اسلام آباد: حکومتی سینیٹر عرفان صدیقی نے امریکی جریدے ’ٹائم‘ میں شائع ہونے والے بانی پاکستان تحریک انصاف (پی ٹی آئی) عمران خان کے مضمون پر سخت ردعمل کا اظہار کر دیا۔

سوشل میڈیا پلیٹ فارم ایکس پر سینیٹ میں (ن) لیگی پارلیمانی لیڈر اور خارجہ امور کمیٹی کے سربراہ عرفان صدیقی نے لکھا کہ امریکی میگزین میں عمران خان کا مضمون پاکستان کو بدنام کرنے کی کوشش ہے۔

عرفان صدیقی نے لکھا کہ مضمون میں حکومت، عدلیہ، مسلح افواج اور تمام اداروں پر بے بنیاد الزامات لگائے گئے، اس میں عمران خان کو اڈیالہ جیل سے نکال کر ہاؤس اریسٹ کی پیشکش کا جھوٹا دعویٰ بھی کیا گیا۔

یہ بھی پڑھیں: بانی پی ٹی آئی ملک میں فرعون کی طرح کام کر رہا تھا، شرجیل میمن

انہوں نے کہا کہ بانی پی ٹی آئی کو کسی بھی مرحلے پر ایسی کوئی پیشکش نہیں کی گئی، بہتر ہو وہ خود بتا دیں یہ پیشکش کس کی طرف سے کس نے اور کب ان تک پہنچائی؟

جنوری میں عرفان صدیقی نے میڈیا سے گفتگو میں کہا تھا کہ پی ٹی آئی نے مطالبات تحریری شکل میں نہ دیے تو مذاکرات میں مشکلات آ سکتی ہیں، 12 دنوں میں مذاکرات ایک انچ بھی آگے نہیں بڑھے۔

انہوں نے واضح کیا تھا کہ کوئی پس پردہ اور متوازی مذاکرات نہیں ہو رہے، سیاسی قیدی ہونے کا تعلق فرد کی شناخت سے نہیں بلکہ جرم کی نوعیت پر ہے، کسی سیاستدان کو فوجداری مقدمات سے استثنیٰ نہیں، پی ٹی آئی نے 45 لاپتا افراد کا ذکر تو کیا لیکن فہرست دی اور نہ نام پتے بتائے۔

ان کا یہ بھی کہنا تھا کہ عمران خان کو بنی گالہ بھیجنے کی کوئی پیشکش نہیں کی گئی، کمیٹی، حکومت یا کسی اور ادارے کی طرف سے پیشکش نہیں کی گئی، ہماری طرف سے پی ٹی آئی کو سول نافرمانی ختم کرنے کا یا کوئی اور مطالبہ بھی نہیں کیا گیا۔

سندھ کے سینئر وزیر شرجیل انعام میمن کا کہنا ہے کہ بلاول بھٹو وزیراعظم بننے کے حقدار ہیں۔

اے آر وائی نیوز کے مطابق صوبائی وزیر شرجیل میمن نے میڈیا سے گفتگو کرتے ہوئے کہا کہ بلاول بھٹو وہ کام کررہے ہیں جو تاریخ میں نہیں ہوئے، وہ وزیراعظم بننے کے حقدار ہیں۔

انہوں نے کہا کہ کینالز کے خلاف تحریکیں چلانے کی کوششیں کی جارہی ہیں، پیپلزپارٹی کہہ چکی ہے کینالز نہیں بنیں گی تو نہیں بنیں گی۔

صوبائی وزیر نے کہا کہ چوں چوں کے مربے الیکشن سے پہلے پیدا ہوتے ہیں اور پھر غائب ہوجاتے ہیں۔

شرجیل میمن نے کہا کہ پیپلزپارٹی کا عوام سے انتخابات کا نہیں جینے اور مرنے کا رشتہ ہے، سیلاب پورے پاکستان میں آئے لیکن گھر صرف سندھ حکومت بنا کر دے رہی ہے۔

ان کا کہنا ہے کہ 2 لاکھ سے زائد گھروں کو میرٹ کی بنا پر سندھ حکومت سولر سسٹم دے رہی ہے، مستحق افراد کو سولر سسٹم فراہم کیا جائے گا۔

صوبائی وزیر نے یہ بھی کہا کہ سولر سسٹم ان کو دیا جائے گا جو بجلی کا بل نہیں دے سکتے۔

کراچی: مصطفیٰ عامر قتل کیس میں نامزد ارمغان کے خلاف ایک اور مقدمہ سامنے آگیا، مرکزی ملزم پر وکیل کو قتل کی دھمکیاں دینے کی دفعات کے تحت مقدمہ درج ہوا۔

پولیس حکام نے بتایا کہ وکیل سیف ایڈووکیٹ کی مدعیت میں مقدمہ درج ہوا تھا، ارمغان نے اپنے خلاف مقدمات میں پیش وکیل کو دھمکی آمیز میسج کیے تھے، ملزم کے خلاف 2 مقدمات میں مدعی کے وکیل کو دھمکیاں دی گئی تھیں۔

یہ بھی پڑھیں: ارمغان کے منی لانڈرنگ میں ملوث ہونے سے متعلق تحقیقات شروع

مدعی وکیل نے مؤقف اختیار کیا کہ 22 اپریل 2024 کو ارمغان نے واٹس ایپ پر میسجز کیے تھے کہ پیچھے نہ ہٹے تو جان سے جاؤ گے یا غائب کروا دوں گا، مجھے اور میری فیملی کو مغلظات بھی بکی گئی تھیں۔

مقدمہ درج ہونے پر سٹی کورٹ نے مقدمے میں آئندہ سماعت پر ملزم کو پیش کرنے کا حکم دے دیا۔

گزشتہ روز قومی اسمبلی قائمہ کمیٹی نے ہائی پروفائل کیس سے متعلق بڑا فیصلہ کرتے ہوئے ماہر ایف آئی اے افسران پر مشتمل 3 رکنی کمیٹی تشکیل دی۔

اس متعلق ڈپٹی ڈائریکٹر سائبرکرائم سرکل کراچی کی جانب سے آفس آرڈر جاری کر دیا گیا۔ ڈپٹی ڈائریکٹر فرانزک اسلم منظور کی سربراہی میں کمیٹی بنائی گئی۔

اسسٹنٹ ڈائریکٹر فرانزک عامر زیب ٹیم میں بطور ممبر شامل ہوں گے جبکہ سب انسپکٹر شعیب شہاب بھی بطور ممبر تحقیقاتی ٹیم میں شامل ہیں۔

قائمہ کمیٹی اجلاس میں مشاہدات کی روشنی میں کمیٹی بنانے کا فیصلہ کیا گیا تھا۔

راولپنڈی: آرمی چیف جنرل عاصم منیر کا کہنا ہے کہ قومی ترقی کے لیے نوجوان اپنی صلاحیتوں کو نکھاریں۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل عاصم منیر نے بہاولپور کنٹونمنٹ کا دورہ کیا اس موقع پر کور کمانڈر بہاولپور نے ان کا استقبال کیا۔

پاک فوج کے سپہ سالار کو بہاولپور کور کی آپریشنل تیاریوں، تربیتی امور پر بریفنگ دی گئی، آرمی چیف نے افسران، جوانوں کے بلند حوصلے اور جنگی تیاریوں کی تعریف کی۔

آرمی چیف نے سی ایم ایچ انسٹیٹیوٹ آف میڈیکل سائنسز، انووسٹا چولستان اور آئی سی ایس ایرینا کا بھی افتتاح کیا۔

انہوں نے سی آئی ایم ایس میں بہاولپور کی جامعات کے طلبا سے بات چیت کی اور پاک فوج کے نوجوانوں کے لیے امور پر روشنی ڈالی۔

آرمی چیف نے کہا کہ سخت اور بہترین تربیت ایک سپاہی کی پیشہ ورانہ مہارت میں کلیدی حیثیت رکھتی ہے، جنگ کے جدید رجحانات کے مطابق پاک فوج کی تربیت کا عمل جاری ہے۔

انہوں نے کہا کہ قومی تری کے لیے نوجوان اپنی صلاحیتوں کو نکھاریں، ملک کی ترقی اور مستقبل میں نوجوانوں کا اہم کردار ہے۔