صادق آباد:دریائے سندھ میں ڈوبنے والے افراد کی تلاش کیلیے پاک فوج کے ایس ایس جی کمانڈوزنے سرچ آپریشن شروع کردیا۔
تفصیلات کے مطابق ماچھکہ کے قریب دریائے سندھ میں کشتی الٹنے کے معاملے پر دریا میں لاپتہ افراد کی تلاش کیلئے پاک فوج کے کمانڈوز ماچھکہ پہنچ گئے۔
ڈپٹی کمشنر رحیم یار خان کا کہنا ہے کہ دریا میں ڈوبنے والے افراد کی تلاش کیلئے پاک فوج کے ایس ایس جی کمانڈوزنے سرچ آپریشن شروع کردیا ہے، گڈو بیراج سے لیکر گھوٹکی تک کے علاقے میں سرچ آپریشن کیا جا رہا ہے۔
انتظامیہ نے بتایا کہ پاک فوج کےاٹھارہ غوطہ خور اور ایس ایس جی کمانڈوز امدادی کارروائیوں میں حصہ لے رہے ہیں جبکہ انتالیس غوطہ خوروں سمیت چون اہلکاراور مقامی غوطہ خور شامل ہیں۔
انتظامیہ کے مطابق ڈوبنےوالے افراد کی تلاش میں مدد کے لیے سندھ حکومت سے بھی رابطہ کیا گیا ہے۔
تیسرے روز ریسکیو آپریشن میں مزید مزید چار لاشیں نکال لی گئیں اور مرنے والوں کی تعداد اٹھائیس ہوگئی اور ڈوبنےوالے اکیس کی تلاش جاری ہے۔
گذشتہ روز اندھیرے کے باعث دریائے سندھ میں جاری آپریشن روک دیا گیا۔
یاد رہے دو روز قبل صادق آباد دریائے سندھ میں ماچکھہ کے قریب براتیوں سے بھری کشتی الٹ گئی تھی۔
