کراچی: ڈیفنس میں گاڑی سے کالے شیشے اتارنے پر خاتون کی پولیس سے تلخ کلامی کی ویڈیو وائرل ہوگئی۔

تفصیلات کے مطابق کراچی کے علاقے ڈیفنس میں گاڑی سے کالے شیشےاتارنے پر خاتون آپے سے باہر ہوگئی اور پولیس سے تلخ کلامی کی ویڈیو سامنے آگئی۔

خاتون نے کہا کالے شیشے کیوں اتارے جارہے ہیں، میں نے پولیس کو خریدا ہوا ہے، ایک سال سے کالے شیشے والی گاڑی چلا رہی ہوں۔

View this post on Instagram

A post shared by ARY News (@arynewstv)

جس پر پولیس افسر نے کہا میں آپ کوبہن کہہ کر مخاطب ہوں آپ بدتمیزی کر رہی ہیں لیکن خاتون مستقل پولیس اہلکار اور افسر سے بدتمیزی کرتی رہی۔

خاتون کہتی رہی تم سب بکے ہوئے ہو درخشاں اورساحل تھانے والوں سے پوچھو۔

پولیس کا کہنا ہے خاتون کے رویے اور پولیس کودھمکیاں دینے کا جائزہ لیا جارہا ہے، حکام بالا کا حکم ہوا تو مقدمہ درج کیا جائے گا۔

کالے شیشے والی گاڑی روکنے پر خاتون کی دھمکیوں کے واقعے پر ڈی آئی جی ساؤتھ اسدرضا نے کہا کہ خاتون مبینہ طور پر نشے میں لگ رہی تھی اور سگریٹ نوشی بھی کر رہی تھی، اہلکاروں نے گاڑی روکی تو خاتون دھمکیاں دینے لگی اور بدتمیزی کی۔

ڈی آئی جی ساؤتھ کا کہناتھا کہ خاتون ڈی ایس پی کو بلایا گیا تاکہ معاملے کو دیکھا جاسکے، کراچی بھرمیں کالےشیشوں کےخلاف کارروائیاں کی جارہی ہیں، پولیس کودھمکیاں دینے پر قانونی چارہ جوئی کی جاسکتی ہے۔

کراچی: شہر قائد میں لٹیروں سے اسکول کے بچے بھی محفوظ نہیں رہے، گلی میں کھڑے طلبہ سے موبائل فونز چھیننے کی ویڈیو سامنے آ گئی ہے۔

تفصیلات کے مطابق کراچی کے علاقے بلدیہ 3 نمبر، پٹنی محلے میں اسکول کے 2 بچوں کو لوٹ لیا گیا، یہ واردات جمعہ کو ہوئی ہے، جس کی سی سی ٹی وی فوٹیج پولیس کو موصول ہوئی ہے۔

فوٹیج میں دیکھا جا سکتا ہے کہ 2 کم عمر موٹر سائیکل سوار لٹیرے آئے، اور ارد گرد کا جائزہ لیا، پھر انھوں نے طلبہ سے کچھ فاصلے پر موٹر سائیکل روکی، اور اسلحہ دکھا کر اسکول کے بچوں سے موبائل چھین لیا۔

پولیس کا کہنا ہے کہ سی سی ٹی وی فوٹیج کی مدد سے لٹیروں کو ڈھونڈ رہے ہیں، متاثرہ اسکول کے بچوں نے پولیس سے رابط نہیں کیا ہے۔

کراچی میں پولیس نے 8 سالہ لاپتہ بچی کو چند گھنٹے میں ڈھونڈ نکالا

ادھر لانڈھی 36 بی میں بھی کم عمر چور نے ایک شہری کی جیب سے موبائل نکالنے کی واردات کی ہے، واقعہ مٹھائی کی دکان پر رش کے دوران پیش آیا، جس کی سی سی ٹی وی فوٹیج سامنے آئی ہے، پولیس نے سی سی ٹی وی فوٹیج کی مدد سے ملزم کی تلاش شروع کر دی ہے۔