لاہور : قومی کرکٹ ٹیم کی نیوزی لینڈ روانگی کے موقع پر جہاز میں ان کے ہمراہ اپنی گلابی انگریزی کے باعث شہرت رکھنے والی معروف اداکارہ میرا بھی موجود تھیں، جن کی تصاویر نے سوشل میڈیا پر دھوم مچا دی۔
تفصیلات کے مطابق نیوزی لینڈ کے خلاف سیریز کے لئے پاکستانی ٹیم سرفراز احمد کی قیادت میں آکلینڈ پہنچ گئی۔ دوران سفر جہاز میں اداکارہ میرا بھی ساتھ تھیں۔
اس موقع پر انہوں نے کھلاڑیوں سے ملاقات کی اور تصاویر بھی لیں، بعد ازاں سوشل میڈیا ایپ انسٹا گرام پر اداکارہ میرا نے ان میں سے کچھ تصاویر شیئر کیں۔
کھلاڑیوں اور اداکارہ میرا کی فلائٹ کے دوران لی گئی تصاویر سوشل میڈیا پر وائرل ہوگئیں، میرا نے طیارے میں قومی ٹیم کے کپتان سرفراز کے ساتھ تصویر لی تو حسن علی بھی پیچھے نہ رہے انہوں نے بھی میرا جی کے ساتھ سیلفی لی۔
میرا نے بولنگ کوچ اظہر محمود کے ساتھ بھی تصویر بنائی۔ فلائٹ میں سابق کپتان شعیب ملک اور ان کی اہلیہ ثانیہ مرزا نے بھی میرا کے ساتھ سیلفی لی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔
