The news is by your side.

Advertisement

افواج پاکستان کورونا وائرس کے چیلنج سے نمٹنے کیلئے پُرعزم

اسلام آباد : افواج پاکستان سول انتظامیہ کیساتھ ملکرکورونا کوشکست دینے کیلئے پر عزم اور سپہ سالار جنرل قمر جاوید باجوہ کی ہدایت پر فوج اپنے عوام کے ساتھ شانہ بشانہ ہیں۔

تفصیلات کے مطابق پاکستان کی کوروناوائرس کیخلاف جنگ فیصلہ کن مرحلےمیں داخل ہوگئی ہے ، اس جنگ میں افواج پاکستان کورونا وائرس کے چیلنج سے نمٹنے کےلئے پر عزم ہیں۔

فوج کے جوان ملک کے کونے کونے میں سول انتظامیہ کی مدد کیلئے سرگرم ہیں اور غریب،بزرگ افرادمیں راشن تقسیم میں بھی فوج کے جوان آگے آگے ہیں۔

پاک فوج نے تمام وسائل، بیشتر اثاثے اور افرادی قوت وقف کردی ہے اور پاک آرمی کے فیلڈ اسپتال، ڈاکٹر، لیبارٹریز عوامی خدمت میں پیش پیش ہیں جبکہ پاک آرمی طبی آلات، حفاظتی و ضروری اشیا میں بھرپورتعاون کررہی ہے۔

فوجی جوان کورونا وائرس کے بارے میں عوام کو آگاہی دے رہے ہیں جبکہ اسپتالوں میں مریضوں کی رہنمائی، لوگوں میں ماسک،گلوز بھی تقسیم اور حفاظتی تدابیرپرعمل کے لئے بھی رہنمائی کررہے ہیں ۔

فوجی جوان سپہ سالار جنرل قمرجاویدباجوہ کی ہدایت اپنےعوام کےساتھ شانہ بشانہ ہیں ، عوام کی جانب سے افواج پاکستان کے جذبے اورحوصلے کو سلام پیش کیا۔

گذشتہ روز آرمی چیف جنرل قمر جاوید باجوہ نے پاک فوج کےجوانوں کو ملک کے کونے کونے تک پہنچنے کی ہدایت کرتے ہوئے کہا تھا کہ رنگ و نسل سے بالاتر ایک قوم بن کراس وبا سے لڑنا ہے، کسی طبقہ فکر کو تنہا نہیں چھوڑ سکتے، طے کردہ اقدامات بروقت کرلیے تو پورا معاشرہ محفوظ رہے گا۔

fb-share-icon0
Tweet 20

Comments

comments

یہ بھی پڑھیں