اسلام آباد : پاکستان منرلزانویسٹمنٹ فورم کے پہلے دن درجنوں ایم او یوز اور معاہدوں پر دستخط ہوگئے۔

تفصیلات کے مطابق پاکستان منرلز انویسٹمنٹ فورم دوہزار پچیس کا آغاز ہوگیا، وزیراعظم شہبازشریف اور آرمی چیف جنرل سید عاصم منیر نے شرکت کی۔

اعلیٰ سطح کا امریکی وفد ایرک مائرکی سربراہی میں انویسٹمنٹ فورم میں شریک ہوا،اسلام آباد میں دو روزہ فورم میں چین، سعودی عرب، روس، فن لینڈ اورترکیے سمیت دیگرممالک کے وفود نے شرکت کی جبکہ غیرملکی مندوبین، وفاقی وزرا، پاکستان میں متعین سفیروں اور معدنیات کے شعبہ کے ماہرین بھی شریک ہیں۔

پاکستان منرلزانویسٹمنٹ فورم کے پہلے دن درجنوں ایم او یوز اور معاہدوں پر دستخط ہوئے۔

ایف ڈبلیواو اور آذربائیجان کی کمپنی آذرگولڈ کے درمیان معاہدہ ہوا، معدنی وسائل کی تلاش کیلئے اوجی ڈی سی ایل اور این آرایل جبکہ ایم ایس پی اور بیرک گولڈ نے پاکستان منرل سیکیورٹی شراکت داری کے معاہدے پر دستخط کیے۔

معدنی وسائل کی تلاش کیلئے پاکستان اور چائنہ جیالوجیکل سروے میں ایم او یو کا تبادلہ ہوا جبکہ معیار یقینی بنانے کیلئے برطانیہ کی جیو سائنس سروسز اور پاکستان جبکہ جیوسائنٹفک ریسرچ کیلئے پاکستان اورروس کی جےایس سی کمپنی کے درمیان ایم اویو کا تبادلہ ہوا۔

اس کے علاوہ ڈیجیٹائزیشن اور جدید ٹیکنالوجی پر پاکستان اور جنوبی افریقا کی کمپنی نے ایم اویوز پردستخط کیے جبکہ بلوچستان کی کان کنی اورمعدنیات کے محکمےاورچینی کمپنی ایم سی سی کےدرمیان ایم اویو کا تبادلہ کیا گیا۔

ماڑی منرلزنے لیبیامائننگ۔ پی پی ایل نے میٹسو اور بارٹی لمیٹڈ کے ساتھ ایم اویوز پردستخط کیے ساتھ ہی بلوچستان میں ترقیاتی منصوبوں کیلئے ایف ڈبلیو او، ناردرن مائننگ، بی ایم آرایل اور مقامی عمائدین میں ایم اویو کا تبادلہ کیا گیا۔

لاہور : خواتین اساتذہ کیلئے شلوار قمیض اور دوپٹہ لازمی قرار دیا گیا جبکہ میل ٹیچرز کیلئے جینز اور ٹی شرٹس پہننے پر پابندی عائد کر دی گئی۔

تفصیلات کے مطابق پنجاب میں محکمہ اسکولز ایجوکیشن کی جانب سے سرکاری و پرائیویٹ سکولوں کے اساتذہ کیلئے ڈریس کوڈ کی نئی ہدایات جاری کر دی گئی ہیں۔

جس میں صوبے کے اسکولوں میں خواتین ٹیچرز کیلئے شلوار قمیض اور دوپٹہ لازمی قرار دیا گیا ہے۔

میل ٹیچرز کیلئے جینز اور ٹی شرٹس پہننے پر پابندی عائد کر دی گئی، اس کے علاوہ تمام سکولوں میں سکول دورانیہ کے دوران نماز ظہر کے لئے انتظامات کرنے کی ہدایت بھی دی گئی ہے۔

یاد رہے محکمہ تعلیم سندھ نے اسکولوں میں اساتذہ کے لیے کوڈ آف کنڈکٹ جاری کیا تھا، جس میں محکمہ تعلیم نے کہا تھا کہ خواتین اساتذہ زیادہ میک اپ سے اجتناب برتیں، اور مرد اساتذہ ٹی شرٹ اور جینز پہن کر اسکول آنے گریز کریں۔

محکمہ تعلیم سندھ نے ضابطہ اخلاق میں مشورہ دیا تھا کہ خواتین اساتذہ ہائی ہیلز پہن کر اسکول نہ آیا کریں، خواتین اساتذہ زیادہ زیورات پہن کر بھی اسکول آنے سے گریز کریں، یہ مشورہ بھی دیا گیا ہے کہ خواتین اساتذہ معمولی لوازمات کے ساتھ روایتی لباس کا انتخاب کریں۔

اسلام آباد : وزیراعظم شہبازشریف نے چین، امریکا، سعودی عرب اور یورپ کو معدنیات میں سرمایہ کاری کی دعوت دیتے ہوئے کہا پاکستان کے پاس کھربوں ڈالرزکے قدرتی وسائل ہیں۔

تفصیلات کے مطابق وزیراعظم شہبازشریف نے پاکستان منرلز ایسٹمنٹ فورم 2025 سے خطاب کرتے ہوئے تمام مندوبین کو پاکستان آمد پر خوش آمدید کہا۔

وزیراعظم نے فورم کے کامیاب انعقاد پر منتظمین کو مبارکباد پیش کرتے ہوئے کہا کہ فورم کے انعقاد سے سرمایہ کاروں کے اعتماد میں اضافہ ہوگا، فورم معدنیات کے شعبے میں سرمایہ کاری میں اضافے کاباعث بنےگا۔

ان کا کہنا تھا کہ اللہ نے پاکستان کو بےپناہ قدرتی وسائل سے نوازا ہے ، ریکوڈک منصوبےمیں پیشرفت حوصلہ افزا ہے، کےپی ، بلوچستان اور جی بی کے پہاڑوں پر معدنیات کے ذخائر ہیں، سندھ اور پنجاب میں بھی قدرتی وسائل سے مالامال ہے ، آزادکشمیر کی زمین میں بھی بے پناہ خزانے دفن ہیں۔

وزیراعظم نے کہا کہ پاکستان میں کھربوں ڈالر کے معدنی ذخائر موجود ہیں، معدنی ذخائرسےمستفیدہوکرپاکستان قرضوں کے چنگل سے آزاد ہوسکتا ہے۔

ان کا مزید کہنا تھا کہ معدنیات کےشعبے میں سرمایہ کاری سب کیلئے سود مند ہے، پاکستان میں دنیا کے سب سے بڑے کوئلے کے ذخائر موجود ہیں، سندھ حکومت کوئلے کے ذخائر سے استفادہ حاصل کرنے کیلئےبھرپورکام کررہی ہے۔

وزیراعظم نے خلیجی ممالک ،امریکا ،یورپ سمیت دیگر خطوں سے سرمایہ کاری کو خوش آمدید کہتے ہوئے کہا ،پاکستان میں مقامی کوئلے پر انحصار کرکے قیمتی زرمبادلہ کی بچت کر رہے ہیں، ہم نے اپنی مصنوعات میں ویلیوایڈیشن کرکے برآمدات کوفروغ دینا ہے ، خام مال کےبجائےتیارمصنوعات کی برآمدات کویقینی بنایاجائے گا۔

کراچی‌: ناظم امتحانات ظہیر الدین بھٹو نے میٹرک کے امتحانات واٹس ایپ گروپوں میں امتحانی پرچے لیک ہونے کی روک تھام کے لئے بڑا اعلان کردیا گیا۔

تفصیلات کے مطابق کراچی میں میٹرک کے امتحانات کا آغاز ہوگیا ہے ، اس دوران واٹس ایپ گروپوں میں امتحافی پرچے لیک ہونے کی روک تھام کیلئے اہم اقدام سامنے آیا۔

ناظم امتحانات ظہیر الدین بھٹو کا آئندہ سال پرچوں میں بار کوڈ لگانے کا اعلان کرتے ہوئے کہا طلبہ ہرگز امتحانات سےمتعلق کسی واٹس ایپ گروپ کاحصہ نہ بنیں۔

ان کا کہنا تھا کہ پرچہ آؤٹ کرنےوالوں کےخلاف ایف آئی اےایکشن لےگی، واٹس ایپ گروپ ایڈمن سمیت ممبران کیخلاف کارروائی ہوگی۔

مزید پڑھیں : واٹس ایپ گروپس میں پرچہ وائرل کرنے والوں کے خلاف کارروائی کا فیصلہ

گذشتہ روز ناظم امتحانات میٹرک ظہر الدین بھٹو نے امیدواروں کو انتباہ کیا تھا کہ امتحانات کے موقع پر واٹس ایپ گروپ جوائن کرنے سے گریز کریں۔

ان کا کہنا تھا کہ امتحانات کے دوران سوشل میڈیا پر واٹس ایپ گروپس میں پرچہ وائرل کرنے والوں کے خلاف کارروائی کا فیصلہ کیا گیا ہے اس موقع پر ایف آئی اے سابر کرائم سے رجوع کیا جائے گا۔

پرچہ وائرل کرنے والے تمام واٹس ایپ گروپ کے ایڈمن اور ممبران کے خلاف ایکشن ہوگا، امیدوار کسی صورت کسی واٹس ایپ گروپ کا حصہ نہ بنیں۔