لاہور : معروف اداکار شان نے بھارتی مصنف کی جانب سے پاکستان کو تنقید کا نشانہ بنانے پر جواب دیتے ہوئے کہا کہ جاوید اختر 26/11 کے مجرموں کوممبئی میں ڈھونڈیں۔
تفصیلات کے مطابق بھارتی مصنف جاوید اختر کی پاکستان کیخلاف ہرزہ سرائی کے بعد معروف اداکار شان نے بھارتی مصنف کو آڑے ہاتھوں لے لیا۔
اداکار شان نے سخت ردعمل دیتے ہوئے کہا کہ جاوید اختر کو کیا ضرورت ہ ےیہاں چھبیس گیارہ کے ملزم ڈھونڈنے کی،چھبیس گیارہ کے ملزم ڈھونڈنےہیں تو بھارت میں ڈھونڈیں۔
اداکار کا کہنا تھا کہ جاوید اختر کو سر پر بٹھانے والے پہلے انہیں بتادیں کہ وہ پاکستان میں ہیں، انہیں کبھی کشمیر میں مودی کےمظالم پر بات کرنےکی تو توفیق نہیں ہوئی ،یہاں آکر ان کی زبان کھل جاتی ہے۔
یاد رہے جاوید اختر نے الحمرا آرٹس کونسل میں منعقد ہونے والا تین روزہ فیض فیسٹول میں گفتگو کرتے ہوئے کہا تھا کہ ہم ممبئی کے لوگ ہیں، ہم نے دیکھا ہے ہمارے شہر پر کیسے حملہ ہوا، وہ لوگ ناروے یا مصر سے نہیں آئےتھے،وہ لوگ ابھی بھی آپ کے ملک میں گھوم رہےہیں۔
