اتوار, جون 8, 2025
لائیو سٹریم
اے آر وائی نیوز انگریزی
رمضان کیلنڈر 2025
گولڈ ریٹس
کرنسی ریٹ
ایندھن قیمتیں
ہوم بلاگ صفحہ 976

کراچی میں پولیس نے 8 سالہ لاپتہ بچی کو چند گھنٹے میں ڈھونڈ نکالا

کی طرف
ویب ڈیسک
-
0
کراچی لاپتہ بچی

کراچی : شہر قائد میں پولیس نے لاپتہ 8 سالہ بچی کو چند گھنٹے میں ڈھونڈ نکالا، طاہرہ افطار کے بعد گم ہو گئی تھی۔

تفصیلات کے مطابق کراچی میں رضویہ پولیس نے بروقت کارروائی کرتے ہوئے لاپتہ ہونے والی بچی کو چند گھنٹوں میں ہی تلاش کرلیا۔

8 سالہ طاہرہ افطار کے بعد گم ہو گئی تھی ، جس کی اطلاع پولیس کو دی گئی ، پولیس نے فوری کارروائی کرتے ہوئے بچی کی تلاش کیلئے ٹیم تشکیل دی۔

ٹیم کو بچی مسرت سینما کےقریب مل گئی ، جس کے بعد بچی کو والدہ اوربھائی کے سپرد کردیا گیا۔

مزید پڑھیں : کراچی : اغوا کی گئی 8 سالہ بچی چند گھنٹوں میں بازیاب

یاد رہے رواں سال جنوری کے آخر میں کراچی کے علاقے سعودآباد میں پولیس نے اغوا کی گئی آٹھ سال کی بچی کو چند گھنٹوں میں بازیاب کروا کر اغوا کار کو گرفتار کرلیا تھا۔

پولیس نے بتایا تھا کہ علاقہ مکین نے نامعلوم شخص کو بچی لے جاتے ہوئے دیکھ کر پولیس کو اطلاع دی تھی ، جس پر پولیس نے بچی کی تلاش شروع کی اور چند ہی گھنٹوں میں بچی کو بازیاب کرالیا۔

گجرات میں دیرینہ دشمنی پر 6 افراد کے قتل کا مقدمہ درج

کی طرف
ویب ڈیسک
-
0
گجرات 6 افراد قتل

گجرات: دیرینہ دشمنی پر 6 افراد کے قتل کا مقدمہ درج کرلیا گیا، مقدمے میں اختر علی سمیت 18 ملزمان نامزد اور سات سے آٓٹھ نامعلوم افراد شامل ہیں۔

تفصیلات کے مطابق گجرات میں تھانہ ڈنگہ میں دیرینہ دشمنی پرچھ افراد کے قتل کا مقدمہ درج کرلیا گیا ، مقدمہ محمد راسب کی مدعیت میں درج کیا گیا۔

مقدمے میں اختر علی سمیت اٹھارہ ملزمان نامزد اور سات سے آٓٹھ نامعلوم افراد شامل ہیں۔

ایف آئی آر میں کہا گیا کہ اختر گروپ کا ایک ساتھی ظہور عرف جوری بھی ماراگیا ، ظہور عرف جوری تھانہ ڈنگہ میں دہرے قتل کا اشتہاری تھا

مزید پڑھیں : گجرات میں گاڑی پر فائرنگ سے 6 افراد قتل

مقدمے کے متن میں کہنا تھا کہ حملہ آور زخمی ساتھی کو اٹھا کر موٹرسائیکلوں پرفرارہوگئےتھے، ظہورعرف جوری اپنے ساتھی حملہ آوروں کی فائرنگ سےماراگیا تھا، جس کے بعد پولیس نے رکھ پبی کے جنگل سے ظہورعرف جوری کی لاش برآمد کرلی ،ظہورعرف جوری کےساتھ موٹرسائیکل بھی برآمد کی گئی۔

حکام نے بتایا کہ اختری گروپ نے راسب گروپ کی گاڑی پر حملہ کیا گیا ، جس مین مسلح ملزموں نے گھات لگا کر گاڑی کو فائرنگ کا نشانہ بنایا، بعد ازاں پولیس نے ضلع بھرکی ناکہ بندی کرکے تین مشتبہ افراد کو حراست میں لے لیا جبکہ آئی جی پنجاب ڈاکٹر عثمان انور نے آر پی او گوجرانوالہ سے رپورٹ طلب بھی کرلی ہے۔

یاد رہے گذشتہ روز گجرات میں متحارب گروپوں میں فائرنگ کے نتیجے میں 6 افراد ہلاک ہو گئے تھے۔

پولیس کا کہنا تھا کہ دشمنی کی بنا پر مخالفین کو فائرنگ کر کے قتل کیا، مقتولین میں زاہد ناظم، مبشر، ضمیر، جاوید، رخسار اور نامعلوم شخص شامل تھے۔

تاخیر کی شکار تھائی ایئر کی پرواز بینکاک سے کراچی پہنچ گئی

کی طرف
ویب ڈیسک
-
0

کراچی :(رپورٹ: جام فرید لاکھو) تاخیر کی شکار تھائی ایئر کی پرواز کراچی ایئرپورٹ پرلینڈ کرگئی ، سڈنی سے پاکستان آنیوالے مسافر 2 روز بینکاک میں پھنسے ہوئے تھے۔

تفصیلات کے مطابق تاخیر کی شکار تھائی ایئر کی پرواز بینکاک سےکراچی پہنچ گئی، تھائی ایئرلائن کی پروازخرابی کے باعث تاخیر کی شکار ہوئی تھی۔

سڈنی سے کراچی آنے والے پاکستانی مسافر گزشتہ دو روز سے بینکاک ایئرپورٹ پر پھنسے ہوئے تھے، پاکستانی مسافروں کو چھ گھنٹے تک متبادل پرواز کیلیے انتظار کرایا گیا اوربندوبست نہ ہونے پر تھائی ایئرنے شیڈول پرواز منسوخ کردی تھی۔

مزید پڑھیں : غیرملکی ایئرلائن کی پرواز میں خرابی کے باعث پاکستانی مسافر رُل گئے

ایئر لائن انتظامیہ نے ایئرپورٹ سے ڈیڑھ گھنٹے کی مسافت پرہوٹل دیا، جس میں سہولتیں بھی نہیں تھیں۔

ایئر لائن حکام کی نااہلی سے کئی مسافروں کی کنیکٹنگ فلائٹ بھی چھوٹ گئی تھی، جس پر اُنہوں نے پاکستانی حکام سےمدد کی اپیل کی تھی۔

فٹبال کی عالمی باڈی نے پاکستان فٹبال فیڈریشن کی معطلی ختم کردی

کی طرف
ویب ڈیسک
-
0

انٹرنیشنل فیڈریشن آف فٹ بال ایسوسی ایشن نے پاکستان فٹبال فیڈریشن کی معطلی ختم کردی، پاکستان کو فیصلے سے متعلق آگاہ کردیا گیا۔

پی ایف ایف کانگریس کی جانب سے فٹبال گورننگ باڈی اور ایشین فٹ بال کنفیڈریشن کی لازمی آئینی ترامیم منظور کی گئی تھیں جس کے بعد فیفا نے پاکستان فٹبال فیڈریشن کی معطلی کو ختم کیا، حکام نے اتوار کو یہ خوشخبری سنائی۔

فیفا نے جاری بیان میں کہا کہ فیفا کونسل کے بیورو نے 2 مارچ 2025 کو پی ایف ایف پر 6 فروری 2025 کو لگائی گئی معطلی کو ختم کرنے کا فیصلہ کیا ہے۔

بیان میں مزید کہا گیا کہ یہ فیصلہ پی ایف ایف کانگریس کی جانب سے متفقہ طور پر پی ایف ایف آئین کے ورژن کی منظوری کے بعد کیا گیا ہے جس کی توثیق فیفا اور اے ایف سی نے کی تھی۔

پی ایف ایف نارملائزیشن کمیٹی کے رکن شاہد کھوکھر کا کہنا ہے کہ پاکستان کی معطلی ختم کر دی گئی ہے پاکستان دوبارہ اہل ہوگیا ہے کہ یہاں بین الاقوامی فٹ بال سرگرمیاں شروع ہوسکیں۔

خیال رہے کہ پی ایف ایف کانگریس کی جانب سے کچھ ہفتوں قبل انتخابی اصلاحات کے لیے آئینی ترامیم منظور نہیں کی گئی تھیں جس کے بعد فیفا نے پی ایف ایف کی رکنیت معطل کردی تھی۔

فیفا کا کہنا تھا کہ یہ معطلی اس وقت تک برقرار رہے گی جب تک پی ایف ایف کانگریس فیفا اور اے ایف سی کی جانب سے پیش کردہ آئینی ترامیم کی منظوری نہیں دے دیتی۔

پی ایف ایف کا ملک میں فٹبال کے فروغ کے لیے بڑا قدم

امریکی عدالت کے فیصلے سے ڈونلڈ ٹرمپ کو ایک اور جھٹکا

کی طرف
ویب ڈیسک
-
0
ٹرمپ چین

واشنگٹن : امریکی عدالت نے صدر ڈونلڈ ٹرمپ کی جانب سے وفاقی نگران ادارے کے سربراہ ہیمپٹن ڈیلنگر کی برطرفی کو غیر قانونی قرار دے دیا ہے۔

غیر ملکی خبر رساں ادارے کی رپورٹ کے مطابق امریکی ڈسٹرکٹ جج ایمی برمن جیکسن نے وفاقی نگران ادارے کے سربراہ کو برطرف کرنے کے فیصلے کو "غیر قانونی” قرار دے دیا۔

عدالت نے گزشتہ روز فیصلہ سنایا کہ آزاد نگران ایجنسی کے سربراہ کو برطرف کرنے کے حوالے سے صدر ڈونلڈ ٹرمپ کے اختیارات پر عائد پابندیاں آئینی ہیں، جس سے یہ معاملہ ممکنہ طور پر سپریم کورٹ میں پہنچ سکتا ہے۔

جج کا اپنے فیصلے میں کہنا ہے کہ ڈیلنگر کو برطرف کرنے کی کوشش صدر ٹرمپ کے اختیارات سے تجاوز کے زمرے میں آتی ہے، اس سے ایگزیکٹو برانچ کے عہدیداروں کو غیر قانونی دباؤ ڈالنے کا موقع ملے گا۔

جج جیکسن نے اس بات کو مسترد کیا کہ اس قانون کا اطلاق غیر آئینی ہے، اور کہا کہ یہ قانون وفاقی ملازمین اور خاص طور پر وسل بلورز کو تحفظ فراہم کرتا ہے تاکہ وہ غیر قانونی سلوک کا مقابلہ کر سکیں۔

انہوں نے کہا کہ صدر مخصوص قانونی وجوہات کی بنا پر اسپیشل کونسل کے سربراہ کو برطرف کر سکتے ہیں، لیکن وائٹ ہاؤس کی جانب سے بھیجی گئی مختصر ای میل میں کوئی وجہ بیان نہیں کی گئی تھی، جس میں محض اتنا لکھا تھا کہ اسپیشل کونسل کو برطرف کر دیا گیا ہے۔

رپورٹ کے مطابق حالیہ فیصلے کے بعد محکمہ انصاف نے اس کے خلاف اپیل کرنے کا اعلان کیا ہے، ٹرمپ انتظامیہ کے وکلا کا کہنا تھا کہ یہ فیصلہ ٹرمپ کے اختیارات کی حدود کو محدود کرتا ہے۔

یاد رہے کہ اس سے قبل گزشتہ ماہ ایک جج نے صدر ڈونلڈ ٹرمپ کے یو ایس ایڈ کے 2200 ملازمین کو بمعہ تنخواہ جبری رخصت پر بھیجنے سے متعلق منصوبے کی ڈیڈ لائن ختم ہونے سے کچھ گھنٹے قبل عارضی طور پر روک دیا تھا۔

 

نیل نتن مکیش نے شاہ رخ خان کو ’شٹ اپ‘ کیوں کہا تھا ؟

کی طرف
ویب ڈیسک
-
0
نیل نتن مکیش

ممبئی : بالی وڈ اداکار نیل نتن مکیش نے بالآخر اس دیرینہ تنازعے پر وضاحت دے دی ہے جو برسوں پہلے ایک ایوارڈ تقریب میں شاہ رخ خان کے ساتھ پیش آیا تھا۔

مذکورہ واقعہ سال 2009ء کے فلم فیئر ایوارڈز کے دوران پیش آیا تھا جس میں اداکار نیل نتن مکیش نے سُپر اسٹار شاہ رخ خان کو اپنے نام کا مذاق اڑانے پر’شٹ اپ‘ کہہ دیا تھا۔ یہ مذاق وائرل ہو گیا، جس کی وجہ سے نیل کے ردعمل پر قیاس آرائیاں کی گئیں۔

شاہ رخ خان نے نیل نتن مکیش کے نام پر ہلکے پھلکے انداز میں مذاق کرتے ہوئے کہا تھا کہ تمہارا نام نیل نتن مکیش ہے، لیکن تمہارا سرنیم کہاں ہے؟ تمہارے نام میں تو سارے پہلے نام ہیں۔

یہ بات اس وقت نیل نتن مکیش کو ناگوار گزری جس کے جواب میں اداکار نے اس تبصرے کو اپنی توہین سمجھا اور کہا کہ آپ سب کو چپ رہنا چاہیے۔

اس واقعے کے تقریباً 15 سال بعد ایک حالیہ انٹرویو میں نیل نے وضاحت کی کہ وہ کبھی بھی اپنے سینئرز سے اس طرح بات نہیں کریں گے اور اس وقت کی صورتحال کو غلط سمجھا گیا تھا۔

انہوں نے کہا کہ میں شاہ رخ خان کی سینئر ہونے کی وجہ سے ان کا بہت احترام کرتا ہوں اور ان سے بہت محبت بھی کرتا ہوں تاہم یہ سب ایک شو کے دوران ہوا تھا، جہاں کئی چیزیں ایک ساتھ چل رہی تھیں۔

نیل کا مزید کہنا تھا کہ وہ اپنے خاندان کی عزت پر کبھی سمجھوتہ نہیں کریں گے، اگر لوگ ان کے والد اور دادا (گلوکار مکیش) کا مذاق بنانا چاہتے ہیں تو وہ بنا سکتے ہیں لیکن مجھے فخر ہے کہ ہم ‘100 سالِ مکیش’ منا رہے ہیں۔ وہ جانتے ہیں کہ ان کا خاندان کون ہے اور ان کیلئے یہی کافی ہے۔

سینئرز کو آرام دیں، ہمیں کم از کم 35 سے 40 لڑکوں کا پول بنانا ہوگا، کامران اکمل

کی طرف
ویب ڈیسک
-
0

سابق کرکٹر کامران اکمل نے پاکستانی ٹیم کی موجودہ صورتحال پر تجزیہ کرتے ہوئے کہا ہے کہ اب ہمیں 35 سے 40 لڑکوں کا پول بنانا ہوگا۔

اے آر وائی کے پروگرام میں اظہار خیال کرتے ہوئے قومی ٹیم کے سابق وکٹ کیپر بلے باز کامران اکمل نے کہا کہ ہماری ٹیم امید اور دعائوں پر چلتی ہوئی آرہی ہے، ہم خود سے محنت کرنا نہیں چارہ رہے، بھارت کا نیوزی لینڈ کے ساتھ بھی ون سائیڈ مقابلہ ہوا۔

انھوں نے کہا کہ بھارتی ٹیم نے ٹورنامنٹ کی دوسری بہترین سائیڈ نیوزی لینڈ کی ٹیم کو 250 رنز بھی نہیں کرنے دیے، اس وقت انھیں ٹورنامنٹ کی بہترین ٹیم کہہ سکتے ہیں۔

پاکستان کرکٹ بورڈ کو پروفیشنلی ٹیم بنانی پڑے گی اور سنجیدہ طریقے سے سوچنا پڑے گا، میرٹ پر ٹیم بنانی پڑے گی اس کے علاوہ کوئی حل نہیں ہے پاکستان کی کرکٹ کا، دبئی میں اگلی ٹیم چار چار اسپنرز کھلارہی ہے اور اہم ایک اسپنر لے کر گئے۔

کامران نے کہا کہ نیوزی لینڈ کے ٹور میں آپ نئی ٹیم لے کر جاسکتے ہیں اور سینئر پلیئرز کو ٹی ٹوئنٹی سے 8، 10 مہینوں کے لیے سائیڈ لائن کردیں اور انھیں ٹیسٹ میچ کھیلنے کا کہا جائے کہ ٹیسٹ اور ون ڈے کی طرف دھیان دیں۔

ان کا کہنا تھا کہ ٹی ٹوئنٹی میں نئے لڑکوں کو موقع دیا جائے، بیک اپ پلیئرز کو تیار کرنا بڑا ضروری ہے، 6، 7 سالوں میں ہم نے صرف ایک ہی گروپ کی طرف دیکھا ہے۔

سابق وکٹ کیپر نے کہا کہ پلیئرز کا پول بنانا پڑے گا اور اب 20، 25 پلیئرز سے کام نہیں چلے گا بلکہ ہمیں 35 سے 40 پلیئرز کا پول تیار کرنا ہوگا، وہ تبھی ہو گا جب آپ ٹی ٹوئنٹی میں نئے لڑکوں کو مواقع دیں گے۔

سحروافطار میں گھریلو صارفین کو گیس کی عدم فراہمی، وزیراعظم نے نوٹس لےلیا

کی طرف
ویب ڈیسک
-
0

وزیراعظم شہباز شریف نے رمضان المبارک میں سحر و افطار میں گھریلو صارفین کو گیس کی عدم فراہمی کی شکایات کا نوٹس لے لیا ہے۔

تفصیلات کے مطابق وزیراعظم پاکستان شہباز شریف نے گیس کی عدم فراہمی کی شکایات کے فوری ازالے کیلئے سیکریٹری سطح پر اجلاس طلب کیا، وفاقی وزارت، سوئی گیس کمپنیز کے منیجنگ ڈائریکٹرز اور سینئر انتظامیہ کیساتھ انھوں نے ہنگامی اجلاس منعقد کیا۔

سوئی گیس کمپنیز کا کہنا تھا کہ صارفین کو درپیش مسائل کے حل کیلئے اقدامات کیے جارہے ہیں، فیلڈ اسٹاف، کنٹرول رومز کے ذریعے گیس پریشر کی نگرانی کیلئے فوری اقدامات کیے گئے ہیں۔

رمضان کے آغاز کے ساتھ ہی گیس کمپنیوں کے اعلانات کے باوجود مختلف شہروں میں سحری اور افطار کے اوقات میں گیس غائب رہی اور لوگوں کو کافی مشکلات کا سامنا کرنا پڑا۔

گیس فراہمی کے اداروں کے اعلانات بیکار گئے اور رمضان المبارک میں سحر اور افطار کے اوقات میں گیس فراہمی کئی علاقوں میں بند رہی، لوگوں کو سحری اور افطاری کی تیاری میں مشکلات پیش آئیں۔

کراچی اور راولپنڈی کے کئی علاقوں میں گیس نہ ہونے کے باعث خواتین کو گھروں میں کھانا بنانے میں دشواری پیش آئی جبکہ ہوٹلوں پر عوام کا رش لگ گیا۔

وزیر اعظم کی چینی کی قیمتوں پر کنٹرول کیلیے سخت اقدامات کی ہدایت

افطار میں ’پٹاخہ چکن ٹمپورا‘ بنائیں، آسان ترکیب

کی طرف
ویب ڈیسک
-
0
’پٹاخہ چکن ٹمپورا‘

رمضان المبارک کے موقع پر سحر و افطار کیلیے پکوانوں کا خصوصی انتظام کیا جاتا ہے جس کی وجہ سے اس  ماہ مقدس کی رونقیں دوبالا ہوجاتی ہیں، ان ہی میں ایک ڈش ’پٹاخہ چکن ٹمپورا‘ بھی ہے۔

کچھ پکوان ایسے ہوتے ہیں جن کے بنا افطار ادھوری سی لگتی ہے یہ پکوان جہاں افطار کی شان بڑھاتے ہیں وہیں ان پکوانوں کا سوچ کر منہ میں پانی بھی آجاتا ہے۔

اسی سلسلے میں اے آر وائی ڈیجیٹل کے پروگرام شان رمضان کے ایک سیگمنٹ میں معروف شیف عائشہ نے افطاری کے دسترخوان کیلیے ’پٹاخہ چکن ٹمپورا‘ نامی ڈش بنانے کی ترکیب بیان کی۔

انہوں نے بتایا کہ یہ ڈش بظاہر دیکھنے میں پکوڑے جیسی ہے لیکن اس کی خوشبو اور ذائقہ اس سے بہت مختلف ہے۔

شیف عائشہ نے بتایا کہ پاکستان کے معروف سیاحتی مقام نتھیا گلی میں پٹاخہ چکن نامی ایک ڈش خصوصی طور پر تیار کی جاتی ہے اسے ملک کے دیگر علاقوں سے آنے والے سیاح بھی شوق سے کھاتے ہیں۔

اس ’پٹاخہ چکن ٹمپورا‘ بنانے کی ترکیب بیان کرتے ہوئے انہوں نے اس کے اجزاء بتائے جن میں مرغی کے گوشت کی لمبی لمبی بوٹیاں، کٹی ہوئی لال مرچ ایک چمچ، ایک عدد کٹا ہوا لہسن، دو چمچ لیموں کا رس، حسب ذائقہ نمک، ایک چمچ دھنیا پاؤڈر۔ ان تمام چیزوں کو اچھی مکس کردیں۔

اس کے بعد ایک علیحدہ برتن میں دو چمچ میدہ، دو چمچ چاول کا آٹا اور دو چمچ بیکنگ پاؤڈر، کٹی ہوئی لال مرچ اور نمک حسب ذائقہ۔ پھر اس میں تھوڑا سا ٹھنڈا پانی ڈال کر پیسٹ بنالیں۔

اس کے بعد فرائنگ پین میں موجود گرم آئل میں چکن کے پیس اس پیسٹ سے کوٹنگ کرکے فرائی کرلیں۔ آپ کا گرما گرم’پٹاخہ چکن ٹمپورا‘ تیار ہے۔

کلبھوشن کی گرفتاری کو 9سال مکمل، بھارتی دہشتگردی، را کے ناپاک عزائم بےنقاب ہوئے

کی طرف
ویب ڈیسک
-
0

بھارتی جاسوس کلبھوشن یادیو کی گرفتاری کو 9 سال ہوگئے، کلبھوشن کو پاکستانی انٹیلی جنس اداروں نےآج سے 9 سال قبل گرفتار کیاتھا۔

اے آر وائی نیوز کے مطابق بھارتی ایجنٹ کلبھوشن یادیو کی گرفتاری سیکیورٹی اداروں کی کامیابی کا کھلا ثبوت ہے، کلبھوشن کی گرفتاری سے بھارتی ریاستی دہشتگردی، را کے گھناؤنے عزائم بےنقاب ہوئے، 3 مارچ 2016 کو پاکستانی انٹیلی جنس نے کلبھوشن کو بلوچستان کے علاقے ماشکیل سے گرفتار کیا تھا۔

کلبھوشن یادیو عرف حسین مبارک کی گرفتاری پاکستانی اداروں کے تاریخی آپریشن میں ہوئی تھی، بھارتی جاسوس کلبھوشن یادیو بھارتی بحریہ کا حاضر سروس افسر تھا۔

گرفتاری کے بعد کلبھوشن کے اعترافات، دستاویزات، ثبوتوں نے بھارتی ایجنڈے کو بےنقاب کیا، کلبھوشن نے دوران تفتیش اعتراف کیا تھا وہ بلوچستان اور کراچی میں علیحدگی پسند رہنماؤں سے رابطے میں تھا۔

کلبھوشن نے اعتراف کیا تھا وہ کراچی میں فرقہ وارانہ فسادات، سندھ میں دہشت گردی کی وارداتیں کراتا تھا، کلبھوشن نے ایرانی شہر چاہ بہار میں جیولری کا کاروبار کیا، اسکریپ ڈیلر کا روپ دھار کر پاکستان میں نیٹ ورک چلایا۔

کلبھوشن یادیو کے نیٹ ورک میں بی ایل اے، ٹی ٹی پی، لشکر جھنگوی اور داعش جیسے گروہ شامل تھے، بھارت نے یہ کیس آئی سی جے میں اُٹھایا تو پاکستان کے وکیلوں نے ثبوتوں کی بنیاد پر پاکستان کے موقف کو مضبوطی سے پیش کیا۔

آئی سی جے نے بھارت کی جھوٹی داستانوں کو مسترد کیا، پاکستان کو اختیار دیا کہ وہ اپنے قوانین کے مطابق کیس کا جائزہ لیں، آئی سی جے نے پاکستان کی انسانی حقوق کی پاسداری کو تسلیم کیا اور اس خطرناک دہشت گرد کو قونصل رسائی دی۔

قونصل رسائی میں کلبھوشن نے اپنے اعترافات سے پاکستانی موقف کی تائید کی، کلبھوشن یادیو کی گرفتاری کی خبر دنیا بھر میں سب سے پہلے اے آر وائی نیوز نے دی تھی۔

ترجمان بلوچستان حکومت شاہد رند کا کہنا ہے کہ 3 مارچ 2016 پاکستان کی تاریخ کا اہم ترین دن تھا، قانون نافذ کرنے والے اداروں نے بھارتی حاضر سروس ایجنٹ کو بلوچستان سے گرفتار کیا تھا۔

1...975976977...30,602صفحہ%موجودہ صفحہ%کا%کل صفحات

سوشل میڈیا

اے آر وائی ڈیجیٹل نیٹ ورک

انٹرایکٹو

کارپوریٹ

کاپی رائٹ © 2025