کراچی: سندھ حکومت نے صوبائی سطح پر سندھ پریمیئر لیگ (ایس پی ایل) کرانے کا فیصلہ کیا ہے۔
تفصیلات کے مطابق سندھ سپر لیگ کے ڈائریکٹر نوید احمد نے کہا کہ سندھ میں کرکٹ لیگ ہونے جا رہی ہے، اس لیگ کا مقصد صوبے میں کرکٹ کو فروغ دینا ہے۔
ڈائریکٹر نوید احمد نے کہا کہ سندھ سپر لیگ کے ذریعے صوبے میں نیا ٹیلنٹ سامنے آئے گا، سندھ میں چھپے ٹیلنٹ کو اجاگر کرنا ہے۔
کراچی : سی ویو سے ڈاکٹر سارہ ملک کی لاش ملنے کے کیس کے عبوری چالان میں انکشاف کیا گیا کہ ملزمان کیجانب سے مقتولہ کا موبائل فون چھپانے کی کوشش کی گئی۔
تفصیلات کے مطابق کراچی کی جوڈیشل مجسٹریٹ جنوبی کی عدالت میں سی ویو سے ڈاکٹر سارا کی لاش ملنے کے کیس میں تفتیشی افسر کی جانب سے عبوری چالان عدالت میں پیش کردیا گیا۔
چالان میں بتایا گیا کہ ملزمان کیجانب سے مقتولہ کا موبائل فون چھپانے کی کوشش کی گئی، وقوعہ کے روز ملزمہ بسمہ اور شان سلیم نے مقتولہ کا موبائل ملزم وقاص کو دیا۔
عبوری چالان میں کہا ہے کہ ملزم وقاص کے مطابق مقتولہ کے موبائل فون کی اسکرین ٹوٹی ہوئی تھی۔
پولیس کا چالان میں کہنا تھا کہ ملزم وقاص نے مقتولہ کا موبائل گاڑی کی ڈگی کے خفیہ حصے میں چھپا رکھا تھا، ملزم کی نشاندھی پر مقتولہ کا موبائل فون برآمد کر لیا گیا۔
چالان میں کہا گیا ہے کہ مرکزی ملزم شان نے بھی واقع کے بعد اپنا موبائل چھپا دیا تھا تاہم ملزم کی نشاندھی پر مرکزی ملزم شان سلیم کا موبائل بھی برآمد کرلیا گیا ہے۔
پولیس نے مزید بتایا کہ ملزم شان کی ہسپتال میں کام کرنے والی ملزمہ ارادھنا کا بیان بھی قلمبند کیا گیا، ملزمہ ارادھنا نے انکشاف کیا ملزمہ بسمہ، ملزم شان اور وقاص نے مقتولہ کے موبائل سے سمز نکال دیں تھی اور مقتولہ کے موبائل سے شواہد مٹا دیے گئے تھے۔
چالان میں بتایا گیا کہ ملزم وقاص اور شان سلیم کے ڈی این اے کیلئے نمونے لیبارٹری کو ارسال کر دیے ہیں، مقدمے میں اب تک ملزم ڈاکٹر شان سلیم، وقاص، اور بسمہ گرفتار ہیں۔
آپ نے ماڈلز کی کیٹ واک تو بہت دیکھی ہوں گی لیکن بلیوں کی ایسی کیٹ واک نہیں دیکھی ہوگی جس نے دیکھا وہ حیران رہ گیا۔
شوبز کی دنیا میں کیٹ واک ایک عام دستور ہے۔ رنگ وحسن کا یہ اسٹیج کبھی یہ فیشن تو کبھی کسی پراڈکٹ کی پبلسٹی کے لیے سجایا جاتا ہے جس میں مرد وخواتین ماڈل ریمپ پر کیٹ واک کرتے نظر آتے ہیں تاہم بنگلہ دیش میں ایسی منفرد کیٹ واک ہوئی جس نے بھی دیکھا وہ حیران رہ گیا۔
بنگلہ دیش میں بلیوں نے سج سنور کر ریمپ پر اپنے جلوے بکھیرے اور بن ٹھن کر اپنے مالکان کے ساتھ کیٹ واک کی۔
بنگلہ دیش کے دارالحکومت ڈھاکا میں ہونے والے اس منفرد کیٹ شو میں مرد وخواتین سمیت بزرگ افراد بھی اپنی پالتو بلیوں کو لے کر آئے ہوئے تھے اور بھرپور انداز میں اس دلچسپ میلے میں حصہ لیا۔
آنکھوں پر چشمہ لگائے، گلے میں گھنٹی اور رنگا رنگ کپڑے پہن کر ادائیں دکھانے اور اترانے والی بلیوں نے جب اپنے مالکوں کے ساتھ کیٹ واک کی تو دیکھنے والا ہر شخص حیران رہ گیا اور داد دیے بغیر نہ رہ سکا۔
اس کیٹ شو میں جہاں سجی سنوری حسین بلیوں کی کمی نہ تھی وہیں کچھ پیٹو اور سست بلیاں بھی شریک تھیں۔ جن کی توجہ دنیا کے سامنے اپنا حسن لانے کے بجائے کھانے پینے اور آرام پر تھی۔ اسی لیے کچھ بلیاں کھانے پینے میں مصروف رہیں تو کچھ نے نیند میں سہانے سپنے دیکھنے کو ترجیح دی۔
کراچی: خالد مقبول صدیقی کی قیادت میں ایم کیو ایم وفد نے آج اسلام آباد میں وزیر اعظم شہباز شریف سے ملاقات کی، وفد نے ملک میں بڑھتی مہنگائی پر شدید تحفظات کا اظہار کیا۔
تفصیلات کے مطابق وزیر اعظم شہباز شریف سے ایم کیو ایم پاکستان کے وفد کی اسلام آباد میں ملاقات ہوئی ہے، ملاقات میں ایم کیو ایم پاکستان کے کنوینر خالد مقبول صدیقی، سینئر ڈپٹی کنوینر مصطفیٰ کمال، رؤف صدیقی اور صادق افتخار شامل تھے، جب کہ وزیر اعظم شہباز شریف کے ہمراہ احسن اقبال موجود تھے۔
ملاقات میں ملکی سیاسی صورت حال اور ایم کیو ایم پاکستان کے معاہدوں پر عمل درامد کے حوالے سے تحفظات پر بات چیت کی گئی، ایم کیو ایم وفد نے معاشی صورت حال اور بڑھتی مہنگائی پر شدید تحفظات کا اظہار کیا۔
ایم کیو ایم کا مؤقف تھا کہ موجودہ حالات میں مہنگائی کا طوفان غریب عوام کو مزید متاثر کرے گا۔
خالد مقبول نے پیپلز پارٹی کی جانب سے معاہدہ پورا نہ ہونے کا شکوہ بھی کیا، متحدہ وفد نے کہا کہ پیپلز پارٹی متعدد بار وعدوں اور یقین دہانیوں کے باوجود بات پوری نہیں کرتی۔
ذرائع کے مطابق وفد نے وزیر اعظم سے کہا کہ آپ اور مولانا فضل الرحمان ضامن تھے، اب آپ بتائیں کیا کیا جائے، پیپلز پارٹی کا رویہ وفاق کی اکائیوں کو ساتھ لے کر چلنے والا نہیں۔
ایم کیو ایم نے مردم شماری اور خانہ شماری کے حوالے سے بھی اپنے تحفظات وزیر اعظم کے سامنے رکھے۔
کراچی : انٹر بینک میں ڈالر 4 روپے25 پیسے مہنگا ہو کر 265 روپے 75 پیسے پر پہنچ گیا۔
تفصیلات کے مطابق انٹربینک مارکیٹ میں دوسرے روز بھی ڈالر روپے پر بھاری رہا، کاروبار کے دوران ڈالر میں مزید چار روپے پچیس پیسے اضافہ ہوا اور ڈالر دو سوپینسٹھ روپے پچہتر پیسے کا ہوگیا۔
فاریکس ڈیلرز نے بتایا کہ بینکوں درآمد کنندگان کو ڈالر دو سو سڑسٹھ روپے پچہتر پیسے میں فروخت کر رہے ہیں۔
فاریکس ڈیلرز کے مطابق اوپن مارکیٹ میں بھی ڈالر تین روپے مہنگا ہوکر دو سو ستر روپے میں فروخت ہو رہا ہے۔
خیال رہے انٹر بینک میں دو دنوں میں ڈالر پانچ روپےتراسی پیسے مہنگا ہوچکا ہے۔
یاد رہے گزشتہ ایک ہفتے میں انٹر بینک میں امریکی ڈالرکی قیمت میں 2 روپے 83 پیسے کمی ہوئی اور ایک ہفتے کے اندر ڈالر 262.82 روپے سے کم ہوکر 259.99 روپے تک نیچے آگیا۔
پھل کھانا انسانی صحت کے لیے نہایت ضروری ہے جو جسم کو توانائی فراہم کر کے اسے مختلف بیماریوں سے بچاتے ہیں، تاہم کیا پھل کھانے کا کوئی وقت بھی ہوسکتا ہے؟
ویسے تو پھلوں کو کسی بھی وقت کھایا جاسکتا ہے تاہم اکثر لوگ انہیں رات میں کھانے سے منع کرتے ہیں۔
اس بات کے کوئی سائنسی ثبوت نہیں کہ رات میں پھل کھانے سے صحت متاثر ہوتی ہے تاہم کچھ لوگوں کو رات میں پھل کھانے سے کوئی طبی مسئلہ ہوسکتا ہو۔
جیسے کہ نیند میں خلل، سونے سے قبل کچھ بھی کھانا نیند میں خلل کا سبب بن سکتا ہے اور پھل ان سے مختلف نہیں ہیں، تو کوشش کریں کہ سونے سے تین گھنٹے قبل انہیں کھانے سے گریز کریں۔
رات گئے پھل کھانے سے ان میں موجود چینی خون میں شامل ہونے لگتی ہے جس سے خون میں گلوکوز کی سطح بڑھ سکتی ہے تاہم اس کے لیے مزید تحقیق کی ضرورت ہے۔
ماہرین کا کہنا ہے کہ سونے سے 3 گھنٹے قبل کھانا اور پھل وغیرہ کھا لیں، تاکہ انہیں ہضم ہون ے کا وقت مل سکے اور وہ ہاضمے پر بوجھ نہ بنیں جس سے آپ کی نیند متاثر ہوسکتی ہے۔
سکھر : سیشن کورٹ سکھر نے اداروں کی تضحیک اور عوام کو بغاوت پر اکسانے کے معاملے پر مریم نواز کو 10 مارچ کو طلب کرلیا اور نوٹس جاری کردیا۔
تفصیلات کے مطابق پاکستان تحریک انصاف ضلع سکھر کے صدر ایڈووکیٹ ظھیر بابر کی جانب سے دائر درخواست پر آج ففتھ ایڈیشنل ڈسٹرکٹ اینڈ سیشن جج ممتاز سولنگی نے سماعت کی۔
درخواست گزار تحریک انصاف ضلع سکھر کے صدر ظھیر بابر نے موقف اختیار کیا ہے کہ مریم نواز نے جلسے میں اپنی تقریر کے دوران اداروں کے خلاف بات کی اور اداروں کی تضحیک کی جبکہ عوام کو اداروں کے خلاف اور بغاوت پر اکسانے کی کوشش کی۔
عدالت نے درخواست کو سماعت کیلئے منظور کرتے ہوئے مریم نواز سمیت دیگر فریقین کو نوٹسز جاری کرتے ہوئے 10 مارچ کو طلب کرلیا۔
عدالت نے ایس ایچھ ماڈل ٹاؤن ، ڈائریکٹر اور ڈپٹی ڈائریکٹر سائیبر جرائم ایف آئی اے اور ایس ایس پی سکھر کو طلب کیا۔
راولپنڈی: سابق کپتان انضمام الحق نے عبداللہ شفیق کو اچھی بیٹنگ کی اپنی پسندیدہ ٹپ دے دی۔
تفصیلات کے مطابق پشاور زلمی کے صدر اور سابق کپتان انضمام الحق نے لاہور قلندرز کے بیٹر عبداللہ شفیق کو کئی بیٹنگ ٹپس دے دی ہیں۔
انضمام الحق نے گراؤنڈ میں عبداللہ شفیق سے گفتگو کرتے ہوئے بتایا کہ آپ بہت با صلاحیت بیٹر ہیں، میں نے آپ کو ٹیسٹ کرکٹ کھیلتے بھی دیکھا ہے، آپ کے پاس قدرتی طور پر اچھے کرکٹ شاٹس کھیلنے کی صلاحیت ہے۔
انضمام نے شفیق کو مشورہ دیا کہ ٹینس بال کو گیلا کر کے بیٹنگ کی مشکل پریکٹس کریں، میں بھی بال گیلا کر کے بولرز کو کہتا تھا کہ اب مجھے آؤٹ کرو۔
سابق کپتان نے عبداللہ شفیق کو بتایا کہ خطرناک بیٹرز وہی ہیں جو اسٹرائیک بدلتے رہتے ہیں۔
اسلام آباد : ایف آئی اے نے فرحت شہزادی کو پاکستان لانے کیلئے انٹرپول سے رابطہ کرنے کا فیصلہ کرلیا اور وزارت داخلہ سے اجازت مانگ لی گئی۔
تفصیلات کے مطابق فرحت شہزادی کو پاکستان لانے کیلئے انٹرپول سے رابطہ کرنے کا فیصلہ کرلیا گیا۔
اس حوالے سے ایف آئی اے کی جانب سے وزارت داخلہ سے اجازت مانگ لی گئی ہے۔
ذرائع ایف آئی اے نے کہا ہے کہ فرحت شہزادی کو اشتہاری قرار دینے کیلئے عدالت سے ریڈوارنٹ حاصل کئے جائیں گے۔
ایف آئی اے کا کہنا ہے کہ فرحت شہزادی کے خلاف اینٹی منی لانڈرنگ ایکٹ کے تحت مقدمہ درج کیا گیا ہے۔
ذرائع کے مطابق فرحت شہزادی کے خلاف اسٹیٹ بینک کی ہدایت پر مقدمہ درج کیا گیا تھا، فرحت شہزادی کے اکاؤنٹس میں غیرمعمولی ٹرانزیکشنز ہوئیں۔
یاد رہے نیب نے عمران خان کی اہلیہ بشریٰ بی بی کی قریبی دوست فرح گوگی کیخلاف انکوائری کی منظوری دی ۔
نیب کی جانب سے جاری اعلامیہ کے مطابق فرح گوگی کیخلاف معلوم ذرائع سے زائد اور غیر قانونی اثاثہ جات ،منی لانڈرنگ اور مختلف کاروبار کے نام پر بہت سے اکائونٹس رکھنے کے الزام میں انکوائری شروع کی جا رہی ہے۔
اعلامیہ کے مطابق فرح خان کے اکاونٹس سے گزشتہ تین سال کے دوران 84 کروڑ 70 لاکھ روپے سے زائد کی مشکوک ٹرانزیکشنز ہوئی ہیں۔ یہ رقومات انکے ذاتی اکائونٹس میں جمع کرائے جانے کےفوری بعد نکلوا لی گئیں ۔
نیب کے مطابق بہت سی میڈیا رپورٹس میں ان پر آمدن سے زائد اثاثےبنانے کا الزام ہے ،انکم ٹیکس ریٹرنس کے جائزے سے بھی پتہ چلتا ہے کہ 2018 کے بعد سے ان کے اثاثوں میں غیر معمولی اضافہ ہوا ،اس عرصے میں انہوں نے کئی غیر ملکی دورے کئے ،فرح خان 9 مرتبہ امریکہ جبکہ 6 مرتبہ متحدہ امارات گئیں ۔
امریکی صدر جو بائیڈن اگلی 4 سالہ مدت کے لیے 2024 میں ہونے والا صدارتی الیکشن لڑیں گے یا نہیں، خاتون اول کا اہم بیان سامنے آ گیا ہے۔
غیر ملکی میڈیا کے مطابق امریکی نشریاتی ادارے کو انٹرویو میں امریکی خاتون اول جل بائیڈن نے کہا ہے کہ ان کے شوہر صدر جو بائیڈن 2024 کو ہونے والے صدارتی الیکشن لڑنے کا ارادہ رکھتے ہیں تاہم اس کا باقاعدہ اعلان ہونا باقی ہے۔
برطانوی خبر رساں ایجنسی روئٹرز کے مطابق امریکی نشریاتی ادارے سی این این کے نمائندے نے جب اُن سے جو بائیڈن کے دوبارہ صدارتی الیکشن لڑنے کے حوالے سے سوال کیا تو جل نے جواب دیا کہ مجھے کتنی بار یہ کہنا پڑے گا تاکہ آپ کو یقین آسکے کہ بائیڈن ایک اور مدت کے لیے صدارتی الیکشن لڑنے کا ارادہ رکھتے ہیں اور توقع ہے کہ وہ جلد ایک مہم کا اعلان کریں گے۔
امریکی خاتون اول نے دوران انٹرویو ایک سوال کے جواب میں اس امکان کو مسترد کردیا کہ 80 سالہ ڈیموکریٹک صدر 2024 کے ہونے والے صدارتی انتخابات سے باہر ہوسکتے ہیں۔
واضح رہے کہ امریکی صدر جو بائیڈن کو 2024 کا انتخاب لڑنا چاہیے یا نہیں، اس وقت ڈیموکریٹس کے درمیان یہ موضوع زِیربحث ہے۔ بائیڈن خود بارہا کہہ چکے ہیں کہ وہ دوبارہ الیکشن لڑنے کا ارادہ رکھتے ہیں اور اپنی عمر کے بارے میں سوالات کو مسترد کر چکے ہیں تاہم ابھی اس کا باقاعدہ اعلان کرنا باقی ہے۔
بائیڈن وائٹ ہاؤس کے سابق مشیر سیڈرک رچمنڈ سے جب پوچھا گیا کہ کیا مارچ یا اپریل میں کوئی اعلان ممکن ہے تو ان کا کہنا تھا کہ ’بائیڈن جب بھی تیار ہوں گے، اعلان کر دیں گے۔‘
یہ بھی پڑھیں: سابق امریکی صدر ٹرمپ کا 2024 کا صدارتی الیکشن لڑنے کا اعلان
اس حوالے سے غیر سرکاری سطح پر امریکی شہریوں سے بھی رائے طلب کی گئی تھی پولز میں کچھ امریکی شہریوں نے ان کی عمر کے بارے میں خدشات ظاہر کیے ہیں کیونکہ بائیڈن دوسری مدت کے اختتام تک 86 سال کے ہو جائیں گے۔
