کراچی: اندرون سندھ میں خواجہ سراؤں کی تعداد میں میں35 فیصد کمی ریکارڈ کی گئی ، سال 2017 میں خواجہ سراؤں کی تعداد 5 ہزار 954 تھی ، جو 2023 میں 3 ہزار 871ہوگئی۔

تفصیلات کے مطابق اندرون سندھ میں خواجہ سراؤں کی تعداد میں نمایاں کمی ریکارڈ کی گئی ، سندھ میں خواجہ سراؤں کی تعداد میں35 فیصد کمی ہوئی۔

سال 2023 کی مردم شماری میں سندھ میں خواجہ سراؤں کی تعداد3871 ریکارڈ کی گئی جبکہ 2017 کی مردم شماری میں سندھ میں خواجہ سراؤں کی تعداد 5954 تھی۔

کراچی میں 6 سال کے دوران 66 خواجہ سراؤں کا اضافہ ہوا، سال 2023 کی مردم شماری میں کراچی میں خواجہ سراؤں کی تعداد 2 ہزار 289 ریکارڈ ہوئی جبکہ 2017 میں کراچی میں خواجہ سراؤں کی تعداد2223 تھی۔

حیدرآباد میں 2017 کی مردم شماری کے مطابق 1277خواجہ سرا تھے اور اب 2023کی مردم شماری میں یہ تعداد کم ہوکر 570 ہوگئی ہے۔

اسی طرح لاڑکانہ میں 2017 میں خواجہ سراؤں کی تعداد 849 تھی اور 2023 میں یہ تعداد گھٹ کر310 رہ گئی ہے جبکہ سکھر میں 2017 میں خواجہ سراؤں کی تعداد433 تھی جو اب 280 ہوگئی۔

اس کے علاوہ شہیدبینظیرآباد میں 2017 میں خواجہ سراؤں کی تعداد635 تھی،اب 284 اور میرپورخاص میں خواجہ سراؤں کی تعداد517 تھی، جو 2023 میں 138 ہوگئی ہے۔

واشنگٹن: امریکی ڈیموکریٹک رکن کانگریس الہان عمر نے پاکستان آئی ایم ایف مذاکراتی عمل کے حل کی ضرورت پر زور دیتے ہوئے آئی ایم ایف کی مینجنگ ڈائریکٹر کے نام خط لکھ دیا۔

تفصیلات کے مطابق امریکی ڈیموکریٹک رکن کانگریس الہان عمر بھی پاکستان آئی ایم ایف مذاکراتی عمل کے حل کیلئے متحرک ہوگئیں۔

خاتون رکن کانگریس الہان عمر نے آئی ایم ایف اور پاکستان کے درمیان جاری مذاکراتی عمل کے حل کی ضرورت پر زور دیا۔

الہان عمر نے آئی ایم ایف کی مینجنگ ڈائریکٹر کے نام خط لکھا ، جس میں باور کرایا گیا ہے کہ پاکستان مین کورونا وائرس اورپھر بدترین سیلاب میں لاکھوں لوگ بے گھر اور در بدر ہوگئےاور پاکستانی معیشت عدم استحکام کے خطرے سے دوچار ہے۔

رکن کانگریس ک کہنا تھا کہ پاکستان بجا طور پر علاقائی اور عالمی اقتصادی نظام میں اہمیت کا حامل ہے اور دنیا بھر میں متعدد ممالک کا اہم اقتصادی شراکت دار بھی ہے ہم سب پاکستان کے لئے پائیدار اقتصادی بحالی کی خواہش رکھتے ہیں۔

خیال رہے آئی ایم ایف سے قرض پروگرام کی بحالی تاخیرکا شکار ہے، جس کے بعد موجودہ قرض پروگرام ادھورا ختم ہونے کے امکانات بڑھ گئے، آئی ایم ایف کا موجودہ قرض پروگرام 30 جون 2023 کو ختم ہوجائے گا۔

لاہور: سانحہ نو مئی میں مطلوب تحریک انصاف کی سرگرم رہنما خدیجہ شاہ کا عدالت کے باہر پولیس گاڑی میں دم گھٹنے لگا ، خدیجہ شاہ نے دہائی دیتے ہوئے کہا مجھے باہر نکالا جائے۔

تفصیلات کے مطابق سانحہ نو مئی میں مطلوب تحریک انصاف کی سرگرم رہنما خدیجہ شاہ کو انسداد دہشت گردی عدالت میں پہنچا دیا گیا۔

خدیجہ شاہ کو تاحال عدالت کے روبرو پیش نہ کیاجا سکا ، خدیجہ شاہ گاڑی میں ایک گھنٹے سے موجود ہیں۔

پی ٹی آئی کی سرگرم رکن خدیجہ شاہ نے پولیس سے گفتگو کرتے ہوئے کہا کہ مجھے باہر نکالا جائے،گاڑی میں دم گھٹ رہا ہے، جس پر پولیس کا کہنا تھا کہ ابھی تفتیشی نہیں پہنچا جب آئیگا تو ہی باہر نکالیں گے۔

خدیجہ شاہ کے خاندان کے افراد کی بھی پولیس سے بحث ہوئی، رشتےداروں نے مکالمے میں کہا وہ دمے کی مریضہ ہے اسے باہر نکالیں۔

نے لاہور میں سی آئی اے پولیس کو گرفتاری دے دی، تھانہ لٹن روڈمنتقل کردیا گیا،خدیجہ شاہ کوآج انسداددہشت گردی عدالت میں پیش کیا جائے گا۔۔۔

یاد رہے گذشتہ روز خدیجہ شاہ نے لاہور میں سی آئی اے پولیس کو گرفتاری دی تھی ، سابق وفاقی وزیرسلمان شاہ کی بیٹی خدیجہ شاہ پرنومئی واقعات میں لوگوں کو اکسانے اوراداروں کیخلاف نعرے بازی کےالزامات ہیں۔

ڈی ایس پی سی آئی اے محمدعلی بٹ نے باقاعدہ گرفتارکرکے خدیجہ شاہ کو وومن پولیس اسٹیشن منتقل کردیا تھا جبکہ ان کے شوہر جہانزیب کو رہا کردیا گیا تھا۔ پولیس کےمطابق جہانزیب نومئی واقعات میں ملوث نہیں ہیں۔

اسلام آباد : چیئرمین پی ٹی آئی عمران خان کو 8 کیسز میں شامل تفتیش کرنے کا تفصیلی فیصلہ جاری کردیا گیا، عدالت نے کہا امید ہے آئندہ تاریخ سے قبل عمران خان کو جےآئی ٹی شامل تفتیش کر لے گی۔

تفصیلات کے مطابق اسلام آباد کی انسداد دہشت گردی عدالت نے چیئرمین پی ٹی آئی عمران خان کو 8 مقدمات میں شامل تفتیش کرنے پر تفصیلی فیصلہ جاری کردیا۔

انسداد دہشت گردی عدالت کے جج راجہ جوادعباس نے 2 صفحات پرفیصلہ جاری کیا، جس میں کہا ہے کہ پراسیکیوٹرکے مطابق جے آئی ٹی نےعمران خان کو تفتیش میں معاونت کیلئے نوٹسزجاری کئے، پراسیکیورٹر کےمطابق متعدد بار جے آئی ٹی نوٹسزکےباوجودعمران خان شامل تفتیش نہیں ہوئے، عمران خان جےآئی ٹی کی بتائی ہوئی تاریخ اورجگہ پرشامل تفتیش نہیں ہوئے۔

عدالتی فیصلے میں کہا گیا کہ وکیلِ ملزم کے مطابق سیکیورٹی خدشات کے باعث دی گئی تاریخ پر پیش نہیں ہوئے، جےآئی ٹی عمران خان کوزمان پارک میں شامل تفتیش کرلے۔

عدالت کا کہنا تھا کہ وکیل ملزم کے مطابق اس سے قبل بھی جے آئی ٹی نے زمان پارک میں عمران خان سےتفتیش کی ، عمران خان سےتفتیش کیلئےجگہ کا تعین کرنے پر عدالتی معاونت درکار نہیں۔

فیصلے میں کہا ہے کہ عدالت کی جانب سےتفتیش کیلئےجگہ کاتعین کرناعدالتی مداخلت بھی ہوسکتی، قانون کومدنظررکھتےہوئےتفتیش کی جگہ کاتعین فریقین کو باہمی رضامندی سے دیکھنا ہوگا۔

عدالت کا کہنا تھا کہ امید ہے آئندہ تاریخ سےقبل عمران خان کوجےآئی ٹی شامل تفتیش کرلےگی، فریقین باہمی رضامندی سےعمران خان کابیان ریکارڈ کرنے کے طریقے کار کا تعین کرنے پر آزاد ہیں ، فریقین عمران خان کی درخواست ضمانت قبل ازگرفتاری پر دلائل کیلئے 8 جون کو عدالت پیش ہوں۔