نیویارک : امریکی عدالت نے وائس آف امریکا کے حق میں فیصلہ سنادیا ، عدالتی فیصلےکہ بعد ملازمین میں خوشی کی لہر دوڑ گئی۔

تفصیلات کے مطابق نیویارک کی وفاقی عدالت کے جج جیمز پال نے ٹرمپ انتظامیہ کو وائس آف امریکا کے بارہ سو سے زائد صحافی، انجیئنرز اور دیگر عملے کو برطرف کرنے سے روک دیا۔

عدالت نے آٹھ دہائیوں سے چلنےوالی بین الاقوامی نیوز سروس کے ختم کرنے کہ ٹرمپ انتظامیہ کے اقدام کو غیر قانونی اور من گھڑت فیصلہ سازی کا کیس قرار دیکر مسترد کردیا۔

عدالتی فیصلےکہ بعدوائس آف امریکہ ملازمین میں خوشی کی لہر دوڑ گئی۔

مزید پڑھیں : وائس آف امریکا کو کیوں بند کیا گیا ؟ امریکی محکمہ خارجہ نے بتادیا

یاد رہے امریکی صدر ڈونلڈ ٹرمپ نے ایک ایگزیکٹو آرڈر پر دستخط کرتے ہوئے وائس آف امریکہ (VOA) سمیت سات وفاقی اداروں کے سائز کو کم کرنے کا اعلان کردیا، جس کے بعد یو ایس ایجنسی فار گلوبل میڈیا کے کئی ملازمین کو جبری رخصت پر بھیج دیا گیا تھا۔

ملازمین کو بھیجے گئے سرکاری ای میل میں ہدایت دی گئی تھی کہ وہ اپنے شناختی کارڈ، پریس پاس اور دیگر سرکاری املاک واپس کریں اور جب تک مزید اطلاع نہ دی جائے، دفاتر میں داخل نہ ہوں۔

بعد ازاں ترجمان امریکی محکمہ خارجہ نے بتایا تھا کہ صدرٹرمپ وفاقی بیورو کریسی کو کم کرنے کے لیے منتخب ہوئے ہیں، وائس آف امریکا کو بند کرنے کا فیصلہ دھوکہ دہی اور بدانتظامی کے بارے میں ہے، ایسے سخت فیصلے کرنےپڑتے ہیں۔

امریکی ترجمان کا کہنا تھا کہ کسی صحافی کو اپنے ملک میں خطرات کا سامنا ہے تووہ سیاسی پناہ کیلئے درخواست دےسکتا ہے۔

واشنگٹن : امریکی صدرڈونلڈ ٹرمپ نےایران کو دھمکی دی کہ اگر ایران جوہری معاہدے پرآمادہ نہیں ہوا، تو نتائج بھگتے گا۔

تفصیلات کے مطابق غیر ملکی خبر رساں ایجنسی کی جانب کہا گیا ہے کہ ایران کی جانب سے جوہری معاہدے پر مذاکرات سے متعلق خط کے جواب پر امریکی صدر ڈونلڈ ٹرمپ کا ردعمل سامنے آگیا۔

امریکی صدر نے ایران کو پھر متنبہ کیا ہے اگر جوہری معاہدے پر آمادہ نہیں ہوا تو اس کے لیے بہت براہوگا۔

ٹرمپ نے اوول آفس میں صحافیوں کو بتایا کہ انہوں نے رواں ماہ ایران کو ایک خط بھیجا، جس میں کہا کہ آپ کو فیصلہ کرنا ہوگا، یا تو ہمیں بیٹھ کر بات کرنی ہوگی یا پھر بہت برا ہوگا۔

امریکی صدر کا کہنا تھا کہ ان کی پہلی ترجیح یہ ہے کہ وہ ایران کے ساتھ بیٹھ کرمعاملہ حل کریں، لیکن اگر ایران جوہری معاہدے پر راضی نہیں ہوتا، تو نتائج بھگتے گا۔

مزید پڑھیں : ایران نے امریکی صدر ٹرمپ کے خط کا جواب دے دیا

رواں ماہ کے آغاز میں امریکی صدر نے انکشاف کیا تھا کہ انہوں نے جوہری معاہدے پر مذاکرات کیلئے ایران کے سپریم لیڈر آیت اللہ علی خامنہ ای کو ایک خط بھیجا ہے۔

امریکی صدر کی جانب سے بھیجے گئے خط میں جوہری معاہرے پر مذاکرات کے لیے دو ماہ کی مہلت کے ساتھ یہ بھی دھمکی دی تھی کہ اگر اس نے اپنا جوہری پروگرام جاری رکھا تو نتائج بھگتنا پڑیں گے۔

بعد ازاں ایران نے موجودہ حالات میں امریکا کے ساتھ براہ راست مذاکرات سے انکار کر دیا تھا لیکن بالواسطہ مذاکرات کے امکان کا عندیہ دیا تھا ۔

ایرانی وزیرخارجہ عراقچی کا کہنا تھا کہ موجودہ صورتحال اور ٹرمپ کے خط سے متعلق اپنا موقف تفصیلی سے بیان کیا، تہران ایٹمی پروگرام پر امریکا سے بلواسطہ بات چیت کیلئے تیار ہے۔