air show کوئٹہ : پاک چین مشترکہ ایئرشو، فضاؤں میں قوس وقزح کے رنگ بکھرگئے
The news is by your side.

Advertisement

کوئٹہ : پاک چین مشترکہ ایئرشو، فضاؤں میں قوس وقزح کے رنگ بکھرگئے

کوئٹہ : پاک چین اقتصادی راہداری کے حوالے سے کوئٹہ کے سمنگلی ایئر بیس پر پاک چین مشترکہ ایئرشو کا انعقاد کیا گیا جس میں پاکستان اور چینی افواج نے شاندار فضائی مظاہرہ پیش کیا، تقریب کے مہمان خصوصی وزیراعلیٰ بلوچستان ثناء اللہ زہری تھے۔

تفصیلات کے مطابق کوئٹہ کی پی اے ایف بیس سمنگلی پر پاکستان اور چین کی فضائیہ نے پاک چین اقتصادی راہداری کے حوالے سے ایئر شو کا انعقاد کیا۔

اس پروقار تقریب میں دونوں ممالک کے اعلیٰ سول اور عسکری حکام اورشہریوں کی بڑی تعداد نے شرکت کی، ائیر وائس مارشل حسیب پراچہ اورائیر آفیسر کمانڈنگ سدرن ائیر کمانڈ نےمعزز مہمانوں کا استقبال کیا۔

ائیر شو میں پاک فضائیہ کے ایف سیون پی جی اور چینی ایئرفورس کے جے ایف ٹین نے فضاؤں میں قوس وقزح کےرنگ بکھیردیئے۔

اس موقع پر پاک آرمی کے ہیلی کاپٹرز نے فلائی پاسٹ بھی کیا، پاک فضائیہ کا نئے آگسٹا ویسٹ لینڈ اے ڈبلیو تھرٹی نائین نے دیکھنے والوں کو خوشگوار حیرت میں مبتلا کردیا۔ فضائی کرتب پر شائقین جھوم اٹھے اور جی بھر کر داد دی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں