کراچی: پاکستان کوسٹ گارڈز منشیات اسمگلنگ کا قلع وقمع کرنے کے لئے پر عزم ہے اور ایسے عناصر کے خلاف کارروائی جاری رکھے ہوئے ہے۔
ایسی ہی کارروائی پسنی اور پسنی کوسٹل ہائی وے، وندر پر کی گئی، جس کے نتیجے میں کئی اسمگلرز کو حراست میں لے لیا گیا ہے۔
ترجمان کوسٹ گارڈز کی جانب سے جاری بیان کے مطابق پسنی کوسٹل ہائی وے پر اسنیپ چیکنگ کے دوران گاڑی کی تلاشی لی گئی تو اس دوران دو کلو کرسٹل برآمد کی گئی جبکہ ایک اسمگلر کو حراست میں لیا گیا۔
ترجمان کوسٹ گارڈز کے مطابق سپرہائی و ے ناکہ کھاری چیک پوسٹ پر کوچز میں کارروائیاں کی گئیں، اس دوران پانچ مسافروں سے31کلو چرس اور افیون برآمد کی گئی اور پانچ اسمگلرز کو گرفتار کی گیا۔
کراچی سپر ہائی و ے وندر پر گاڑیوں سےچھالیہ اور گٹکا برآمد کرتے ہوئے چھ ملزمان کو گرفتار کیا گیا جبکہ وندر اور کراچی لٹھ بستی کےقریب ایرانی ڈیزل کی غیر قانونی فروخت میں ملوث آٹھ افراد کو گرفتار کیا گیا، پکڑی جانے والی منشیات، چھالیہ،متفرق اشیا کی مالیت کروڑوں روپے سے زائد ہے۔
ترجمان کوسٹ گارڈ کے مطابق گوادر پر پاک ایران بارڈر سے غیر قانونی طورپر جانیوالے75تارکین وطن کو گرفتار کرلیا گیا ہے۔
