیں ڈال کراس کوللکارسکتےہیں۔
خواجہ آصف کا پی ٹی آئی پر پابندی سے متعلق کہنا تھا کہ پابندی لگانےکاجائزہ لیاجارہاہےفیصلہ اتحادیوں سے مشاورت کے بعد ہوگا، پارلیمنٹ کےذریعےاس پرعمل درآمد کیا جائے گا مگرابھی کوئی فیصلہ نہیں ہوا۔
انھوں نے مزید کہا تھا کہ جو ٹی وی پرپارٹی چھوڑنےکااعلان کررہے ہیں، ان کی سیاسی پیدائش10،12سال سے پرانی نہیں۔
کراچی : تحریک انصاف کے سابق رہنما فیصل واوڈا کا کہنا ہے کہ اگلے 72 گھنٹے میں ایک اور کیڑا چھوڑ جائے گا۔ یہ اپنی جان بچانے کیلئے خان کوچھوڑ کر نکل رہے ہیں۔
تفصیلات کے مطابق تحریک انصاف کے سابق رہنما فیصل واوڈا نے سماجی رابطے کی ویب سائٹ ٹوئٹر پر علی زیدی کا پارٹی نہ چھوڑنے سے متعلق ویڈیو بیان اور ساتھ میں پارٹی سے علیحدگی کی خبر کا اسکرین شارٹ شیئر کیا جبکہ علی زیدی کی جانب سے انہیں پارٹی سے معطل کئے جانے کا نوٹیفکیشن بھی ٹوئٹ کردیا۔
فیصل واوڈا نے اپنے ٹوئٹ میں لکھا ‘میں قوم کومسلسل کہتا رہا اب خودکیڑےاورسانپوں کی اصلیت دیکھ لیں،میں خان کو بچانے کیلئے پارٹی سےنکالاگیا،یہ سب اپنی جان بچانے کیلئے خان کو چھوڑ کر نکل رہے ہیں۔’
فیصل واوڈا کا کہنا تھا کہ’ اس گٹرکےکیڑےکی باتیں یادہیں نہ آپکو، دی اینڈ کہنے والے کا خود دی اینڈ ہوگیا، اگلے 72 گھنٹے میں ایک اور کیڑا چھوڑ جائے گا۔’
میں قوم کومسلسل کہتا رہا اب خودکیڑے اورسانپوں کی اصلیت دیکھ لیں، میں خان کو بچانےکیلئے پارٹی سے نکالاگیااور یہ سب اپنی جان بچانے کیلئے خان کو چھوڑ کرنکل رہےہیں۔اس گٹر کےکیڑے کی باتیں یاد ہیں نہ آپکو The End کہنےوالے کا خود The End ہو گیا۔ اگلے 72 گھنٹے میں 1 اور کیڑا چھوڑ جائیگا۔ pic.twitter.com/4Yj2H9dCfB
— Faisal Vawda (@FaisalVawdaPTI) May 27, 2023
یاد رہے آج صبح پاکستان تحریک انصاف (پی ٹی آئی) کے رہنما علی زیدی نے سیاست سے کنارہ کش ہونے کا اعلان کیا تھا۔
تحریک انصاف سندھ کے صدر علی زیدی نے جاری کردہ ویڈیو بیان میں کہا تھا کہ میں نے پاکستان کی خدمت کی ہے، پاک افواج ہمارا فخر ہے، 9 مئی واقعات کی پہلے بھی مذمت کی ہے۔
علی زیدی کا کہنا تھا کہ میں نے فیصلہ کیا ہے سیاست چھوڑ دوں گا، پاکستان کے لیے سیاست میں آیا تھا، میں نو مئی واقعات کی دوبارہ مذمت کرتا ہوں، پاک افواج کی وجہ سے ہم سکون سے سوتے ہیں۔
اسلام آباد : اسلام آباد ہائی کورٹ نے پی ٹی آئی رہنما شاہ محمود قریشی کو فوری طور پر نظربندی سے رہا کرنے کا حکم دے دیا۔
تفصیلات کے مطابق اسلام آباد ہائی کورٹ نے پی ٹی آئی رہنما شاہ محمود قریشی کی رہائی کا تفصیلی فیصلہ جاری کر دیا۔
اسلام آباد ہائیکورٹ کے جسٹس میاں گل حسن اورنگزیب نے فیصلہ جاری کیا، فیصلے میں شاہ محمود قریشی کی احتیاطی نظر بندی کا حکم غیر قانونی قرار دیا۔
عدالتی فیصلے میں کہا کہ پولیس کی خصوصی رپورٹ میں کوئی خاصیت نہیں ہے، شاہ محمود قریشی کی طرف سے مسلح افواج کے خلاف دیے گئے کسی خاص بیان کو غلط قرار نہیں دیتی، اس مواد کی بنیاد پر میرا خیال ہے کہ ایم پی او کے سیکشن 3 کے تحت ایسا حکم جاری نہیں کیا جا سکتا۔ سیکشن 3 ایم پی او کے تحت کوئی حکم قیاس پر مبنی نہیں ہو سکتا۔
فیصلے میں کہا گیا کہ 3 ایم پی او کے تحت بنیاد ٹھوس شواہد پر ہونی چاہیے، جن بنیادوں کی بنیاد پر کسی شخص کی نظر بندی کا حکم جاری کیا جاتا ہے، آئین کے آرٹیکل 9 کے مطابق کسی بھی شخص کی زندگی یا آزادی سے محروم نہیں کیا جائے گا۔
تفصیلی فیصلے میں کہنا تھا کہ 3 ایم پی او کے تحت لوگوں کو حراست میں رکھنے کے لیے قانون کے ذریعے فراہم کردہ اختیارات کے علاوہ کسی اور بنیاد پر استدعا نہیں کی جا سکتی۔
عدالتی فیصلے کے مطابق جو اتھارٹی 3 ایم پی او کے تحت احتیاطی نظر بندی کا حکم جاری کرتی ہے۔ اسے خود کو مطمئن کرنا ہوگا کہ اس کے سامنے پیش کیا گیا مواد/شواہد نظر بندی کے حکم کو درست ثابت کرنے کے لیے کافی ہیں، ایسا نہ کرنے کی صورت میں نظر بندی کا حکم آئین کے آرٹیکل 9 کی خلاف ورزی ہو گا، ان کارروائیوں میں یہ فیصلہ نہیں کر رہا ہوں کہ شاہ محمود قریشی نے کوئی جرم کیا ہے یا نہیں۔
اسلام آباد ہائی کورٹ کا کہنا تھا کہ سوال یہ ہے کہ شاہ محمود قریشی نے جو پہلے ہی تیرہ دن کی قید کاٹ چکے ہیں کو امن عامہ کو برقرار رکھنے کے مقصد سے مزید مدت کے لیے قید رکھا جا سکتا ہے، اس عدالت کو مطمئن کرنے کے لیے شاہ محمود قریشی نے دفعہ 144 کے تحت دیے گئے حکم کا احترام کریں گے۔
فیصلے میں کہا گیا کہ شاہ محمود قریشی کے وکیل نے ہدایات لینے کے بعد حلف نامہ جمع کرایا، عدالت میں جمع کرائی گئی بیان حلفی کی خلاف ورزی عدالت کی توہین کے مترادف ہو گی۔ شاہ محمود قریشی نے اگر بیان حلفی کی خلاف ورزی کی تو ان کے خلاف توہین عدالت کی کارروائی شروع کی جائے گی۔
اسلام آباد ہائی کورٹ نے تحریری فیصلے میں شاہ محمود قریشی کو فوری طور پر نظر بندی سے رہا کرنے کا حکم دیا۔
سیئول: جنوبی کوریا میں ایک مسافر نے لینڈنگ سے کچھ دیر قبل فضا ہی میں طیارے کا دروازہ کھول کر مسافروں کو شدید خطرے سے دوچار کر دیا تھا، جس پر اسے گرفتار کیا گیا، اب مسافر نے دروازہ کھولنے کی وجہ بھی بتا دی ہے۔
تفصیلات کے مطابق گرفتار مسافر نے پولیس کو تفتیش کے دوران بتایا کہ وہ آرام دہ محسوس نہیں کر رہا تھا اور جہاز سے جلد اترنا چاہتا تھا اس لیے اس نے جہاز کا دروازہ کھول دیا۔
مسافر نے پولیس کو یہ بھی بتایا کہ وہ حال ہی میں اپنی ملازمت کھونے کے بعد ذہنی دباؤ کا شکار تھا۔ جہاز میں سوار ایک اور مسافر نے کہا کہ دروازہ کھولنے والے مسافر نے جہاز سے چھلانگ لگانے کی بھی کوشش کی تھی۔
واضح رہے کہ یہ واقعہ جمعہ کو پیش آیا تھا، جب جنوبی کوریا میں ایشیانا ایئر لائن کی پرواز کا دروازہ لینڈنگ سے چند ہی منٹ قبل اچانک ایگزٹ کے ساتھ سیٹ پر بیٹھے ہوئے مسافر نے کھول دیا۔
ڈیگو انٹرنیشنل ایئرپورٹ پر پیش آئے اس واقعے میں اگرچہ مسافر کسی حادثے کا شکار ہونے سے بچ گئے تھے، تاہم کئی مسافر تیز ہوا، سانس میں رکاوٹ اور گھبراہٹ کے باعث بے ہوش ہو گئے تھے۔
اس واقعے کی ویڈیو بھی سامنے آئی جو سوشل میڈیا پر وائرل ہو گئی تھی، صارفین نے اسے دیکھ کر شدید غصے کا اظہار کیا تھا۔
سینئر سیاستدان شیخ رشید نے کہا ہے کہ ان کا اگلا مشن سپریم کو آپس میں لڑوانا ہے۔
اے آر وائی نیوز کے مطابق پاکستان مسلم لیگ عوامی کے سربراہ شیخ رشید احمد نے موجودہ صورتحال پر ٹوئٹ میں کہا کہ اس وقت شدید سیاسی طوفان ہے جس کی زد میں صرف غریب عوام ہے۔
شیخ رشید نے کہا کہ ان کا اگلا مشن سپریم کو آپس میں لڑوانا ہے، سپریم کورٹ کو ایگزیکٹو کے تحت دباؤ میں لانا ہے، اس وقت قوم آسمان اور سپریم کورٹ کی طرف دیکھ رہی ہے۔
اس وقت شدید سیاسی طوفان ہےجس کی زدمیں صرف غریب عوام ہےاگلامشن سپریم کوآپس میں لڑواناہےاورسپریم کورٹ کوایگزیکٹوکےتحت دباؤمیں لاناہےملک کوکھائی میں لےجاناہےالیکشن میں اپنی مرضی کانتیجہ لاناہے سب کچھ سوچے سمجھے منصوبے کے تحت ہورہاہے قوم آسمان اورسپریم کورٹ کیطرف دیکھ رہی ہے
— Sheikh Rashid Ahmed (@ShkhRasheed) May 27, 2023
شیخ رشید نے ٹوئٹ میں لکھا کہ چینی وزیر خارجہ نے پاکستان آکر سمجھایا سعودی عرب نے پیغام بھجوایا، انہوں نے میں نہ مانوں کی رٹ لگا رکھی ہے۔
انہوں نے کہا کہ حکومت نے سندھ میں سیلاب متاثرین کو پیسے نہیں بانٹے، پنجاب میں 18 لاکھ آٹے کے تھیلے غریبوں کو نہیں دیے۔
چینی وزیرخارجہ نےپاکستان آکرسمجھایااور سعودی عرب والوں نے وہاں سے پیغام بھجوایا لیکن میں نہ مانوں کی رٹ لگا رکھی ہےنہ سندھ میں سیلاب کے پیسے بانٹےنہ پنجاب میں18لاکھ آٹےکےتھیلے غریب کو دیے ارشد شریف کے بعد سمیع ابراھیم اور عمران ریاض کی باری ہے یہ ہے جمہوریت جس کی گروتھ زیرو ہے
— Sheikh Rashid Ahmed (@ShkhRasheed) May 27, 2023
شیخ رشید کا مزید کہنا تھا کہ آصف زرداری نے امریکا میں ڈاکٹر سے دماغی توازن ٹھیک نہیں کا سرٹیفکیٹ لیا، نوازشریف نے پلیٹ لیٹس کا سرٹیفکیٹ لندن سے لیا، قادر پٹیل کو رپورٹ میں پتہ چلا سارے جہاں سے لڑنے والا دماغی طور پر مضبوط نہیں ہے۔
ڈی آئی خان :ٹانک روڈ چہکان کے قریب دھماکے کے نتیجے میں 19 افراد زخمی ہوگئے، دھماکا خیز مواد موٹر سائیکل میں نصب تھا۔
تفصیلات کے مطابق خیبر پختونخوا کے ضلع ڈیرہ اسماعیل خان میں ٹانک روڈ چہکان کے قریب دھماکا ہوا، جس کے نتیجے میں 19 افراد زخمی ہوگئے۔
پولیس نے بتایا کہ زخمیوں کو اسپتال منتقل کردیاگیا ہے، دھماکاخیزموادموٹر سائیکل میں نصب تھا۔
پولیس نے علاقے کو گھیرے میں لے کر سرچ آپریشن شروع کردیا ہے اور واقعے کی تحقیقات کا آغاز بھی کردیا ہے۔
